“Kapitulo 11: Daghang mga Katawhan Nagpasakop sa Simbahan: Abril—Hunyo 1830,” Mga Istorya sa Pagtulun-an ug mga Pakigsaad (2002), 46–47
“Kapitulo 11,” Mga Istorya sa Pagtulun-an ug mga Pakigsaad, 46–47
Kapitulo 11
Daghang mga Katawhan Nagpasakop sa Simbahan
(Abril—Hunyo 1830)
Ang mga Santos nakig-ambit sa sakramento diha sa komperensya. Ang uban nga mga lalaki giordinahan sa pagkapari. Ang Espiritu Santo nagpanalangin sa mga santos. Sila malipayon kaayo.
Ang uban nga mga katawhan mitambong sa komperensya. Sila dili mga sakop sa Simbahan. Sila nakakat-on mahitungod sa ebanghelyo diha sa komperensya. Sila buot nga mopasakop sa Simbahan. Sila nabunyagan. Human sa komperensya, si Joseph Smith miadto sa lain nga lungsod. Uban sa mga maayong katawhan didto buot magpabunyag. Si Joseph miingon nga sila mahimo nga mabunyagan sa usa ka tubod nga tubig.
Ang mga katawhan naghimo ug gamay nga parii sa may tubod. Sila naghimo ug usa ka maanindot nga dapit nga bunyaganan. Sa gabii, uban nga mga dautan nga tawo miguba sa parii.
Ang mga maayo nga katawhan mitukod pag-usab sa paril. Unya si Oliver Cowdery nagsugod sa pagbunyag kanila. Wala madugay usa ka panon nga manggugubot miabut. Ang usa ka panon nga manggugubot maoy usa ka pundok sa mga ngil-ad, dautan nga katawhan. Ang panon nga manggugubot miingon ug ngil-ad nga mga butang ngadto sa mga maayong katawhan. Ang mga panon nga manggugubot misulay sa pagpasakit kanila. Apan ang Ginoo nagpanalipod sa mga maayong katawhan.
Si Satanas buot nga ang mga panon nga manggugubot maghimo ug kasamok alang sa Simbahan ni Jesukristo. Ang mga dautan nga katawhan nagsulti ug bakak mahitungod ni Joseph Smith. Sila miingon nga siya mihimo ug mga butang nga dili maayo. Si Joseph gibilanggo.
Mga dautan nga tawo misulay pagpasakit ni Joseph. Sila miluwa kaniya. Sila dili mohatag ug pagkaon kaniya. Ang uban kanila misulti ug mga bakak mahitungod kang Joseph. Apan ang mga maayong katawhan misulti sa matuod mahitungod ni Joseph. Sila miingon nga siya usa ka matarung nga tawo. Sa katapusan si Joseph gipaguwa sa bilanggoan.