“Kapitulo 1: Joseph Smith ug ang Iyang Banay: 1805–1820,” Mga Istorya sa Pagtulun-an ug mga Pakigsaad (2002), 6–8
“Kapitulo 1,” Mga Istorya sa Pagtulun-an ug mga Pakigsaad, 6–8
Kapitulo 1
Joseph Smith ug ang Iyang Banay
(1805–1820)
Si Joseph Smith natawo sa 23 sa Disyembre 1805. Ang iyang banay nagpuyo sa estado sa Vermont. Ang Vermont anaa sa Tinipong Bansa sa America. Ang amahan ni Joseph Smith ginganlan usab ug Joseph. Ang iyang inahan ginganlan ug Lucy.
Si Joseph adunay unom ka mga igsoon nga laiaki ug tulo ka mga igsoon nga babaye. Usa ka gamay nga batang laiaki namatay.
Ang amahan ug inahan ni Joseph mga maayo nga tawo. Sila nahigugma sa ilang mga anak. Sila mitrabaho ug maayo aron pag-amuma sa ilang mga anak.
Dihang si Joseph usa pa ka gamay nga bata aduna siyay dako nga kabahong sa iyang bitiis. Ang mga doktor naninguha sa pag-ayo sa iyang bitiis, apan wala sila makahimo.
Si Hyrum Smith magulang nga igsoong ialaki ni Joseph. Siya nahigugma ni Joseph. Si Hyrum naguol nga ang bitiis ni Joseph sakit kaayo. Siya milingkod sa kilid sa katre ni Joseph. Siya misulay pagtabang aron maarang-arang ang pagbati ni Joseph.
Ang mga doktor buot nga putlon ang bitiis ni Joseph. Ang iyang inahan wala motugot kanila. Busa sila naghunahuna sa pagputol ug bahin sa bukog. Si Joseph nasayud nga mosakit ang iyang bitiis sa panahon nga ang mga doktor moputol niini. Apan siya adunay hugot nga pagtuo. Siya nasayud nga ang Langitnong Amahan motabang kaniya.
Ang mga doktor mihangyo kang Joseph sa pag-inom ug alak aron ang sakit dili magrabe kaayo. Si Joseph dili moinom sa alak. Si Joseph mihangyo sa iyang inahan sa pag-adto sa gawas. Siya dili buot nga siya makakita sa mga doktor nga mohimo ug samad ngadto sa iyang bitiis.
Si Joseph mihangyo sa iyang amahan sa paggunit kaniya. Ang mga doktor mihimo ug samad ngadto sa bitiis ni Joseph. Kini nakapasakit kaayo ni Joseph. Apan siya isog kaayo. Human sa daghan nga mga adlaw ang iyang bitiis naarang-arang.
Dihang si Joseph may igo na nga kabuot, ang iyang banay mibalhin ngadto sa estado sa New York. Sila mipuyo sa usa ka balay nga hinimo sa dagko nga kahoy diha sa usa ka umahan duol sa Palmyra.
Ang banay ni Joseph kabus. Sila kinahanglan nga motrabaho ug maayo aron makabayad sa uma. Ang mga lalaki mitabang sa amahan sa pagtanom ug mga lagutmon. Sila nag-alima sa mga hayop. Ang mga babaye nagtrabaho uban sa ilang inahan.
Joseph Smith—History 1:46
Si Joseph usa ka buotan nga batang lalaki. Siya malipayon. Siya mahigugmaon nga mokatawa ug maglingawlingaw.
Joseph Smith—History 1:28