Mga Kanunayng Ipangutana

Unsa nga mga kausaban ang akong mahimo ngadto sa mga kapanguhaan sa pagkat-on ug promosyon?

Pila ka magtutudlo ang akong gikinahanglan?

Unsa ang mga materyal sa tigkat-on ug magtutudlo alang sa EnglishConnect?

Unsaon nako sa pagkahibalo kon ang mga grupo malamposon?

Unsaon nako sa pagkahibalo kon ang tigkat-on kinahanglan nga mokuha sa EnglishConnect 1 ug 2?

Unsa nga mga kausaban ang akong mahimo ngadto sa mga kapanguhaan sa pagkat-on ug promosyon?

Ang mga kapanguhaan sa EnglishConnect giprotektahan sa balaod sa katungod sa pagmantala ug kinahanglan dili usbon nga walay pagtugot. Tan-awa ang seksiyon nga “Apendiks A: Legal nga Impormasyon” alang sa impormasyon sa paghangyo og pagtugot nga mausab ang mga kapanguhaan.

Pila ka magtutudlo ang akong gikinahanglan?

Girekomendar nga ang matag grupo adunay labing minos duha ka magtutudlo. Niana nga paagi sila makatudlo nga magkauban o makapuli sa usag usa kon adunay usa nga wala o nasakit.

Importante: Ang grupo sa EnglishConnect kinahanglan nga mosunod sa palisiya sa Simbahan nga labing minos duha ka responsable nga mga hamtong ang kinahanglan nga anaa atol sa matag miting sa grupo. Kon adunay usa lang ka magtutudlo, nan pag-assign og hamtong nga sakop sa grupo nga motambong sa matag leksiyon. Ayaw pagpahigayon og mga grupo kon walay labing minos duha ka responsable nga mga hamtong nga motambong.

Unsa ang mga materyal sa tigkat-on ug magtutudlo alang sa EnglishConnect?

Mga Materyal sa Tigkat-on

Ang mga tigkat-on nagkinahanglan nga makaakses sa EnglishConnect 1 alang sa mga Tigkat-on o EnglishConnect 2 alang sa mga Tigkat-on. Dugang nga mga kapanguhaan anaa usab aron mapalambo ang pagkat-on. Tan-awa ang lista sa ubos alang sa mga deskripsiyon sa tanang kapanguhaan nga anaa alang sa mga tigkat-on:

EnglishConnect 1 alang sa mga Tigkat-on ug EnglishConnect 2 alang sa mga Tigkat-on: Ang mga tigkat-on mogamit niini nga mga manwal aron mangandam ug moapil sa panag-istoryahanay sa grupo. Ang matag manwal sa tigkat-on gibahin ngadto sa unom ka yunit sa upat o lima ka leksiyon. Ang matag leksiyon naglakip sa “Personal nga Pagtuon” ug “Panag-istoryahanay sa Grupo” nga mga seksiyon. Ang mga tigkat-on giawhag nga kompletohon ang mga kalihokan sa “Personal nga Pagtuon” sa dili pa moadto sa panag-istoryahanay sa grupo. Mahimo ka nga makaakses sa mga manwal sa tigkat-on ug ang kauban nga mga kapanguhaan sa audio diha sa Gospel Library o orderon kini diha sa store.ChurchofJesusChrist.org (mga numero sa aytem 18489 & 19563).
EnglishConnect 1 nga Workbook ug EnglishConnect 2 nga Workbook: Ang mga grupo sa EnglishConnect 1 ug 2 matag usa adunay ilang kaugalingon nga workbook. Ang mga tigkat-on mogamit sa mga kalihokan niini nga mga workbook nga mag-inusara o adunay kapares isip dugang nga pagpraktis gawas sa panag-istoryahanay sa grupo. Mahimo nimo nga maakses ang mga workbook diha sa Gospel Library o orderon kini diha sa store.ChurchofJesusChrist.org (mga numero sa aytem 17140 & 17323).
EnglishConnect.org: Ang EnglishConnect nga website naglakip sa makapaapil nga mga kalihokan sa pagpraktis alang sa matag leksiyon.
Gospel Library nga App: Ang mga tigkat-on mahimong mobasa o maminaw sa mga pakigpulong sa kinatibuk-ang komperensiya, sa Basahon ni Mormon, ug mga himno.
Ubang mga Basahon ug mga Apps: Adunay daghang kapanguhaan nga giugmad aron matabangan ang mga tawo nga makat-on og Iningles. Ang mga tigkat-on kinahanglan nga “[mangita] … gikan sa labing maayo nga mga basahon [sa] mga pulong sa kaalam, [mangita sa] pagtulon-an gani pinaagi sa pagtuon ug usab pinaagi sa hugot nga pagtuo.” (Doktrina ug mga Pakigsaad 88:118).

Ang mga magtutudlo kinahanglan nga moawhag sa mga tigkat-on nga sulayan ang nagkalainlain nga mga kapanguhaan ug hukman kon unsa kamaayo ang matag usa alang kanila.

Mga Numero sa Aytem diha sa Tindahan sa Simbahan

EnglishConnect 1 alang sa mga Tigkat-on	18489
EnglishConnect 2 alang sa mga Tigkat-on	19563
EnglishConnect 1 nga Workbook	17140
EnglishConnect 2 nga Workbook	17323

Mga Materyal sa Magtutudlo

Ang mga magtutudlo kinahanglan nga magtuon sa EnglishConnect alang sa mga Magtutudlo diha sa Gospel Library ingon man sa ubang mga kapanguhaan alang sa pagbansay diha sa englishconnect.org/teacher/training. Ang mga magtutdlo mahimo usab nga mogamit sa mga kapanguhaan alang sa presentasyon sa EnglishConnect aron magiyahan ang mga kalihokan sa panag-istoryahanay sa grupo. Ang mga kapanguhaan alang sa presentasyon anaa sa englishconnect.org/resources/teaching-materials.

Unsaon nako sa pagkahibalo kon ang mga grupo malamposon?

Ang katuyoan sa EnglishConnect mao ang pagtabang sa mga tigkat-on nga madugangan ang ilang espirituhanon ug temporal nga pagbarog pinaagi sa kinaugalingong paningkamot samtang sila mangayo og tabang sa Ginoo nga makat-on og Iningles. Ang pagkat-on og Iningles makapadaghan usab sa ilang mga oportunidad sa edukasyon ug panarbaho. Ang mga kurso sa EnglishConnect gidesinyo aron sa pagtabang sa mga tigkat-on nga magamit ang mga baroganan sa ebanghelyo samtang sila magtambayayong sa pagkab-ot sa ilang mga tumong.

Makahibalo ka nga nagmalamposon ang mga magtutudlo kon sila:

Modapit sa Espiritu pinaagi sa pagpamatuod, pag-ampo, ug mga ekspresyon sa gugma ug pagdasig.
Mogahin og 20 ngadto sa 30 ka minutos sa oras sa grupo aron hisgotan ang baroganan sa pagkat-on gikan sa leksiyon.
Mogamit sa kinadak-an sa oras sa grupo sa pagtabang sa mga tigkat-on nga moapil sa makapaapil nga mga kalihokan sa pagbansay sa pag-istorya.

Makahibalo ka nagmalamposon ang mga tigkat-on kon sila:

Kanunay nga motambong ug aktibo nga moapil sa sinemana nga mga sesyon sa grupo.
Motudlo sa usag usa, mopadayag sa hugot nga pagtuo, ug mopaambit sa pagpamatuod.
Molihok uban sa hugot nga pagtuo ug magpraktis og Iningles matag adlaw gawas sa grupo.

Unsaon nako sa pagkahibalo kon ang tigkat-on kinahanglan nga mokuha sa EnglishConnect 1 ug 2?

Mahimo nimo nga gamiton ang mubo nga ebalwasyon sa pag-istorya diha sa “Apendiks B: Oral nga Interbiyo sa Kabatid sa Pagsulti alang sa Pagpahimutang diha sa EnglishConnect nga mga Grupo” aron pagdeterminar kon ang tigkat-on kinahanglan ba nga ibutang sa EnglishConnect 1 o EnglishConnect 2. Kon usa lang ka grupo ang gitanyag, ang mga tigkat-on gikan sa duha ka lebel mahimong magtambayayong aron makahatag ug makadawat og suporta.