Kinatibuk-ang Pagpasabot

Ang EnglishConnect adunay daghang lebel aron matabangan ang mga tigkat-on nga molambo. Ang EnglishConnect 1 ug 2 motabang sa mga tigkat-on nga mapalambo ang sukaranan nga mga kahanas sa pinulongan nga Iningles. Ang EnglishConnect 3 motabang sa mga tigkat-on nga mapalambo ang intermedya nga mga kahanas sa pinulongan nga Iningles alang sa mga oportunidad sa panarbaho, pagserbisyo, ug edukasyon—ilabi na gayod ang BYU–Pathway Worldwide.

Ang EnglishConnect mas labing epektibo kon ang tanang lebel anaa alang sa mga tigkat-on.

Graphic nga nagpakita sa paglambo gikan sa EnglishConnect 1, 2, ug 3, ngadto sa BYU Pathway Worldwide. Kini usab nagpakita nga ang EnglishConnect 1 ug 2 nagtudlo og sukaranan nga Iningles ug ang EnglishConnect 3 nagtudlo og intermedya nga Iningles.

Mga Kinahanglanon alang sa Pag-apil

Ang mga tigkat-on kinahanglan nga makamao sa ilang lumad nga pinulongan ug kinahanglan nga dili moubos sa 11 anyos ang edad aron makaapil sa mga grupo sa EnglishConnect.

Sa ubos mao ang mga abilidad sa pinulongang Iningles nga gikinahanglan sa mga tigkat-on aron masugdan ang matag lebel.

EnglishConnect 1: Makabasa sa alpabeto ug makalitok sa sukaranang mga pulong

EnglishConnect 2: Makamugna og sukaranan nga mga kapahayag

EnglishConnect 3: Makalahutay og natural nga panag-istoryahanay; makabasa ug makasulat og sukaranang mga kapahayag*

*Ang mga tigkat-on kinahanglan nga makapasar og ebalwasyon sa pinulongang Iningles aron makaapil sa EnglishConnect 3.