O le Aoaoga mo le Vaaiga Lautele i le Faaipoipoga ma Fegalegaleaiga Faaleaiga

Vaega A: Faamalosia o Faaipoipoga

Lesona 1: “O le Aiga o le Totonugalemu Lea O Fuafuaga a Le Foafoa”

Ua folafola mai e perofeta o aso e gata ai le taua e faavavau o faaipoipoga ma le aiga.

O le faaipoipoga e faavavau e mafai ona aumaia ai le olioli ma faamanuiaga silisili o lenei olaga ma le faavavau.

O le Aoaoga o le Faaipoipoga ma Fegalegaleaiga Faaleaiga ua fuafua e fesoasoani ia i tatou ina ia maua le olioli i sootaga faaleaiga.

O o tatou aiga e mafai ona avea “o se vaega o le lagi” a’o tatou atina’e “i luga o le papa o lo tatou Togiola.”

Lesona 2: Faatupuina o le Lotogatasi i le Faaipoipoga

Ua poloai mai le Alii i tane ma ava ina ia tasi.

E tatau i tane ma ava ona faatauaina e le tasi le tasi e avea o ni tagata e tutusa.

E tatau i tane ma ava ona faaaoga o latou uiga lelei ma mea e mafai ona fai e lagolago ai le tasi i le tasi.

E tatau i tane ma ava ona faamaoni le tasi i le tasi.

Lesona 3: Faaolaolaina o le Alofa ma Le Faauoga i le Faaipoipoga

E tatau i tane ma ava ona faapelepele ma fafaga lo laua alofa o le tasi mo le tasi.

O uiga faaalia o le alofa ma le agalelei e faatumauina ai le alofa ma le faauo i le faaipoipoga.

O tulaga vavalalata o le tino e tatau ai i le faaipoipoga o se uiga faaalia lea o le alofa.

E tatau i ulugalii ua faaipoipoina ona taumafai ia maua le alofa, o le alofa mama lea o Keriso.

Lesona 4: O le Tali Atu i Lu’itau i le Faaipoipoga

E oo i ulugalii uma ua faaipoipoina ni lu’itau.

E mafai e tane ma ava ona onosaia soo se lu’itau pe afai la te manatu o le faaipoipoga o le faia o se feagaiga.

A tulai mai ni lu’itau, e mafai ona tatou filifili e tali atu i le onosai ma le alofa ae le o le musua po o le ita.

Lesona 5: O le Tali Atu i Lu’itau e Ala i Fesootaiga Lelei

E oo i ulugalii uma ua faaipoipoina ni nai eseesega o manatu.

E tatau i tane ma ava ona saili mo uiga lelei ma le moomia o loo i ai i le tasi ma le tasi.

O fesootaiga lelei e fesoasoani i le puipuia ma le foia o faigata.

Lesona 6: Faamalosia o Faaipoipoga e Ala i le Faatuatua ma le Tatalo

E tatau i tane ma ava ona galulue faatasi i le faateleina o lo la faatuatua ia Iesu Keriso.

E faamanuiaina tane ma ava pe a latou tatalo faatasi.

Lesona 7: O le Mana Faamalolo o le Faamagalo Atu

O se agaga o le faamagalo atu i le va o le tane ma le ava e fesoasoani lea i le aumaia o le filemu ma se lagona o le faalagolago ma le to’afilemu.

E tatau i tane ma ava ona saili i le faamagaloga a le tasi mai le tasi mo o la vaivaiga ma ia faia se taumafaiga ma le loto faamaoni ina ia faaleleia atili lo la va.

E tatau i tane ma ava ona faamagalo le tasi i le tasi.

Lesona 8: Pulea o Tupe a le Aiga

E taua tele le pulea lelei o tupe mo le maua o se faaipoipoga fiafia.

E tatau i tane ma ava ona galulue faatasi ina ia mulimuli i mataupu faavae autu o le pulea o tupe.

VAEGA E: TIUTETAUAVE O MATUA I LE FAAMALOSIA O AIGA

Lesona 9: “O le Fanau o le Tofi Lea Mai ia Ieova”

Ua tuuina mai e le Tama Faalelagi Lana fanau faaleagaga mo le tausiga a matua faalelalolagi.

E tatau i matua ona taumafai e faataunuu tulaga manaomia o le tamaitiiti.

E tatau i tamaiti ona maua se fegalegaleaiga alofa ma o latou matua.

O le saua i tamaiti o se agasala lea i le Atua.

E aumaia e tamaiti le olioli tele i olaga o o latou matua.

Lesona 10: O Tiutetauave Paia o Tama ma Tina (Vaega 1: Tiute o Tama)

E tatau i tama ma tina ona galulue faatasi mo le tuuina atu i tamaiti taitoatasi o le la fanau o se talipupuni o le faatuatua.

E tatau i tama ona pulefaamalumalu i le alofa ma le amiotonu.

E tatau i tama ona saunia mo o latou aiga mea e tatau ai o le olaga faapea ma le puipuiga.

Lesona 11: O Tiutetauave Paia o Tama ma Tina (Vaega 2: Tiute o Tina)

E galulue faatasi le tina ma le Atua i lana galuega.

E tatau faapitoa lava i tina ona i ai le tiutetauave o le fafagaina o a latou fanau.

E tatau i tama ma tina ona fesoasoani le tasi i le tasi i le avea ma tagata e galulue faatasi.

Lesona 12: O le Aoaoina o Fanau e Ala i Faataitaiga ma Aoaoga

Ua i ai i matua le tiutetauave o le aoaoina o a latou fanau.

E mafai e matua ona maua le musumusuga i le aoaoina o a latou fanau.

E aoao atu matua e ala i faataitaiga ma aoaoga.

Lesona 13: O le Aoao Atu o Mataupu Faavae o le Talalelei i Fanau (Vaega 1)

O aoaoga a matua e mafai ona fesoasoani i fanau ina ia tumau i le malosi i le faatuatua.

E tatau i matua ona aoao a latou fanau i uluai mataupu faavae ma sauniga o le talalelei.

E tatau i matua ona “aoao atu a latou fanau ia tatalo, ma savavali tonu i luma o le Alii.”

Lesona 14: O le Aoao Atu o Mataupu Faavae o le Talalelei i Fanau (Vaega 2)

E faaalia e matua le alofa mo a latou fanau pe a latou aoao atu ia i latou.

E tatau i matua ona aoao atu i fanau le alofa ma le auauna atu.

E tatau i matua ona aoao atu i fanau le faamaoni ma le faaaloalo i mea totino a isi tagata.

E tatau i matua ona aoao fanau e uiga i taui o galuega e faia ma le faamaoni.

E tatau i matua ona aoaoina fanau e uiga i le ola mama.

Lesona 15: Taitaiina o Fanau A’o Latou Faia ni Faaiuga

E manaomia e fanau le taitaiga a’o latou faia ni faaiuga.

E mafai e matua ona fesoasoani i fanau i le faaaogaina o la latou filifiliga saoloto ma le amiotonu.

E tatau i matua ona faatagaina fanau e aoao mai taunuuga o a latou faaiuga e le faia ma le poto.

E tatau i matua ona faaalia le alofa e le mavae mo fanau ua se ese ma le ala.

Lesona 16: O Tatalo Faaleaiga, Suesuega Faaleaiga i Tusitusiga Paia, ma Afiafi Faaleaiga.

O tatalo faaleaiga ma le suesue i tusitusiga paia atoa ma afiafi faaleaiga e tatau ona matua tuu i ai le faamuamua mo aiga uma o le Au Paia o Aso e Gata Ai.

E maua e aiga famanuiaga silisili pe a latou tatalo faatasi.

O le faia o suesuega faaleaiga i tusitusiga paia e fesoasoani lea i aiga e faalatalata atili atu ai i le Atua.

O afiafi faaleaiga e fesoasoani lea i aiga i le faamalosia e i latou o i latou lava mai le fetaiai ma faatosinaga leaga.