“Ko e Ako ʻa e Kāingalotú ʻo kau ki he Papitaiso maʻá e Kau Pekiá,” Ngaahi Talanoa ʻo e Tokāteline mo e Ngaahi Fuakavá (2024)
“Ko e Ako ʻa e Kāingalotú ʻo kau ki he Papitaiso maʻá e Kau Pekiá,” Ngaahi Talanoa ʻo e Tokāteline mo e Ngaahi Fuakavá
ʻAokosi–ʻOkatopa 1840
Ako ʻa e Kāingalotú ʻo kau ki he Papitaiso maʻá e kau Pekiá
Ko e ʻamanaki lelei maʻá e kau mēmipa ʻo e fāmilí naʻe teʻeki ke papitaisó
Naʻe nofo ʻa Seini Neimani ʻi Nāvū. Naʻá ne ʻalu ki ha meʻafakaʻeiki naʻe lea ai ʻa Siosefa Sāmita. Naʻe hanga ʻe he meʻafakaʻeikí ʻo ʻai ʻa Seini ke fakakaukau ki hono foha ko Sailosí. Naʻá ne ʻosi mālōlō pea naʻe teʻeki ai ke ne papitaiso. Naʻe hohaʻa ʻa Seini kia Sailosi. Naʻá ne ʻiloʻi kuo pau ke tau papitaiso ka tau toki nofo mo e Tamai Hēvaní.
Kau Māʻoniʻoní, 1:421
Naʻe ʻiloʻi ʻe Siosefa ʻa e ongo naʻe maʻu ʻe [Seiní]. Naʻá ne faʻa fifili ki he meʻa tatau ʻo kau ki hono taʻokete ko ʻAlaviní, ʻa ia naʻe pekia foki ʻoku teʻeki ke papitaiso.
Kau Māʻoniʻoní, 1:421
Naʻe vahevahe ʻe Siosefa ʻi he meʻafakaʻeikí ha meʻa naʻe akoʻi ange ʻe he ʻOtuá kiate ia. Naʻá ne pehē, ko e taimi ʻoku mate ai ha taha ʻoku teʻeki ai ke papitaisó, ʻe lava ke tau papitaiso maʻanautolu.
Kau Māʻoniʻoní, 1:421
Naʻe fuʻu fiefia ʻa Seini he fanongo ki he meʻá ni! Hili pē ʻa e meʻafakaʻeikí, naʻá ne ʻalu ki he vaitafé mo ha kaumātuʻa ʻo e Siasí. Naʻá ne papitaiso [ʻa Seini] maʻa Sailosi.
Kau Māʻoniʻoní, 1:421
Hili ha ngaahi uike siʻi mei ai, naʻe akoʻi lahi ange ʻe Siosefa ʻa e Kāingalotú ʻo kau ki he papitaiso maʻá e kau pekiá. Naʻá ne pehē naʻe tokolahi ha kakai kuo nau pekia naʻa nau loto ke papitaiso. Naʻa nau loto ke muimui kia Sīsū Kalaisi. Naʻa nau tatali mo ʻamanaki mai ki he kau mēmipa honau fāmilí naʻe kei moʻuí ke nau fai e papitaisó maʻanautolu.
Tokāteline mo e Ngaahi Fuakava 128:15–19; Kau Māʻoniʻoní, 1:423
Naʻe lele leva ʻa e Kāingalotú ki he vaitafé he taimi pē ko iá. Naʻa nau papitaiso maʻá e kakai naʻa nau ʻofa aí. Naʻe papitaiso ʻa Hailame Sāmita maʻa ʻAlavini. Naʻe akoʻi ʻe he ʻEikí kimui ange ai, ʻoku totonu ke fai ʻa e papitaiso maʻá e kau pekiá ʻi he temipalé, ʻoku totonu ke tauhi ʻe ha taha ha lekooti ʻo e papitaiso takitaha, pea ʻoku totonu ke papitaiso e kakai tangatá maʻá e kakai tangatá mo e houʻeiki fafiné maʻá e houʻeiki fafiné.
Tokāteline mo e Ngaahi Fuakava 124:29–32; 127:5–12; 128:1–9; Kau Māʻoniʻoní, 1:424