Apendiks B

Oral nga Interbiyo sa Kabatid sa Pagsulti alang sa Pagpahimutang diha sa mga Grupo sa EnglishConnect

Alang Niadtong Mopahigayon sa Oral nga Interbiyo

Kini nga eksamin usa ka mubo nga interbiyo nga dili moabot og sobra sa lima ka minuto. Kini nga oral nga interbiyo motabang sa pagtino kon ang tigkat-on kinahanglan ba nga ibutang sa EnglishConnect 1 o sa EnglishConnect 2. Gamita kini nga tamdanan sa pagpahigayon og interbiyo ug gradohi ang mga tubag sa giinterbiyo.

Maprinta nga “Oral nga Interbiyo sa Kabatid sa Pagsulti”

Pag-interpretar sa mga Resulta sa Oral nga Interbiyo

Ang matag tawo kinahanglan nga gradohan sa mosunod nga pagsukod:

• 0 = dili gayod makatubag sa pangutana

• 1 = adunay diyotay o walay abilidad sa pagtubag; motubag gamit ang tinagsa lang nga mga pulong

• 2 = makatubag gamit ang gimemorya nga mga hugpong sa mga pulong ug daghan og mga sayop

• 3 = makadiretso og tubag gamit ang wala gimemorya nga mga hugpong sa mga pulong, bisan og adunay mga sayop

• 4 = makadiretso og tubag nga may pipila lang ka sayop

• Total nga Puntos: 0–7 = EnglishConnect 1

• Total nga Puntos: 8–11 = EnglishConnect 2

• Total nga Puntos: 12+ = EnglishConnect 2 ug dapiton nga moaplay sa EnglishConnect 3

Kon ang mga tigkat-on sagad makakuha og mga 1, kinahanglan nga ibutang sila sa EnglishConnect 1. Kon ang mga tigkat-on sagad makakuha og mga 2 o mga 3, kinahanglan nga ibutang sila sa EnglishConnect 2. Kon ang mga tigkat-on sagad makakuha og mga 3 o mga 4, mahimo gihapon sila nga motambong sa EnglishConnect 2 kon ganahan ug mahimo usab nga dapiton nga moaplay sa EnglishConnect 3 (tan-awa sa englishconnect.org/join).

Oral nga Interbiyo

Tabangi ang interbiyohonon nga mobati nga komportable kutob sa mahimo pinaagi sa pag-establisar og mahigalaon nga kahimtang. Kumustaha ang interbiyohonon ug ipailaila ang imong kaugalingon sa yanong paagi. Pananglitan: “Hi. My name is . What’s your name?”

Pangutan-a siya sa mga pangutana nga nakalista sa tsart sa ubos.

Pangutana	Puntos (0–4)
Pangutana 1. Tell me about yourself. What do you like to do? (Kon ang tigkat-on wala makasabot niini, mahimo nimong sulayan ang pangpangutana, “What are your hobbies?”)
Pangutana 2. Tell me about your family. Who is in your family?
Pangutana 3. Where are you from? Tell me about your city.
Pangutana 4. What did you do last weekend? (Ang pagsulti sa past tense mas lisod, busa ipangutana lamang kini kon ang tigkat-on maayo sa tanang uban nga mga pangutana)
Pangutana Sumada sa mga Puntos