1. Fakamāsilaʻi Hoʻo Ngaahi Taukeí
Lau: Ko e founga ki ha kumi ngāue ola leleí ko e:
Ngāue ʻi he Tui + Ngāue Mālohi + Ngāue Fakapotopoto = Lavameʻa
Fakalaulauloto: Kapau ʻoku ʻikai ke ke lavameʻa ʻo hangē ko hoʻo fakaʻamú, ko e (ngaahi) meʻa fē ʻi he foungá ʻoku ngali puli mei hoʻo kumi ngāué?
Kapau ʻokú ke fai ʻa e ngāué kae ʻikai ke ke lavameʻa, vakaiʻi hoʻo ngaahi taukei kumi ngāué. ʻOku angamaheni ʻaki ʻa e faingataʻaʻia ʻa e kau kumi ngāué ʻi ha ngaahi tafaʻaki pau ʻo ʻenau kumi ngāué, pea ʻe fie maʻu ha taimi ke fakatupulaki ai e ngaahi taukei ko iá. ʻOku mahuʻinga ke ke ʻiloʻi e meʻa ʻokú ke faingataʻaʻia aí pea mo e meʻa te ke lava ʻo fai ki aí.
Ke tokoni atu ke ke lavaʻi e ngaahi faingataʻa angamaheni ʻo e kumi ngāué, mou takitaha fili ha taha ʻo e ngaahi faingataʻa angamahení mei he tēpile ko ʻení. Fakamatalaʻi ia ki hoʻo kulupú pe hoa ngāué. Mou ngāue fakataha leva ke akoako fakahoko ha foʻi taukei ʻe taha pe lahi ange naʻe fokotuʻutuʻu atú. Mahalo te mou fie vakaiʻi foki e vahe ʻoku felāveʻi mo iá pe akoako lahi ange ʻi he lolotonga ʻa e uiké.
Ngaahi Faingataʻa Angamahení
Ngaahi Taukei ke Akoakó
1. ʻOku ʻikai ke u ʻilo e faʻahinga ngāue ʻoku ou fie maʻú.
Vahe 1: Ko e Ngaahi Meʻa Mahuʻingá
Tāfataha ki ha ngāue pē ʻe taha ki he tolu (p. 7 )
2. ʻOku ʻikai ke u maʻu ʻe au ha ngaahi ngāue ʻatā.
Vahe 2: Fengāueʻaki mo e Kakaí
Ko Au ʻi ha Sekoni ʻe 30 (p. 29 )
3. ʻOku ou faingataʻaʻia he fengāueʻaki mo e kakaí.
Vahe 2: Fengāueʻaki mo e Kakaí
Ko Au ʻi ha Sekoni ʻe 30 (p. 29 )
4. ʻOku ʻikai ke u maʻu ʻe au ha ngaahi ʻinitaviu ngāue.
Vahe 2, 3, 4 Fakafehoanaki ʻo e ngaahi taukeí (p. 48 ) Ngaahi Tohi Aʻusia Fakaako mo Fakangāué (p. 79 ) Ngaahi Tohi Tala Ngāué (p. 85 )
Ngaahi Tohi Kole Ngāué (p. 88 )
5. ʻOku ou maʻu ha ngaahi ʻinitaviu kae ʻikai ha faingamālie ngāue.
Vahe 3–8
Fakahoa ʻo e ngaahi taukeí (p. 48 )
Fakaʻaongaʻi ha ngaahi fakamatala tākiekina-mālohi (p. 63 )
Teuteu kimuʻa he ʻinitaviú (p. 100 )
Kamataʻi lelei ʻa e ʻinitaviú (p. 101 )
Ko Au ʻi ha Sekoni ʻe 30 (p. 101 )
Liliu e koví ki he leleí (p. 118 )
ʻEke ha ngaahi fehuʻi (p. 121 )