Lipōtí—Taimi Lōloa Tahá: Miniti ʻe 25

Kapau ko hoʻo vahe ʻuluaki ʻeni ʻo e uiké, fakakakato ʻa e “Lipōtí.” Ka ʻikai, hiki ki he peesi 42.

Ngaahi Tukupā ʻo e Uike Kuo ʻOsí

Feinga ke ʻiloʻi fakaʻaho e ngaahi maʻuʻanga tokoní.
Fai ha ngaahi fetuʻutaki fakaʻaho.
Fetuʻutaki pea mo poupouʻi hoku hoa ngāué.
Akoako mo vahevahe ʻa e tefitoʻi moʻoni ʻo e Ko Hoku Fakavaʻe ʻo e ʻaho ní.
Akoako e ngaahi taukei kumi ngāué.

Sitepu 1: Vakaiʻi Pē ʻe Kita ʻa Kitá _{(miniti ʻe 5)}

Fakaʻaongaʻi e saati “Ko Hono Vakaiʻi ʻEku Ngaahi Ngāué” ʻi he peesi ii–iii ke toe vakaiʻi hoʻo ngaahi tukupā mei he fakataha fakaʻosí. ʻUluakí, hiki ʻa e fika totonu ʻo e ngaahi maʻuʻanga tokoni naʻá ke maʻú mo e ngaahi fetuʻutaki naʻá ke fakahokó. Hili iá peá ke fakafuofuaʻi leva hoʻo ngāue ke tauhi e tukupā takitaha ʻaki hono fakaʻilongaʻi ʻa e kulokulá, engeengá pe lanumatá.

ʻĪmisi

kiʻi fakatātā ʻo hono fakafuofuaʻi ʻeku ngaahi ngāué

Sitepu 2: Vahevahe mo e Kulupú _{(miniti ʻe 10)}

Mou takitaha lipooti e tuʻunga hoʻomou ngaahi tukupaá ʻaki hono vahevahe hoʻomou ngaahi taumuʻá mo e ngaahi fika totonú ʻaki hono fakaʻilongaʻi “kulokula,” “engeenga,” pe “lanumata” hoʻomou ngāué. Vahevahe ʻa e meʻa naʻe ola leleí mo e founga naʻe tokoniʻi ai koe ʻe he Tamai Hēvaní.

Sitepu 3: Fili ʻo e Ngaahi Hoa Ngāué _{(miniti ʻe 2)}

Fili ha hoa ngāue mei he kulupú ki he uike ka hokó. ʻI he angamahení, ko e ngaahi hoa ngāué ko ha ongo tangata pe ongo fafine mei ha fāmili kehekehe.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloakiʻaki mo aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Fakamatala ki he Fetuʻutakí

Hiki ʻa e founga mo e taimi te mo fetuʻutaki ai he uike ní.

Sāpate	Mōnite	Tūsite	Pulelulu	Tuʻapulelulu	Falaite	Tokonaki

Fakakakato ʻa e ʻekitivitī ʻi he peesi hono hokó.