“Kapitulo 41: Kasamok sa Kirtland: 1837,” Mga Istorya sa Pagtulun-an ug mga Pakigsaad (2002), 158–60
“Kapitulo 41,” Mga Istorya sa Pagtulun-an ug mga Pakigsaad, 158–60
Kapitulo 41
Kasamok sa Kirtland
(1837)
Ang mga Santos sa Kirtland, Ohio, malipayon. Gipanalanginan sila sa Ginoo.
Ang uban nga mga elder mibiya sa Kirtland. Nanglakaw sila aron sa pagtudlo sa katawhan sa ebanghelyo. Daghan ang mga katawhan nga namati sa mga elder ug nagpasakop sa Simbahan.
Unya nagsugod ang kasamok sa Kirtland. Ang mga Santos adunay banko. Ilang gidiposito ang ilang salapi sa bangko.
Ang uban nga mga Santos buot nga manguha ug daghang salapi. Usa ka tawo kinsa nagtrabaho sa bangko dili matarung. Nangawat siya sa salapi.
Si Joseph Smith nagtudlo sa uban nga mga tawo sa pag-amping sa salapi. Apan ang mga tawo wala mosunod kang Joseph. Ang bangko nasira. Ang tanang salapi nawala. Ang mga Santos dili na makabawi sa ilang salapi.
Daghan sa mga Santos ang nasuko. Sila miingon nga sayop kini ni Joseph Smith nga nasira ang bangko. Pipila sa mga suod nga higala ni Joseph nagsulti ug mga dautang butang bahin kaniya. Pipila kanila buot mopatay kang Joseph.
Pipila sa mga pangulo sa Simbahan nasuko. Dili na sila buot nga magpasakop sa Simbahan. Sila nahimong mga kaaway sa Simbahan. Sila mga dautan. Si Joseph Smith nasubo kaayo.
Ang uban nga mga pangulo sa Simbahan nagmahal kang Joseph ug mitabang kaniya. Sila nasayud nga ang Simbahan ni Jesukristo matuod. Si Brigham Young maoy usa sa mga matarung nga pangulo. Si Brigham misulti sa mga Santos nga siya nasayud nga si Joseph usa ka propeta sa Dios.
Ang mga kaaway sa Simbahan nasuko kang Brigham Young. Mibiya siya sa Kirtland aron dili sila makadagmal kaniya.
Ang mga kaaway sa Simbahan naghimo ug dakong kasamok sa Kirtland. Nangadto sila sa sulod sa templo ug nagbuhat ug mga dautan nga butang.
Ang templo dili na sagrado. Dili na mahimong balay sa Ginoo. Naguol si Joseph kay ang katawhan naghimo ug mga dautang butang. Naguol siya nga dunay dakong kasamok.