Katuyoan

Ang EnglishConnect usa ka programa sa pagkat-on sa pinulongang Iningles nga gisangkap sa Ang Simbahan ni Jesukristo sa mga Santos sa Ulahing mga Adlaw. Ang katuyoan sa EnglishConnect mao ang pagtabang sa mga indibidwal nga madugangan ang espirituhanon ug temporal nga pagbarog pinaagi sa kinaugalingong paningkamot pinaagi sa pagpalambo og mga kahanas sa Iningles diha sa palibot nga adunay hugot nga pagtuo, pakigdait, ug paglambo.

Ang EnglishConnect Nagsuporta sa Buhat sa Dios sa Kaluwasan ug Kahimayaan

Ang EnglishConnect makatabang sa mga anak sa Dios sa:

• Pagsunod sa ebanghelyo ni Jesukristo. Sa EnglishConnect, ang mga partisipante mogamit sa mga baroganan sa pagkat-on “pinaagi sa pagtuon ug usab pinaagi sa hugot nga pagtuo” (Doktrina ug mga Pakigsaad 88:118). Ang mga magtutudlo ug mga tigkat-on mopalig-on sa ilang pagtuo samtang sila magtinguha ug modawat sa tabang sa Ginoo. (Mga ehemplo)

• Pag-atiman niadtong nanginahanglan. Ang mga kahanas sa pinulongang Iningles makapalapad sa mga oportunidad alang sa pagbarog pinaagi sa kinaugalingong paningkamot ug pagserbisyo. Ang EnglishConnect motabang sa mga partisipante nga maandam alang sa mga oportunidad sa pagserbisyo, panarbaho, ug edukasyon. Agig dugang, ang mga partisipante moserbisyo ug mohigugma sa usag usa samtang sila dungan nga magtudlo ug magkat-on. (Mga ehemplo)

• Pagdapit sa tanan nga modawat sa ebanghelyo. Sa mga grupo sa EnglishConnect, ang mga partisipante nagkat-on ug nagsunod sa mga baroganan sa ebanghelyo ug nag-ugmad og mga panaghigalaay. Sa tibuok EnglishConnect, ang mga patisipante adunay daghang oportunidad nga mosunod sa Espiritu samtang sila naghigugma, nakigbahin, ug nagdapit sa uban nga makasinati sa mga panalangin sa ebanghelyo. (Mga ehemplo)