Mga Ehemplo

Sa ubos mao ang pipila ka ehemplo kon giunsa sa pag-organisar ang mga grupo aron matubag ang lokal nga mga panginahanglan.

Nagpadayon nga mga Grupo

Mga Grupo sa Duha ka Yunit

Mga Grupo sa Kabatan-onan

Mga Grupo nga Gipasiugdahan sa mga Misyonaryo

Nagpadayon nga mga Grupo

Usa ka konseho sa stake gusto nga mohatag og mga grupo sa EnglishConnect nga ang mga miyembro sa stake ug komunidad mahimong moapil bisan kanus-a. Naglaom sila nga ang mga grupo sa EnglishConnect makahatag sa mga miyembro sa Simbahan og mga oportunidad nga makaserbisyo. Naglaom usab sila nga kini nga mga grupo makahatag sa mga sakop sa komunidad og mga oportunidad nga makat-on og dugang mahitungod ni Jesukristo ug makasinati sa gugma sa mga miyembro sa Simbahan.

Mopili sila og bilding nga labing duol sa kadaghanan sa mga tawo nga lagmit maoy motambong. Sila modesisyon nga ang grupo mag-abot sa mga gabii sa Martes gikan sa alas 7:00 hangtod sa alas 8:30 sa gabii. Sila motawag og upat ka magtutudlo, duha alang sa EnglishConnect 1 ug duha alang sa EnglishConnect 2. Sila mohangyo sa usa sa mga magtutudlo nga maoy mahimong koordinitor sa tibuok programa ug hatagan kana nga magtutudlo og calling nga espesyalista sa welfare ug pagbarog pinaagi sa kinaugalingong paningkamot diha sa Leader and Clerk Resources. Pinaagi niini nga calling, ang koordinitor makarehistro sa mga grupo diha sa QuickReg.

Ang konseho sa stake dayon mo-advertise kabahin sa mga grupo pinaagi sa pagpang-apod-apod og mga flyer diha sa simbahan, mag-post mahitungod niini diha sa mga platform sa social media, ug mohangyo sa mga misyonaryo nga modapit sa mga tawo nga ilang mahimamat. Sa sinugdanan, ang stake mo-refer sa mga tigkat-on mga moapil og grupo sa virtual nga EnglishConnect 3 alang sa ilang dapit kon sila andam na nga mopadayon gikan sa EnglishConnect 2. Paglabay sa panahon, ang stake adunay igo nga mga partisipante aron makasuportar sa grupo sa EnglishConnect 3 sa sama nga bilding sa Simbahan sa ilang mga grupo sa EnglishConnect 1 ug 2. Sila makigtambayayong sa ilang kontak sa BYU–Pathway Worldwide aron motawag og mga misyonaryo sa PathwayConnect aron modumala sa grupo sa EnglishConnect 3.

Mga Grupo sa Duha ka Yunit

Usa ka konseho sa ward gusto nga mohatag sa mga miyembro sa ward ug sa komunidad og oportunidad nga makat-on og Iningles. Misulay sila sa pagmugna og grupo sa EnglishConnect kaniadto, apan kadaghanan sa mga partisipante naglisod sa pagpasalig nga makatambong sa gitanyag nga tibuok 25 ka semana. Midesisyon sila nga motanyag og mga grupo nga mokabat lamang og duha ka yunit.

Ang mga lider magplano nga magtigom ang mga grupo matag Huwebes ug Biyernes gikan sa alas 7:30 hangtod sa alas 9:00 sa gabii. Sila motawag og upat ka magtutudlo, duha alang sa EnglishConnect 1 ug duha alang sa EnglishConnect 2. Iparehistro nila ang mga grupo sa QuickReg ug ipahibalo nga anaa ang mga grupo pinaagi sa pagbutang og karatula gawas sa bilding sa Simbahan. Naghimo usab sila og mga flyer nga mahimong ipang-apod-apod sa mga miyembro ngadto sa ilang mga higala o ipakigbahin sa social media.

Sa kataposan sa bulan, ang mga lider mosira sa mga grupo diha sa QuickReg ug maghimo og plano nga mahuman ang mosunod nga duha ka yunit sa umaabot.

Mga Grupo sa Kabatan-onan

Usa ka konseho sa stake ang gusto nga motabang sa kabatan-onan nga makaakses sa mga oportunidad sa edukasyon ug panarbaho human nila matapos ang programa sa kabatan-onan ug mopauli gikan sa ilang mga misyon. Ang mga lider maglaom usab nga ang pagkat-on og Iningles diha sa EnglishConnect makatabang sa kabatan-onan nga makat-on unsaon sa pagpakig-uban sa Dios aron makab-ot ang bililhon nga mga tumong. Sila midesisyon nga magsugod og mga grupo sa EnglishConnect alang sa kabatan-onan sa ilang stake.

Ang kabatan-onan nagpuyo nga lagyo sa usag usa, mao nga ang mga lider midesisyon nga ang mga grupo magmiting sa virtual nga paagi matag Martes gikan sa alas 8:00 hangtod sa alas 9:00 sa gabii. Motawag sila og misyonaryo nga nakauli na ug usa ka batan-on nga makahibalo og pipila ka Iningles aron motudlo sa grupo. Moseguro ang mga lider nga sila nagsunod sa mga palisiya sa Simbahan sa pagpanalipod sa kabatan-onan. Pananglitan, seguroon nila nga duha ka hamtong nga nakahuman na sa pagbansay sa pagpanalipod sa kabatan-onan ang anaa sa matag virtual nga miting ug nga ang matag batan-on adunay pinirmahan nga porma sa pagtugot sa ginikanan.

Ang mga lider nagpahimutang usab og gi-monitor sa magtutudlo o sa lider nga grupo sa WhatsApp aron ang kabatan-onan makapraktis sa ilang Iningles matag adlaw. Ang grupo sa WhatsApp motabang aron maapil ang batan-on nga dili makatambong sa mga miting matag Martes.

Ang mga lider makigtambayayong sa ilang tigdumala sa welfare ug pagbarog pinaagi sa kinaugalingong paningkamot sa dapit aron makasugod sa grupo sa EnglishConnect 3 sa ilang dapit alang niadtong adunay mga abilidad sa pinulongang Iningles nga milabaw sa EnglishConnect 2.

Mga Grupo nga Gipasiugdahan sa mga Misyonaryo

Ang mga lider sa misyon gusto nga mogamit sa EnglishConnect aron mapaambit ang ebanghelyo ni Jesukristo. Nakahibalo sila nga mahimong labing maayo ang mga grupo sa EnglishConnect kon kini gidumala sa miyembro ug gisuportahan sa mga misyonaryo. Sa konseho kauban sa mga presidente sa stake diha sa misyon, sila nakadesisyon nga ang misyon mosugod og mga grupo sa EnglishConnect ug maningkamot nga mapasa kini ngadto sa mga stake.

Ang mga misyonaryo modesisyon sa mga oras sa panagtigom alang sa mga grupo nga motukma gayod sa ilang eskedyul sa pag-proselyte ug magamit og maayo ang pag-akses sa mga tawo diha sa komunidad. Samtang ang mga misyonaryo magsugod isip mga magtutudlo sa EnglishConnect, sila usab makigtambayayong sa mga lider sa pagkapari aron mangita og lokal nga mga miyembro nga makapuli nila, ang uban tingali mga tigkat-on sa EnglishConnect 1 ug 2 kaniadto. Sa paglabay sa panahon, ang mga misyonaryo mabalhin ngadto sa tahas nga tigsuporta. Ang mga misyonaryo magpadayon sa pagsuporta sa mga grupo pinaagi sa kanunay nga pagtambong, paghatag og bag-o nga mga tigkat-on, ug pagdasig sa mga tigkat-on nga mangayo og tabang sa Dios nga makat-on og Iningles.