my foundation icon

My Foundation: Magpakita og Hugot nga Pagtuo diha ni Jesukristo—Labing Dugay nga Oras: 20 Minutos

Pamalandungi:Sa unsang paagi nga ang akong hugot nga pagtuo diha ni Jesukristo makaapekto sa akong pagka-self-reliant?

Tan-awa:“Exercise Faith in Jesus Christ [Pagpakita og Hugot nga Pagtuo diha ni Jesukristo],” nga anaa sa srs.lds.org/videos. (Walay video? Basaha ang pahina 45.)

Pagpakita og Hugot nga Pagtuo diha ni Jesukristo

Kon dili mo makatan-aw sa video, basaha kini nga script.

still from Exercise Faith in Jesus Christ

Elder David A. Bednar: Ang paglihok mao ang pagpakita og hugot nga pagtuo. Ang mga anak sa Israel nagpas-an sa arka sa pakigsaad. Miabut sila sa Suba sa Jordan. Ang saad mao nga sila motabok sa uga nga yuta. Kanus-a man nabahin ang tubig? Sa diha nga nabasa na ang ilang tiil. Sila milakaw ngadto sa suba—paglihok. Ang gahum misunod—nabahin ang tubig.

Kasagaran motuo kita nga, “Akong makuha kini nga hingpit nga pagsabut, ug dayon gamiton ko kana sa akong paglihok.” Mosugyot ko nga igo ang anaa kanato aron makasugod. Aduna kitay pagsabut sa saktong direksyon. Ang hugot nga pagtuo usa ka baruganan—ang baruganan— sa lihok ingon man sa gahum. Ang tinuod nga hugot nga pagtuo gitumong diha ug kang Ginoong Jesukristo ug sa kanunay mosangpot ngadto sa paglihok.

(Tan-awa sa “Seek Learning by Faith” [pakigpulong ngadto sa mga religious educator sa Church Educational System, Peb. 3, 2006], lds.org/media-library)

Balik sa pahina 44.

Hisguti:Nganong ang tinuod nga pagtuo kanunayng mosangput ngadto sa paglihok? Nganong gikinahanglan man ang hugot nga pagtuo aron motabang ang Dios kanato sa temporal ug espirituhanong paagi?

Basaha:Mateo 6:30 ug ang kinutlo gikan sa Lectures on Faith (naa sa tuo)

“Ug, kon sa ingon gibistihan sa Dios ang mga tanom sa kaumahan, nga karon buhi pa apan ugma igasalibay na ngadto sa hudno, dili ba kamo labaw pa nga iyang pagabistihan, O mga tawo nga diyutayg pagsalig?”

Mateo 6:30

“Dili ba ang tanang matang sa inyong pagpaningkamot, mag-agad sa inyong pagtuo? … Samtang atong madawat pinaagi sa pagtuo ang tanang temporal nga panalangin nga atong madawat, sa samang paagi nga atong madawat pinaagi sa pagtuo ang tanang espirituhanong mga panalangin nga atong madawat. Apan ang pagtuo dili lamang baruganan sa lihok, apan sa gahum usab.”

Lectures on Faith (1985), 2, 3

Kalihokan

Ang dalan padulong sa self-reliance maoy usa ka panaw sa pagtuo. Ang Unang Kapangulohan ug ang Korum sa Napulog Duha nagdapit kanato nga himoong prayoridad sa atong kinabuhi ang pagpalambo sa atong pagtuo diha sa Langitnong Amahan ug sa Iyang Anak.

Step 1: Isip grupo, basaha ang propetikanhong mga prayoridad diha sa box sa ubos.

Step 2: Hisguti kon sa unsang paagi ang matinud-anong pagbalaan sa Igpapahulay, pag-ambit sa sakrament, ug pagbasa sa Basahon ni Mormon makatabang kaninyo nga mahimong mas self-reliant.

Mra Propetikanhong Prayoridad ug mga Saad
“Hunahunaa ang gidak-on niana nga pamahayag! Ang kahingpitan sa yuta gisaad niadtong magbalaan sa adlawng Igpapahulay” (Russell M. Nelson,“Ang Igpapahulay usa ka Kahimut-an,” Ensign o Liahona, Mayo 2015, 131; tan-awa usab sa D&P 59:16).
“Ang pagka-espirituhanon dili magpundo ug mao usab ang mga pakigsaad [sa sakrament]. Ang mga pakigsaad nagdala dili lamang sa mga pasalig apan nagdala kini og espirituhanong gahum” (Neil L. Andersen, General Authority training meeting, Abr. 2015).
“Mosaksi ko nga [ang Basahon ni Mormon] mamahimong personal nga ‘Urim ug Thummin’ sa inyong kinabuhi” (Richard G. Scott, “The Power of the Book of Mormon in My Life,” Ensign, Okt. 1984, 11).

I-commit [Ipasalig]:I-commit nga himoon ang mosunod nga mga buluhaton sulod sa semana. I-tsek ang box kon makompleto ninyo ang matag buluhaton.

• Mopakita sa inyong hugot nga pagtuo karong Dominggo pinaagi sa pagbalaan sa adlawng Igpapahulay ug sa matinahurong pag-ambit sa sakrament.

• Mobasa sa Basahon ni Mormon matag adlaw.

• Mobasa sa mga kasulatan sa pahina 45. Mopili og usa ug mopaambit niini sa inyong pamilya o mga higala.

  Mga Kasulatan mahitungod sa Hugot nga Pagtuo inubanan sa Buhat

  Tungod kay si Daniel dili mohunong sa pag-ampo, gihulog siya ngadto sa langub sa mga leon, apan ang “Dios … nagpadala sa iyang manulonda, ug … gitak-uman ang ba-ba sa mga leon, … ug walay kadaut nga hikaplagan diha kaniya, tungod kay siya misalig man diha sa iyang Dios” (Daniel 6:22–23; tan-awa usab sa mga bersikulo 16–21).

  Ang Ginoo mihatag kang Lehi sa Liahona aron mogiya sa iyang pamilya, ug “kini milihok alang kanila sumala sa ilang hugot nga pagtuo diha sa Dios. … [Sa diha nga] sila mga tapulan, ug nakalimot sa pagbansay sa ilang hugot nga pagtuo ug kakugi … sila wala mouswag diha sa ilang panaw” (Alma 37:40–41).

  “Dad-a ninyo ang tibuok nga ikapulo ngadto sa balay nga tipiganan … ug pinaagi niini sulayi ninyo ako karon … kon dili ba buksan ko kaninyo ang mga tamboanan sa langit, ug bu-boan ko kamo sa panalangin, sa pagkaagi nga wala na unyay dapit nga igong kabutangan sa pagdawat niini” (Malaquias 3:10).

  Atol sa kagutom, si Elijah mihangyo sa usa ka biyuda nga ihatag kaniya ang iyang katapusang pagkaon. Si Elijah misaad nga tungod sa iyang hugot nga pagtuo ang Ginoo mohatag kaniya og pagkaon, ug ang iyang pagkaon wala gayud mahurot. (Tan-awa sa 1 Mga Hari 17.)

  “Ang mga kabus ug hangul nagapangita ug tubig, ug wala man, ug ang ilang dila namad-an tungod sa kauhaw; Ako, ang Ginoo, magatubag kanila, Ako, ang Dios sa Israel, dili mobiya kanila” (Isaias 41:17; tan-awa usab sa bersikulo 18).