Alang sa mga Facilitator

Salamat sa inyong kaandam sa pagserbisyo isip usa ka facilitator. Niini nga tahas, kamo mahimong kabahin sa usa ka butang nga talagsaon. Ang inyong mga paningkamot motabang sa paggiya sa usa ka gamay nga grupo sa mga indibidwal nga mahimong mas malig-on sa emosyonal nga paagi samtang sila magpuyo sa mga baroganan sa ebanghelyo ug magkat-on og mga magamit nga mga kahanas. Wala kinahanglana nga kamo eksperto, ug kamo dili responsable alang sa unsay resulta sa uban; sunda lamang ang mga materyal ug salig sa inspirasyon gikan sa Espiritu ug sa grupo.

Ang pagtabang niini nga grupo lahi kay sa ubang mga kurso sa pagbarog pinaagi sa kinaugalingong paningkamot [self-reliance]. Samtang kini nga kurso makatrabaho sa ubang mga grupo sa nagkalainlaing gidak-on, ang kasinatian nagpakita nga ang labing maayo nga gidak-on sa grupo alang niini nga kurso mao ang 8 ngadto sa 10 ka mga partisipante. Ang mga hilisgotanan niini nga manwal mga sensitibo, busa ang pipila sa mga partisipante mahimong ma-emosyonal kaayo. Kon kini mahitabo, palihog pagmasinabtanon kutob sa mahimo. Kadaghanan sa mga partisipante nga grupo mahimo usab nga aktibo sa pagtabang og suporta ngadto sa uban.

Kon kini nga mga materyal gamiton sa mga grupo sa kabatan-onan, girekomendar kini nga ang mga partisipante dili mominos sa 16 anyos ang edad ug nga duha ka hamtong maanaa. Kon kamo adunay mga kabalaka mahitungod sa kahilwasan sa usa ka batan-on tungod sa usa ka butang nga iyang gipakigbahin sa usa ka miting, palihog pahibaloa ang ginikanan o magbalantay.

Sa ubos mao ang pipila ka sitwasyon nga mahimo ninyong masugatan ug pipila ka posible nga mga tubag.

Sitwasyon	Posible nga Tubag
Sitwasyon Ang pakigbahin naglapas sa gitakda nga panahon.	Posible nga Tubag Pagpili og usa ka sakop sa grupo nga mahimong tigbantay sa oras. “Ako nagdayeg kon unsa kini ka importante nganha kanimo, apan kinahanglan kitang mopadayon aron magpabilin sulod sa oras.”
Sitwasyon Usa ka partisipante nakigbahin og sobra ka daghan o nanghawod sa panaghisgot sa grupo.	Posible nga Tubag “Salamat sa pagpakigbahin. Kita kinahanglang mohatag og oportunidad sa uban sa pagpakigbahin.”
Sitwasyon Usa ka partisipante naggamit og drowing nga detalye sa paghulagway og usa ka sitwasyon o hagit.	Posible nga Tubag “Mora og usa ka malisod kana nga sitwasyon. Gusto kong mopahinumdom kaninyo, ug kanatong tanan, nga kita sa tinuod walay panahon o pagbansay sa pag-atubang niana nga isyu.”

Pagtubag ngadto sa Mahagitong mga Sitwasyon

Kon ang emosyon mopadayon sa pagkagrabe atol sa miting hunahunaa ang pagsugyot og mubo nga pahulay. Bitara sa daplin ang partisipante. Mahimo nimong pangutan-on kana nga partisipante, “OK ka ra? Ingon og ikaw naglagot gyod. Aduna ba akoy mahimo nga makatabang?” Kinahanglan nga ang facilitator mo-tsek nga ang tanang partisipante OK sa dili pa mobiya sa miting. Kon ang partisipante nahimong mahulgaon o nagpasakit ni bisan kinsa, hangyoa ang tawo sa pagbiya, tawag og polis, ug pahibaloa dayon ang mga lider sa pagkapari. Pagpamilyar sa Meetinghouse Security Guidelines, nga anaa sa inyong bishop.

Basaha:

Kini nga grupo alang sa mga katuyoang pang-edukasyon lamang. Kini dili grupo sa panambal o propesyonal nga pagtambal alang sa mga problema sa mental nga kahimsog. Kon kamo naguol mahitungod sa kahilwasan sa usa ka tawo diha sa grupo, paninguhaa ang pagtabang kaniya sa pagsiguro sa kahilwasan niana nga tawo. Kon kamo dili makahimo sa pagbuhat sa mao, kinahanglan ninyo nga mo-kontak sa lokal nga mga awtoridad sa pagsiguro nga ang inyong sakop sa grupo luwas.

BUHATA

BUHATA SA WALA PA ANG MATAG MITING I-download ang mga video. (Tan-awa sa “Manuals and Videos” sa srs.ChurchofJesusChrist.org.) I-check nga ang mga kagamitan sa video maayo. Rebyoha og daklit ang kapitulo. Andama ang inyong kaugalingon sa espirituhanong paagi. ATOL SA MATAG MITING Sugdi ug humna sa hustong oras. Sugdi ug taposa ang kada miting og pag-ampo. Awhaga ang tanan sa pagpakigbahin kon sila gusto. Pagpili og tigbantay sa oras. Awhaga ang tanan sa pag-apil. Pagpasakop og usa ka grupo. Paghimo, pagtipig, ug pagreport sa inyong mga pasalig. Pagkalingaw ug pagsaulog sa kalamposan. Salig ug sunda ang workbook. HUMAN SA MATAG MITING Timbang-timbanga ang inyong kaugalingon gamit ang “Facilitator Self-Assessment” (sunod niini nga seksiyon). Kontaka ug dasiga ang mga miyembro sulod sa semana. Pahibaloa sa sitwasyon [update] ang stake self reliance specialist sa kauswagan sa grupo.

AYAW
AYAW SA WALA PA ANG MATAG MITING Pag-andam sa leksyon. ATOL SA MATAG MITING Pagtudlo o paglihok sama sa eksperto. Pagsulti og mas daghan kay sa uban. Tubaga ang matag pangutana. Himoang masentro sa pagtagad. Paglingkod sa ulohan sa lamesa. Barog sa paghatag og tabang. Laktawi ang “Palandonga” nga seksiyon. Paghatag sa imong opinyon human sa matag komentaryo. Ilisi o pauswaga ang mga kalihokan.

Kaugalingong Paggrado sa Facilitator

Human sa kada miting sa grupo, rebyoha ang mga pamahayag sa ubos. Unsa kamaayo ka sa imong gibuhat?

Kumusta Ko isip usa ka Facilitator?	Wala gayod	Usahay	Kasagaran	Kanunay
Kumusta Ko isip usa ka Facilitator? 1. Ang tanan parehas nga moapil.	Wala gayod	Usahay	Kasagaran	Kanunay
Kumusta Ko isip usa ka Facilitator? 2. Gitugotan ko ang mga sakop sa grupo sa pagtubag sa mga pangutana imbis ako ang motubag niini sa akong kaugalingon. Diyutay ra ko’g isulti kay sa ubang mga sakop sa grupo.	Wala gayod	Usahay	Kasagaran	Kanunay
Kumusta Ko isip usa ka Facilitator? 3. Ako nagsunod sa workbook ingon sa pagkasulat ug nagkompleto sa tanang mga seksiyon ug mga kalihokan.	Wala gayod	Usahay	Kasagaran	Kanunay
Kumusta Ko isip usa ka Facilitator? 4. Nagkontak ako sa mga sakop sa grupo sulod sa semana.	Wala gayod	Usahay	Kasagaran	Kanunay
Kumusta Ko isip usa ka Facilitator? 5. Nakigbahin ako sa akong kadasig ug gugma sa kada miyembro sa grupo.	Wala gayod	Usahay	Kasagaran	Kanunay
Kumusta Ko isip usa ka Facilitator? 6. Nagsunod ako sa girekomendar nga oras alang sa matag seksiyon ug kalihokan.	Wala gayod	Usahay	Kasagaran	Kanunay
Kumusta Ko isip usa ka Facilitator? 7. Naggahin ako og panahon alang sa “Palandonga” nga seksiyon aron ang Espiritu Santo makagiya sa mga sakop sa grupo.	Wala gayod	Usahay	Kasagaran	Kanunay
Kumusta Ko isip usa ka Facilitator? 8. Nagtabang ako sa pagsiguro nga ang matag sakop sa grupo kinsa gusto makareport sa iyang mga pasalig.	Wala gayod	Usahay	Kasagaran	Kanunay

Kumusta ang Akong Grupo?	Wala gayod	Usahay	Kasagaran	Kanunay
Kumusta ang Akong Grupo? 1. Ang mga sakop sa grupo nag-awhag ug nagpakita og suporta sa usag usa.	Wala gayod	Usahay	Kasagaran	Kanunay
Kumusta ang Akong Grupo? 2. Ang mga sakop sa grupo nagtuman sa ilang mga pasalig.	Wala gayod	Usahay	Kasagaran	Kanunay
Kumusta ang Akong Grupo? 3. Ang mga sakop sa grupo nagkab-ot sa temporal ug espirituhanong mga resulta.	Wala gayod	Usahay	Kasagaran	Kanunay
Kumusta ang Akong Grupo? 4. Ang mga kaabag sa lihok regular nga nagkontak ug nag-awhag sa usag usa sulod sa semana.	Wala gayod	Usahay	Kasagaran	Kanunay