Welcome sa EnglishConnect

Salamat sa imong kaandam sa pagserbisyo isip usa ka magtutudlo sa EnglishConnect. Manghinaot kami nga imong mabati ang gugma sa imong Langitnong Amahan samtang nagserbisyo ka. Ang pagtabang sa uban nga makakat-on og Iningles makapalapad sa ilang oportunidad alang sa edukasyon, pagpanarbaho, ug pagserbisyo. Ang imong mga paningkamot mopanalangin sa mga kinabuhi sa mga tigkat-on karon ug sa umaabot.

Samtang magtinguha ka sa giya ug kalig-on sa Dios, Siya motabang nimo sa paghigugma ug sa pagserbisyo sa mga tigkat-on diha sa imong grupo. Wala kinahanglana nga mosulti ka sa samang pinulongan niadtong imong gitudloan. Wala kinahanglana nga eksperto ka sa Iningles o adunay kasinatian sa pagdumala sa grupo sa EnglishConnect. Ang mga materyal sa EnglishConnect aduna sa unsay imong gikinahanglan aron magmalamposon. Samtang magtinguha ka sa Espiritu ug mahigugmaong mogiya sa mga tigkat-on ngadto sa mga leksiyon, makatabang ka nila nga mapaduol ngadto sa Dios pinaagi sa pagkat-on og Iningles.