Mga Espesyalista ug mga Komitiba sa Pagbarog pinaagi sa Kinaugalingong Paningkamot

Ang EnglishConnect motabang sa mga indibidwal nga madugangan ang espirituhanon ug temporal nga pagbarog pinaagi sa kinaugalingong paningkamot pinaagi sa pagpalambo sa mga kahanas sa Iningles diha sa kahimtang sa hugot nga pagtuo, pakigdait, ug paglambo. Sa mainampoong paagi ikonsiderar kon kinsa ang makabenepisyo gikan sa pag-apil isip usa ka espesyalista, magtutudlo, o tigkat-on.

Mahimo nimong ipahiangay ang EnglishConnect aron matubag ang mga panginahanglan niadtong diin ikaw gitawag aron moserbisyo. Sa mainampoong paagi ikonsiderar ang mga panginahanglan niadtong imong giserbisyohan samtang imong kompletohon ang mga lakang sa ubos.

Pagsangkap sa mga Grupo sa EnglishConnect 1 ug 2

Ang mga grupo sa EnglishConnect mahimong iorganisar ug ipahigayon sama sa ubang mga grupo sa pagbarog pinaagi sa kinaugalingong paningkamot. Kini kasagaran nagpasabot nga ang pagdumala sa EnglishConnect 1 ug 2 gidelegar ngadto sa usa ka komitiba sa pagbarog pinaagi sa kinaugalingong paningkamot o laing gisangonan nga komitiba.

Sa Daklit nga Pagtan-aw

Ang EnglishConnect 1 ug 2 libre nga apilan ug naglakip sa:

• Usa ka sinemana nga panag-istoryahanay sa grupo nga gipangulohan sa lokal nga mga miyembro o mga misyonaryo.

• 90 minutos nga mga leksiyon.

• 25 ka leksiyon nga giorganisar ngadto sa mga yunit.

• Mga baroganan sa pagkat-on “pinaagi sa pagtuon ug usab pinaagi sa hugot nga pagtuo” (Doktrina ug mga Pakigsaad 88:118).

• Mga kapanguhaan sa inadlaw-adlaw nga pagbansay.

• Akses sa audio ug hubad diha sa Gospel Library.

Ang gitas-on ug gidugayon sa mga leksiyon mahimong ipahiangay sa lokal nga mga sirkumstansiya (tan-awa sa “Mga Ehemplo”).

Sa Dili Pa Magsugod og usa ka Grupo

• Pagpakigtambag sa mga lider sa pagkapari kabahin sa mga panglantaw ug mga tumong (dugang pa).

• Pagtawag ug pagbansay og mga magtutudlo (dugang pa).

• Paghatag og mga materyal (dugang pa).

• Pagdesisyon kabahin sa lokasyon ug kapirmihon (dugang pa).

• Irehistro ang grupo diha sa QuickReg (dugang pa).

• Pagdapit ug pag-abiabi sa mga partisipante (dugang pa).

Atol sa Grupo

• Mag-amuma og usa ka kahimtang nga adunay hugot nga pagtuo, pakigdait, ug paglambo (dugang pa).

• Mosuporta sa paglambo sa magtutudlo (dugang pa).

• Motabang sa mga tigkat-on nga maandam alang sa sunod nga lebel sa EnglishConnect (dugang pa).

• Ipaila ang ubang mga kapanguhaan sa Simbahan (dugang pa).

• Idumala ang inyong grupo diha sa QuickReg (dugang pa).

Pagtapos sa usa ka Grupo

• Iprinta ug iapod-apod ang mga sertipiko inig ka human sa grupo (dugang pa).

• Motabang sa transisyon sa mga tigkat-on ngadto sa sunod nga lebel sa EnglishConnect o BYU–Pathway Worldwide (dugang pa).

• Tinoon ang mga tigkat-on nga mahimong tawagon isip mga magtutudlo (dugang pa).

• Dapiton ang mga tigkat-on nga moapil sa ubang mga programa sa Simbahan (dugang pa).

• Taposon ang grupo diha sa QuickReg (dugang pa).

• Mo-report ngadto sa mga lider sa pagkapari (dugang pa).

Pagkonektar sa mga Tigkat-on ngadto sa mga Grupo sa EnglishConnect 3

Ang EnglishConnect 3 motabang sa mga tigkat-on nga makapalambo og intermediate nga mga kahanas sa pinulongang Iningles alang sa mga kahigayonan sa panarbaho ug edukasyon—ilabi na ang BYU–Pathway Worldwide. Ang pangserbisyo nga mga misyonaryo sa Simbahan ang mopasiugda sa mga grupo sa EnglishConnect 3.

Adunay duha ka pamaagi nga makatabang ka sa mga tigkat-on nga makaakses sa EnglishConnect 3:

1. Motabang sa mga tigkat-on nga makaapil sa naporma na nga grupo. Ang EnglishConnect 3 adunay mga grupo sa hapit tanang dapit sa kalibotan. Makatabang ka sa mga tigkat-on nga maka-enrol sa usa ka grupo sa EnglishConnect 3 pinaagi sa paggiya nila sa proseso sa pag-aplay diha sa englishconnect.org/join. Paadtoa ang mga tigkat-on nga adunay dugang nga mga pangutana o mga isyu sa pag-enrol ngadto sa byupathway.org/help/contact-us.

2. Pagtanyag og usa ka grupo sa EnglishConnect 3. Kon ganahan ka nga magsugod og grupo sa EnglishConnect 3, pag-email sa [e-mail]. Usa ka pangserbisyo nga misyonaryo sa Simbahan ang mokontak nimo.