“Kapitulo 32: Ang Simbahan ni Jesukristo sa Kirtland: Marso–Hunyo 1833,” Mga Istorya sa Pagtulun-an ug mga Pakigsaad (2002), 123–25
“Kapitulo 32,” Mga Istorya sa Pagtulun-an ug mga Pakigsaad, 123–25
Kapitulo 32
Ang Simbahan ni Jesukristo sa Kirtland
(Marso–Hunyo 1833)
Si Joseph Smith maoy usa ka propeta sa Simbahan ni Jesukristo. Ang Ginoo miingon nga si Joseph kinahanglan adunay mga lalaki aron motabang kaniya. Sila mao ang iyang mga magtatambag. Ang iyang magtatambag kinahanglan mao si Sidney Rigdon ug Frederick G. Williams. Si Joseph ug ang iyang mga magtatambag mao ang Unang Kapangulohan sa Simbahan.
D&C 81:1; 90:6
Karon ang buhi nga propeta mao ang presidente sa Simbahan. Siya ug ang iyang magtatambag gitawag ug ang Unang Kapangulohan.
Si Joseph Smith ug ang iyang mga magtatambag giordinahan sa usa ka panagtigum sa Kirtland, Ohio. Kini usa ka sagrado nga panagtigum. Ang tanan nga mga katawhan diha sa panagtigum nakig-ambit sa sakramento.
Human sa pipila ka semana, si Joseph Smith misugod sa unang stake sa Simbahan. Ang stake mao ang daghan nga mga sakop nga nagpuyo duol sa usag usa. Ang tanan nga mga santos sa Kirtland diha sa unang stake. Karon ang Simbahan adunay daghan nga mga stake.
Unya si Jesus miingon nga ang mga Santos kinahangian motukod ug daghan pa nga mga Simbahan. Sila kinahanglan motukod ug templo sa Kirtland. Sila kinahanglan nga magtukod ug usa ka dapit alang sa Unang Kapangulohan nga makatrabaho. Ang Simbahan nagkinahanglan usab ug usa ka imprintahanan.
Ang mga Santos misunod sa Ginoo. Sila misugod sa pagtukod sa Templo sa Kirtland. Malisud nga trabaho ang pagtukod ug usa ka templo. Ang tanan nga mga Santos kinahanglan nga motabang.
Daghan nga mga katawhan ang nagpasakop sa Simbahan. Si Jesus misulti kang Joseph sa pagpili ug daghan nga mga pangulo alang sa mga Santos. Siya miingon nga ang amahan ni Joseph kinahanglan mahimo nga Patriarka sa Simbahan. Ang Patriarka mohatag ug mga panalangin ngadto sa mga Santos. Siya adunay Melchizedek nga Pagkapari.
Si Jesus misulti kang Joseph sa pagpili ug 12 ka mga lalaki aron mahimo nga mga magtatambag. Sila mga lalaki kinsa adunay Melchizedek nga Pagkapari. Sila motabang sa mga Santos nga masayud unsa ang husto ug unsa ang sayop.