Palandonga—Labing Dugay nga Oras: 5 Minutos

Sa tagsa-tagsa paghunahuna kon sa unsay inyong nakat-onan karong adlawa, ug hunahunaa kon unsay gusto sa Dios nga ipabuhat kaninyo. Basaha ang kinutlo ug isulat ang inyong mga tubag sa mga pangutana sa ubos.

“Kinahanglang lig-on kitang nakatutok sa Manluluwas ug sa Iyang ebanghelyo. Nagkinahanglan og grabeng paningkamot sa pangisip nga motan-aw Kaniya sa matag hunahuna. Apan kon atong buhaton, ang atong mga pagduha-duha ug mga kahadlok mahanaw” (Russell M. Nelson, “Pagdawat sa Gahom ni Jesukristo diha sa Atong mga Kinabuhi,” Liahona, Mayo 2017, 40).

Unsa ang labing makahuluganong mga butang nga akong nakat-onan karong adlawa?

Unsa ang usa ka butang nga akong buhaton isip resulta sa unsay akong nakat-onan karong adlawa? (Kini mahimo nga mao ang inyong personal nga pasalig alang sa semana. Kon kamo dili makahunahuna og usa ka pasalig, pipila ka malagmit nga mga ideya ang gilista sa ubos.)

Mga Ideya sa Pasalig:

• Magkompleto sa “Tsart sa Pagdumala sa Paghunahuna” (diha sa “Pasalig” nga seksiyon).

• Magpraktis sa paghagit sa akong mga sayop sa paghunahuna uban sa lig-on nga mga hunahuna.

• Mag-ila og dili-tukma nga mga sundanan nga ako makabuhat.

• Mag-ampo sa kinasingkasing ug mangutana sa Langitnong Amahan kon unsa ang Iyang gibati mahitungod kanako.