Akong Pundasyon: Pagsulbad sa mga Problema—Labing Dugay nga Oras: 20 Minutos

Report:

Daklit nga ipaambit sa grupo ang usa ka lisod nga buluhaton nga inyong nahuman sa miaging semana.

Palandonga:

Ngano nga ang Langitnong Amahan nagtugot kanato nga magsagubang og mga problema ug mga hagit?

Tan-awa:

“A Bigger Truck?” anaa sa https://churchofjesuschrist.org/study/video/self-reliance-videos. (Walay bidyo? Basaha ang transcript alang sa “A Bigger Truck”)

A Bigger Truck?

Kon kamo dili makatan-aw sa bidyo, basaha kini nga script.

screenshot gikan sa video

Presidente Dallin H. Oaks:

Duha ka tawo naghimo og panagkumbuya. Naghimo sila og gamay nga pasilonganan daplin sa usa ka nagkapuliki nga dalan. Nagkuha sila og trak ug gidala kini ngadto sa umahan sa mag-uuma, diin mipalit sila og usa ka trak nga puno sa melon nga usa ka dolyar ang kada melon. Ilang gidala ang puno nga trak ngadto sa ilang pasilonganan daplin sa dalan, diin ilang gibaligya ang mga melon og tag-usa ka dolyar kada melon.

Mibalik sila sa umahan ug mipalit og laing usa ka trak nga melon nga tag-usa ka dolyar kada melon. Gidala kini ngadto sa daplin sa dalan, gibaligya nila pag-usab kini og-tag-usa ka dolyar kada melon. Samtang sila nagpaingon balik sa umahan aron mopalit pag-usab, ang usa ka kauban miingon ngadto sa lain, “Wala ta makaganansiya niini nga negosyo, di ba?” “Wala, wala ta makaganansiya,” tubag sa iyang kauban. “Sa imong hunahuna nagkinahanglan kita og mas dako nga trak?”

(“Focus and Priorities,” Ensign, Mayo 2001, 82)

Hisgoti:

Unsa ang tinuod nga problema niini nga istorya? Unsa ang pipila ka mga kapilian alang sa duha ka lalaki?

Basaha:

Ang mosunod nga mga tudling sa kasulatan ug pamahayag ni Elder Hales:

“Tan-awa, ikaw wala makasabot; ikaw nagdahom nga Ako mohatag niini nganha kanimo, samtang ikaw wala maghunahuna gawas sa pagpangutana kanako.

“Apan, tan-awa, Ako moingon nganha kanimo, nga ikaw kinahanglan gayod nga magtuon niini diha sa imong hunahuna; unya ikaw kinahanglan nga mangutana kanako kon kini husto, ug kon kini husto Ako mohimo sa imong dughan nga moinit diha sulod kanimo; busa, imong mabati nga kini husto.

“Apan kon kini dili husto ikaw dili makabaton niana nga mga pagbati, apan ikaw makabaton og kasamok sa hunahuna nga makahimo kanimo sa pagkalimot sa butang nga sayop” (Doktrina ug mga Pakigsaad 9:7–9).

“Nagpaabot ang Ginoo kanato nga motabang sa pagsulbad sa atong kaugalingong mga problema. … Kita maghunahuna, mangatarongan nga mga tawo. Kita adunay abilidad sa pag-ila sa atong mga panginahanglan, sa pagplano, sa paghimo og mga tumong, ug sa pagsulbad sa atong mga problema” (Robert D. Hales, “Every Good Gift,” New Era, Ago. 1983, 8, 9).

Kalihokan

Lakang 1: Pagpili og kaabag, ug basaha ang mga lakang sa ubos.

graphic sa mga lakang sa pagsulbad og problema

Lakang 2: Pagpili og usa ka problema nga inyong giatubang ug isulat kini sa ubos.

Lakang 3: Gamita ang matag lakang ngadto sa inyong problema.

Basaha:

Ang mosunod nga mga tudling sa kasulatan:

“Ug karon, kon ang Ginoo aduna nianang dako nga gahom, ug nakahimo sa daghan nga mga milagro taliwala sa mga katawhan, ngano kini nga siya dili makatudlo kanako, nga ako kinahanglan mohimo og usa ka barko?” (1 Nephi 17:51).

“Karon ako, si Nephi, wala molalik sa mga kahoy subay sa paagi diin nakat-onan sa mga tawo, ni ako mihimo og barko subay sa paagi sa mga tawo; apan ako mihimo niini sumala sa paagi diin gipakita sa Ginoo kanako; busa, kini wala mosubay sa paagi sa mga tawo.

“Ug ako, si Nephi, mitungas sa bukid kanunay, ug ako nag-ampo ngadto sa Ginoo; busa ang Ginoo mipakita ngari kanako sa mga mahinungdanon nga butang” (1 Nephi 18:2–3).

Hisgoti:

Sa unsang paagi nakatukod si Nephi og usa ka barko?

Pasalig:

Ako mobuhat sa mga lakang nga atong gihisgotan diha sa kalihokan sa pagtrabaho sa akong problema. (Hinumdomi, ayaw pagbiya. Nagkinahanglan kini og panahon ang pagsulbad sa mga problema ug sa paghimo og mga kausaban.)