Sedrick: Ako si Sedrick Kambesabwe. Nagpuyo ko sa Democratic Republic of the Congo. Usa ko ka miyembro sa LDS nga Simbahan.
Usa ko ka branch missionary sa barangay sa Kipusanga. Kinahanglan kong mangandam alang sa pagmisyon sa gawas sa nasud. Aron makamisyon, kinahanglan ko og passport, nga nagkantidad na karon og 250 US dollars.
Aron makakwarta, ang akong papa ug ako mamalit og saging. Ang pipila ka mga barangay dunay abut nga daghang saging: ang Tishabobo, Lusuku, ug Kamanda.
Ang Tishabobo mga 9 ka milyas gikan dinhi. Ang Lusuku 18 ka milyas. Ang Kamanda 18 usab. Moadto mi didto ug mamalit og saging, ug amo kining dad-on og balik dinhi aron ibaligya.
Sa pag-adto sa mga barangay magbisikleta mi. Makadala mi og upat o unom ka bulig nga saging.
Kon magbisikleta ko, moabut kini og usa ka oras ug tunga kada biyahe, kon ang bisikleta maayo ug duna pa koy kusog. Kon udto na ug grabe gyud ang kainit, hinay kong mopadagan tungod sa init ug sa adlaw.
Makahimo ko og duha ka biyahe kada adlaw kon sayo kaayo kong mobangon. Maayo kini nga paagi aron makatabang ko og bayad sa akong passport.
Karon duna na koy kinitaan, sa ginagmay-gagmay lang, aron ko makatigum alang sa galastuhan sa eskwelahan ug sa misyon. Ug karon, human sa upat ka tuig nga pagtrabaho, duna na koy igong kwarta alang sa akong passport, plus 70 dollars nga natigum.
Hisguti:Basaha ang kinutlo gikan ni Elder D. Todd Christofferson (sa pahina 99). Nganong nagpaabut man ang Ginoo kanato nga motrabaho alang sa atong madawat?
Pamalandungi:Basaha ang kinutlo gikan ni Presidente Thomas S. Monson (anaa sa tuo). Unsay akong buhaton kon makasinati ko og kapakyasan?
I-commit [Ipasalig]:I-commit nga himoon ang mosunod nga mga buluhaton sulod sa semana. I-tsek ang box kon makompleto ninyo ang matag buluhaton.
Pagpili og usa ka butang nga lisud o dili komportable ug tiwasa ang buluhaton. Isulat kini sa ubos.
Ipaambit ang inyong nakat-unan karon mahitungod sa trabaho ug paglahutay ngadto sa inyong pamilya o mga higala.