Apendiks A

Legal nga Impormasyon

Kinatibuk-ang Legal nga mga Gikinahanglan alang sa Giaprobahan nga mga Lokasyon

Ang Office of General Counsel (OGC) miaprobar sa mosunod nga mga lagda sa pagpahigayon alang sa programa sa EnglishConnect. Kini nga mga lagda magamit sa tibuok kalibotan sa EnglishConnect 1 ug 2, ubos sa bisan unsa nga legal nga mga gikinahanglan sa piho nga nasod nga gilatid diha sa EnglishConnect nga legal nga katingbanan alang sa matag nasod (tan-awa sa mga gikinahanglan sa piho nga nasod diha sa englishconnect.org/leader/approved-locations).

• Kuhaa ang pagtugot sa ginikanan alang sa matag partisipante nga nag-edad og 18 anyos o mas ubos pa gamit ang porma sa pagtugot sa ginikanan. Ang mga porma anaa sa daghang pinulongan sa online diha sa englishconnect.org/resources/leader.

  • Kuhaa ang mga pirma sa duha ka ginikanan kon mahimo. Kon ang usa ka 18 anyos o mas ubos pa nagpuyo nga nag-inusara, ang pagtugot sa ginikanan wala na kinahanglana.

  • Ang nakompleto na nga mga porma kinahanglan nga hiposon sa lokal nga mga lider ug andam alang sa pag-audit.

• Ipakompleto sa mga magtutudlo ang pagbansay sa Simbahan nga “Pagpanalipod sa Kabataan ug Kabatan-onan.” Sunda ang tanang sumbanan sa nasod alang sa pagpili ug pagtawag sa mga magtutudlo sa kabatan-onan og bisan unsa nga magtutudlo sa EnglishConnect kinsa magtudlo ni bisan kinsa nga mas ubos sa 21 ang pangedaron.

• Ayaw pagpabayad og bisan pila sa mga partisipante alang sa pag-apil sa programa.

  • Ang mga partisipante sa EnglishConnect maka-download sa mga materyal sa programa sa online nga libre, o ang lokal nga mga yunit makapalit sa mga materyal alang sa grupo pinaagi sa regular nga mga pamaagi sa pagpang-apod-apod diha sa store.churchofjesuschrist.org. Ang mga partisipante mahimo usab nga mopalit sa mga materyal pinaagi niini nga pamaagi kon gusto nila.

  • Ang mga magtutudlo sa EnglishConnect kinahanglang dili mohatag o modawat og kwarta o mga gasa isip kabahin sa bisan unsa nga may kalabotan sa pag-tutor o pagtudlo sa mga partisipante sa EnglishConnect.

• Ilakip ang mahinungdanon nga relihiyoso nga butang sa labing menos ikatulong bahin sa tanang pagtudlo. (Ang relihiyoso nga butang kinahanglan nga moabot og 20 minutos sa matag oras sa instruksiyon o 30 minutos sa matag 90 minutos sa instruksiyon.) Pahinumdom: Kon ang mga leksiyon mahatag sama sa giplano ug ang magtutudlo kanunay nga molakip sa kalihokan nga “Hisgotan ang Baroganan sa Pagkat-on” atol sa panag-istoryahanay sa grupo, kini nga panginahanglanon matubag.

• Sunda ang tanang lagda sa programa nga anaa sa Giya sa Pag-implementar alang sa EnglishConnect ug sa manwal sa magtutudlo, lakip na ang paggamit sa sistema sa online nga pagparehistro sa QuickReg sa (quickreg.englishconnect.org) aron maseguro ang pagkapribado sa datos.

• Aron malikayan nga mabutang sa peligro ang mga visa sa mga misyonaryo o ang legal nga kahimtang sa Simbahan diha sa usa ka nasod, ang bisan unsa nga misyon nga wala pa sukad mogamit sa pagtudlo og Iningles isip pamaagi sa pagkontak kinahanglan nga mokuha og piho nga pag-aprobar sa OGC sa dili pa mogamit sa mga materyal sa EnglishConnect.

Ang EnglishConnect 3 gipahigayon ug giimplementar sa BYU–Pathway Worldwide. Busa, gipahigayon kini ubos sa pareho nga legal nga mga kondisyon sama sa BYU–Pathway.

Pag-advertise

Sa mga nasod diin ang pag-advertise sa EnglishConnect 1 ug 2 gitugotan, ang lokal nga mga stake, mga ward, ug mga misyon mahimong mopasiugda og mga grupo sa EnglishConnect 1 ug 2 ngadto sa mas halapad nga komunidad sumala sa bisan unsa nga mga lagda sa pag-advertise sa piho nga nasod (tan-awa sa mga gikinahanglan sa piho nga nasod englishconnect.org/leader/approved-locations). Ang mga advertisement kinahanglan nga aduna sa tanan sa mosnuod:

1. Prominente nga pagbutang sa ngalan sa Simbahan.

2. Usa ka pamahayag nga walay bayranan alang sa EnglishConnect 1 ug 2.

3. Usa ka pamahayag nga ang EnglishConnect 1 ug 2 walay gidala nga bisan unsang akreditasyon.

Eksklusibo nga Katungod ug Lisensiya

Ang EnglishConnect usa ka programa nga gipasiugdahan sa Ang Simbahan ni Jesukristo sa mga Santos sa Ulahing mga Adlaw. Ang tanang katungod sa mga materyal sa EnglishConnect gipanag-iya o adunay lisensya gikan sa Intellectual Reserve, Inc. aron gamiton sa mga yunit sa Simbahan sama sa mga stake, mga district, ug mga misyon. Ang bisan unsa nga laing paggamit sa mga materyal sa EnglishConnect nagkinahanglan una og sinulat nga pagtugot. Sa paghangyo og pagtugot sa paggamit sa mga materyal sa EnglishConnect, palihog kompletoha ang porma sa hangyo diha sa Permissions.ChurchofJesusChrist.org.

Mga Menor de Edad

Ang mga grupo sa EnglishConnect kinahanglan mosunod kanunay sa mga palisiya sa Simbahan sa pagpanalipod sa kabatan-onan (nga naglakip sa mga partisipante nga nag-edad og 18 anyos o mas ubos pa). Ang mga menor de edad kinahanglan nga adunay pinirmahan nga porma sa pagtugot sa ginikanan sa dili pa motambong sa grupo sa EnglishConnect. Ang mga porma anaa sa daghang pinulongan sa online diha sa englishconnect.org/resources/leader. Ang nakompleto na nga mga porma kinahanglan nga hiposon sa lokal nga mga lider ug andam alang sa pag-audit.

Tungod kay ang mga tigkat-on sa EnglishConnect naglakip sa mga menor de edad, ang eklesiyastikal nga mga lider kinahanglan nga mointerbiyo sa matag potensiyal nga magtutudlo ug morebyo sa rekord sa pakamiyembro sa kandidato alang sa mga anotasyon sa dili pa mohatag og calling. Dugang pa, labing menos duha ka responsable nga hamtong ang kinahanglang anaa sa tanang panahon atol sa mga miting sa grupo. Ang mga magtutudlo kinahanglang dili magtrabaho nga sila rang duha sa menor de edad nga partisipante. Kinahanglan nimong sundon kini nga mga palisiya bisan kon ang grupo virtual nga magmiting.

Mga Menor de Edad nga Miapil sa Virtual nga Panag-istoryahanay sa mga Grupo

Ang mga menor de edad makaapil lamang sa virtual nga panag-istoryahanay sa mga grupo sa EnglishConnect 1 ug 2 kon adunay pagtugot sa ginikanan ug kon ang grupo gidumala og labing menos duha ka magtutudlo.

Aron mahatagan og prayoridad ang seguridad, ang online nga panag-istoryahanay sa mga grupo nga naglakip sa mga menor de edad kinahanglan nga ipahimutang aron malikayan ang pakighinabi tali sa mga menor de edad ug sa mga magtutudlo nga sila rang duha. Ang mga menor de edad makaapil lamang sa online nga panag-istoryahanay sa mga grupo kon adunay duha o mas daghan pa nga mga magtutudlo nga anaa sa miting sa grupo.

Agi og dugang, walay magtutudlo sa EnglishConnect nga mo-text, mo-email, o mokontak sa menor de edad kon walay laing tawo nga anaa diha sa komunikasyon. Alang sa personal nga mga pagbisita o mga pagtawag sa telepono, kinahanglang adunay laing hingkod nga anaa. Kon mahimo, ang magtutudlo kinahanglang modumala sa mga pakighinabi sa gibulag nga grupo atol sa online nga panag-istoryahanay sa grupo.

Pagkapribado

Ang EnglishConnect usa ka programa nga gipasiugdahan sa Ang Simbahan ni Jesukristo sa mga Santos sa Ulahing mga Adlaw. Alang sa mga detalye kon giunsa pagproseso ang imong personal nga datos, palihog bisitaha ang ChurchofJesusChrist.org ug iklik ang Pahibalo sa Pagkapribado diha sa ubos sa pahina.

Ang tanang partisipante kinahanglang modawat sa mga termino sa partisipasyon, nga makita diha sa ChurchofJesusChrist.org/legal/englishconnect-terms-of-participation. Ang mga partisipante makadawat sa mga termino sa partisipasyon sa elektronik nga paagi kon ang facilitator sa EnglishConnect morehistro nila diha sa QuickReg.

Ang mga magtutudlo sa EnglishConnect kinahanglang dili mag-post og mga litrato diha sa social media niadtong ilang gi-tutoran o gitudloan.

Akreditasyon

Ang EnglishConnect walay bisan unsa nga matang sa akreditasyon, degree, o kredit gikan sa bisan asa nga programa sa edukasyon o pagbansay o institusyon sa pagbansay. Ang pag-apil boluntaryo. Ang mga partisipante mahimong mobiya sa programa o mohunong sa pagtambong bisan kanus-a.