“Kapitulo 45: Ang Manggugubot nga Panon sa Missouri: 1833,” Mga Istorya sa Pagtulun-an ug mga Pakigsaad (2002), 167–72
“Kapitulo 45,” Mga Istorya sa Pagtulun-an ug mga Pakigsaad, 167–72
Kapitulo 45
Ang Manggugubot nga Panon sa Missouri
(1833)
Pipila sa mga Santos nagpuyo sa Far West, Missouri. Si Joseph Smith didto usab magpuyo. Ang katawhan malipayon. Nagtukod sila ug mga maanindot nga mga pinuy-anan ug eskuwelahan.
Apan ang mga Santos wala makabaton ug kalinaw sa wala madugay. Mga dautan nga katawhan nagsamok kanila. Sila nagsulti sa bakak kalabut sa mga Santos. Sila miingon ug mga ngil-ad nga mga butang mahitungod sa mga pangulo sa Simbahan.
Usa ka manggugubot nga panon naglaraw sa pagdagmal sa mga Santos.
Ang manggugubot nga panon naghimo ug dautang mga butang. Ilang gigukod ang mga Santos gawas sa ilang mga pinuy-anay.
Ilang gisunog ang ilang mga pinuy-anan ug giguba ang ilang mga umahan.
Ilang gibunalan ang mga kalalakin-an ug gipabilanggo ang uban kanila.
Ang manggugubot nga mga panon nagdagmal sa mga kababayen-an ug gipatay ang uban kanila.
Si Mr. Boggs mao ang gobernador sa Missouri. Gibakakan siya sa mga manggugubot nga panon bahin sa mga Santos.
Si Gobernador Boggs misulti sa pipila ka mga sundalo sa pagpatay sa mga Santos kon dili sila mobiya sa Missouri. Nalipay ang manggugubot nga panon. Sila nagbuhat ug daghan pa nga mga dautang butang. Ang gobernador wala mosanta kanila.
Uban sa mga Santos nagpuyo sa lungsod nga ginganlan ug Haun’s Mill. Usa ka adlaw niana dihay pipila kanila nga nag-uma. Ang uban nagtrabaho sa ilang mga pinuy-anan. Usa ka manggugubot nga panon miabut ug mihasmag kanila.
May mga Santos nga nanagan sulod sa usa ka dakong balay nga hinimo sa truso. Ang manggugubot nga panon mipusil lapos sa liki sa bungbong.
Ang manggugubot nga panon mipatay sa mga Santos nga nanago. May mga bata nga gipamusil ug nangamatay.
Unya ang manggugubot nga panon nangawat sa mga pinuy-anan ug mga karomata sa mga Santos. Sila nakapatay ug daghan nga mga kalalakin-an. Ang mga kababayen-an ug mga kabataan nag-inusara na lamang.
Sa wala madugay nadakpan si Joseph Smith ug pipila sa mga pangulo sa Simbahan sa mga kasundalohan. Ang mga kasundalohan gisultihan sa pagpusil kang Joseph ug sa iyang mga higala.
Apan ang pangulo sa mga kasundalohan wala mosunod. Dili siya mopusil kang Joseph ug sa mga kauban. Siya miingon kini usa ka pagbuno.
Ang mga kasundalohan mibalhog kang Joseph ug mga higala sa bilanggoan. Sila gikadenahan sa mga magbalantay. Bugnaw kaayo sa sulod sa bilanggoan. Si Joseph ug iyang mga higala nangatulog lamang sa salog nga bugnaw.
Ang mga magbalantay dautan nga mga tawo. Sila nanumpa ug nagsulti ug mga binastos nga sugilanon. Sila nagsulti giunsa nila pagpangawat ug pagpamatay ang mga Santos. Sila nagsulti giunsa nila pagdagmal ang mga kabayen-an ug mga kabataan. Sila nangatawa ug nanghambog tibuok gabii.
Si Joseph nasilag sa ilang gipanulti. Dili na siya buot maminaw. Mibarug siya ug mimando sa ngalan ni Jesukristo sa paghunong. Miingon siya, “Hunong! O kamo o ako mamatay karon dayon.” Ang mga magbalantay nangahadlok. Sila misulti ni Joseph nga sila nasubo. Nanglingkod sila sa usa ka suok ug nangahilom.
Si Brigham Young usa sa mga Apostoles. Iyang gihangyo ang mga Santos sa pagtambong sa usa ka tigum samtang si Joseph atua pa sa bilanggoan. Si Brigham nagpahibalo kanila nga kinahanglan mobiya sila sa Missouri. Daghan sa mga Santos mga kabus. Wala silay mga karomata ug mga kabayo. Ang mga tawo sa maong panag-tigum nag-ingon nga ilang tabangan ang mga pobreng Santos sa pagbalbin.
Ang mga Santos mibiya sa Missouri. Hilabihan ang katugnaw kay panahon sa tingtugnaw kadto. Ang mga manggugubot nga panon buot modagmal kanila. Ang manggugubot nga panon nangawat sa ilang mga kabayo ug baka.
Ang mga Santos nangadto sa Quincy, Illinois. Ang mga katawhan sa Quincy maayo kaayo kanila.
Si Gobernador Boggs ug ang iyang mga kahigalaan nangalipay nga ang mga Santos nangawala na. Ang mga Santos nga nahibilin sa Missouri mao na lamang kadtong anaa sulod sa bilanggoan.