Төгс эзэмших сургаалын судрын хэсэг ба түлхүүр үгс

Төгс эзэмших сургаалын судрын бүх 100 хэсгийг холбогдох судрын түлхүүр үгстэй нь хамт жагсаав.

Сүнслэг мэдлэг олж авах нь

Сургаалт үгс 3:5–6: “Бүх зүрхээрээ ЭЗЭНд итгэ … Тэрээр зам харгуйг чинь шулуутгана.”

Исаиа 5:20: “Мууг сайн, сайныг муу гэж нэрлэгчид … хөөрхий еэ.”

Иохан 7:17: “Хэрэв хэн нэгэн нь Түүний хүслийг үйлдэхийг хүсвэл тэрээр энэ сургаал[ыг] … мэднэ.”

1 Коринт 2:5, 9–11: “Гэвч Бурхан [Өөрийн үнэнийг] Сүнсээр бидэнд илчилсэн юм.”

2 Тимот 3:15–17: “Итгэлээр авралд чамайг мэргэн болгох чадалтай ариун судар.”

Иаков 1:5–6: “Харин та нарын хэн нэг нь мэргэн ухаанаар дутвал … Бурханаас гуйг.”

2 Нифай 28:30: Бурхан “Учир нь болгоогтун, би хүмүүний үрст шат шатаар, дүрэм дүрмээр … өгөх болно.”

2 Нифай 32:3: “Христийн үгэн дээр найрла, учир нь болгоогтун, Христийн үгс та нарын хийвэл зохих бүх зүйлийг та нарт хэлэх болно.”

2 Нифай 32:8–9: “Та нар үргэлж залбирах ёстой.”

Мозая 4:9: “Бурханд итгэ; … мөн тэр бол … бүх мэргэн ухааныг эзэмшдэг гэдэгт итгэ.”

Ифер 12:6. “Итгэлийн тань сорилтын дарааг хүртэл та нар гэрчийг хүлээн авахгүй.”

Моронай 10:4–5: “Чин сэтгэлтэйгээр, үнэн хүсэлтэйгээр асуух аваас, [Христ] үүний үнэнийг Ариун Сүнсний хүчээр та нарт мэдүүлэх болно.”

Сургаал ба Гэрээ 6:36: “Санаа бодол болгондоо над уруу харагтун; бүү эргэлз, бүү ай.”

Сургаал ба Гэрээ 8:2–3: “Ариун Сүнсээр оюунд чинь мөн зүрх сэтгэлд чинь би чамд ярих болно.”

Сургаал ба Гэрээ 88:118: “Бүр судлахаар мөн тэрчлэн итгэлээр, суралцахыг эрэлхийлэгтүн.”

Сургаалын сэдвүүд

1. Бурхан Тэргүүтэн

Еврей 12:9: Тэнгэрлэг Эцэг бол “сүнсний Эцэг” болой.

2 Нифай 26:33: “Бурханд бүгд адил.”

2 Нифай 11:10–11: “Би … эхлэлээс бүх зүйлийн хувьд Эцэгийн тааллыг хүлц[сэн].”

3 Нифай 12:48: “Тиймийн тул би, эсвээс тэнгэрт буй Эцэг тань төгсийн адил та нарыг төгс байгаасай хэмээнэ.”

3 Нифай 18:15, 20–21: “Миний нэрээр үргэлж залбир.”

Сургаал ба Гэрээ 29:10–11: “Би тэнгэрээс … сүр хүч хийгээд агуу алдар суугаар өөрийгөө үзүүлэх болно, мөн дэлхий дээр зөв шударга ёсонд хүмүүнтэй хамт мянган жил оршин сууна.”

Сургаал ба Гэрээ 130:22–23: “Эцэг хүмүүнийхтэй адил мэдрэгдэх мах хийгээд ясан биетэй болой ; Хүү ч бас адил бөлгөө; харин Ариун Сүнс бол мах хийгээд ясан биегүй харин Сүнсэн хүн буюу.”

2. Авралын төлөвлөгөө

Мосе 1:39: “Үхэшгүй байдал хийгээд мөнх амьдралыг хүмүүнд тохиолгон авчрах нь миний ажил мөн миний алдар суу бөлгөө.”

Абрахам 3:22–23: Сүнсний хувьд бид “дэлхий байхаас өмнө зохион байгуулагдсан.”

Эхлэл 1:26–27: “Бурхан Өөрийнхөө дүр төрхөөр хүнийг бүтээж[ээ].”

Иошуа 24:15: “Хэнд нь үйлчлэх вэ гэдгээ өнөөдөр өөрөө сонгог.”

Иохан 17:3: “Цорын ганц үнэн Бурхан Таныг болон Таны илгээсэн Есүс Христийг мэдэх нь мөнхийн амь мөн.”

1 Коринт 6:19–20: “Та нарын бие бол … Ариун Сүнсний сүм.”

1 Коринт 15:20–22: “Адам дотор бүгд үхдэгчлэн Христ дотор бүгд амьд болгогдоно.”

1 Коринт 15:40–42: Амилалтад алдар суугийн гурван түвшин бий.

1 Петр 4:6: “Сайн мэдээ нь үхэгсдэд ч хүртэл тунхаглагдсан.”

Илчлэлт 20:12: “Үхэгсэд үйлсийнхээ дагуу … шүүгдэв.”

2 Нифай 2:22–25: “Адам хүмүүн байж болохын тулд унасан; мөн тэд баясгалантай байж болохын тул хүмүүн байх бөлгөө.”

2 Нифай 2:27: “Тэд … эрх чөлөө болон мөнх амьдралыг сонгох … эсвэл боолчлол болон үхлийг сонгох эрхтэй.”

Сургаал ба Гэрээ 76:22–24: “[Есүс Христээр] дамжин, мөн түүнээс, дэлхийнүүд бүтээгдсэн мөн бүтээгддэг ажгуу.”

3. Есүс Христийн Цагаатгал

Исаиа 1:18: “Хилэнц нүгэл чинь час улаан мэт байвч цасан адил цагаан болно.”

Исаиа 53:3–5: “[Есүс Христ] бидний сул дорой байдлыг тээж өвчин зовлонг маань үүрчээ.”

Матай 11:28–30: “Зүдэж зүтгэгсэд хийгээд хүнд ачаа үүрсэн бүгд ээ, Над дээр ир. Би та нарыг амраая.”

Лук 24:36–39: “Учир нь сүнсэнд та нарын харж байгаа Над шиг яс, мах байдаггүй.”

Иаков 2:17–18: “Итгэл нь хэрэв үйлсгүй бол өөрөө үхмэл юм.”

Мозая 3:19: “Эгэл хүмүүнээ орхиж мөн Их Эзэн Христийн цагаатгалаар гэгээнтэн бол.”

Алма 7:11–13: “Мөн тэрээр бүх төрлийн өвчин мөн зүдгүүрүүд мөн уруу таталтуудыг тэвчих болно.”

Алма 34:9–10: “Цагаатгал хийгдэх ёстой, … агуу их болоод эцсийн золиослол байх ёстой.”

Хиламан 5:12: “Бидний Гэтэлгэгчийн хадан дээр сууриа тавих ёстой.”

Ифер 12:27: “Хэрэв хүмүүс надад ирэх аваас, тэгвэл би тэдэнд сул дорой зүйлүүдийг нь хүчирхэг болгож өгнө.”

Сургаал ба Гэрээ 18:10–11: “Бодгалийн үнэ цэнэ Бурханы мэлмийд агуу.”

Сургаал ба Гэрээ 19:16–19: “Бибээр [Есүс Христ] бүхний төлөө эдгээр зүйлүүдийг амссан билээ.”

Сургаал ба Гэрээ 58:42–43: “Нүглүүдээ наманчилсан тэрээр, мөнхүү тэр нь өршөөгддөг ажгуу.”

4. Сэргээлт

Мосе 7:18: “Их Эзэн өөрийн хүмүүсийг Сион хэмээн нэрлэв, учир нь тэд нэг зүрх сэтгэл мөн нэг оюунтай байлаа.”

Исаиа 29:13–14: Сайн мэдээний Сэргээлт бол “ер бусын гайхамшигт, гайхалтай зүйл” юм.

Езекиел 37:15–17: Библи болон Мормоны Ном хоёрыг “чиний гарт тэдгээрийг нэг болохоор нийлүүл.”

Даниел 2:44–45: “Хэзээ ч усташгүй нэг хаанчлалыг тэнгэрийн Бурхан байгуулах [болно].”

Үйлс 3:19–21: Бошиглогчид “бүхнийг сэргээх үе[ийг]” зөгнөн хэлсэн.

2 Тесалоник 2:1–3: “Эзэний өдөр … эхлээд урвалт гар[ахаас] нааш [ирэхгүй].”

Иосеф Смит—Түүх 1:15–20: Иосеф Смит “гялалзсан өнгө хийгээд алдар сууг нь дүрслэхийн аргагүй хоёр Хүнийг харсан.”

Сургаал ба Гэрээ 1:30: “Цорын ганц үнэн бөгөөд амьд сүм.”

Сургаал ба Гэрээ 135:3: Иосеф Смит “Бурханы бэлэг хийгээд хүчээр өөрийн орчуулсан Мормоны Номыг урагш авч[ирсан].”

5. Бошиглогчид ба илчлэлт

Иеремиа 1:4–5: “Эхийн хэвлийд чамайг бүрэлдүүлэхээсээ өмнө Би чамайг үндэстнүүдэд эш үзүүлэгч болгон томилсон юм.”

Езекиел 3:16–17: Бошиглогч бол “Израилийн гэрт харуул” юм.

Амос 3:7: “Зарц нар, эш үзүүлэгчдэдээ нууцаа илчлэлгүйгээр Эзэн БУРХАН үнэхээр юу ч хийхгүй.”

Иохан 15:16: “Би та нарыг сонгосон. Би та нарыг томилсон.”

Ефес 2:19–20: Сүм “элч нар болон эш үзүүлэгчдийн суурин дээр босгогд[сон].”

Ефес 4:11–14: Есүс Христ “заримыг нь элч, заримыг нь эш үзүүлэгч болгосон нь ариун хүмүүсийг бэлтгэ[хийн] … тулд юм.”

Сургаал ба Гэрээ 1:37–38: “Миний өөрийн дуу хоолой байна уу, эсвэл миний үйлчлэгчдийн дуу хоолой байна уу, энэ нь яг адил.”

Сургаал ба Гэрээ 21:4–6: Бошиглогчийн “үгийг та нар миний амнаас гарсан мэтээр бүхий л тэвчээр хийгээд итгэлд хүлээн авах ёстой.”

6. Санваар ба санваарын түлхүүрүүд

Матай 16:15–19: Есүс “Би чамд тэнгэрийн хаанчлалын түлхүүрийг өгнө” хэмээн хэлсэн.

Сургаал ба Гэрээ 13:1: Аароны санваар нь тэнгэр элчүүдийн тохинууллын хийгээд наманчлалын сайн мэдээний болон баптисмын түлхүүрүүдийг эзэмшдэг.

Сургаал ба Гэрээ 42:11: “Эрх мэдэл бүхий хэн нэгнээр томилогдсон гэдэг нь сүмд мэдэгдэхээс бусдаар хэнд … ч өгөгдөх ёсгүй.”

Сургаал ба Гэрээ 107:8: “Мелкизедек санваар нь … сүнсний зүйлүүдэд үйлчлэх хүч болон эрх мэдэлтэй байдаг.”

Сургаал ба Гэрээ 121:36, 41–42: “Санваарын эрхүүд нь … зөв шударга ёсны зарчмуудаас бусдаар хянагдаж ч мөн шийдвэрлэгдэж ч үл чадах бөлгөө.”

7. Ёслолууд ба гэрээнүүд

Гэтлэл 19:5–6: “Хэрэв та нар … Миний гэрээг сахих аваас … Миний үнэт өмч байх болно.”

Дуулал 24:3–4: “ЭЗЭНий уул өөд хэн авирч болох вэ? Ариун газарт нь хэн зогсож болох вэ? Цэвэр гартай, ариун зүрхтэй … нь буюу.”

Иохан 3:5: “Хэн ус болон Сүнснээс эс төрнө, тэр Бурханы хаанчлалд орж үл чадна.”

Мозая 18:8–10: “Гэрээ байгуулснаа түүний өмнө гэрчилж, Их Эзэний нэрээр баптисм хүрт.”

3 Нифай 27:20: “Ариун Сүнсний хүлээн авалтаар та нар ариусгагдаж болохын тулд … миний нэрээр баптисм хүртэгтүн.”

Сургаал ба Гэрээ 82:10: “Миний хэлснийг та нар хийхэд Их Эзэн бибээр үүрэг хүлээдэг.”

Сургаал ба Гэрээ 84:20–22: “Үүний ёслолуудад бурханлиг чанарын хүч илэрхийлэгддэг.”

8. Гэрлэлт ба гэр бүл

Эхлэл 1:28: “Үржиж, олширцгоог! Газар дэлхийг дүүргэ.”

Эхлэл 2:24: “Эр хүн … эхнэртэйгээ нийлэн, тэр хоёр нэгэн бие болох ажгуу.”

Эхлэл 39:9: “Би яаж ийм ёрын муу хэрэг хийж, Бурхандаа нүгэл үйлдэх билээ?”

Малахи 4:5–6: Елиа “хүүхдүүдийн зүрхийг эцгүүд уруу нь эргүүлнэ.”

1 Коринт 11:11: “Гэвч Эзэн дотор эр хүнгүйгээр эм хүн гэж үгүй бөгөөд эм хүнгүйгээр эр хүн гэж үгүй юм.”

Aлмa 39:9: “Нүдээрээ шунасныхаа араас дахин бүү яв.”

Сургаал ба Гэрээ 49:15–17: “Гэрлэлт нь Бурханаас … томилогдсон бөлгөө.”

Сургаал ба Гэрээ 131:1–4: “Гэрлэлтийн шинэ бөгөөд үүрдийн гэрээ.”

9. Зарлигууд

Гэтлэл 20:3–17: Арван хууль

Исаиа 58:6–7: Зохих мацаг барилтын адислал

Исаиа 58:13–14: “… Миний ариун өдөр өөрийн таашаалыг үйлдэхээс татгалзан … амралтын өдрийг баясгалант … гэж нэрлэ.”

Малахи 3:8–10: Аравны нэгийг төлснөөр ирэх адислалууд

Maтай 5:14–16: “Та нарын гэрэл тэдний өмнө тийнхүү гэрэлтэг.”

Maтай 22:36–39: “Чи Бурхан Эзэнээ … хайрла. Чи хөршөө өөрийн адил хайрла.”

Иохан 14:15: “Та нар Намайг хайрладаг бол тушаалуудыг минь сахь.”

1 Нифай 3:7: “Би явж бас Их Эзэний зарлиг болсон тэр зүйлүүдийг биелүүлэх болно.”

Мозая 2:17: “Та нар бусдадаа үйлчилж байгаа нь та нар зөвхөн Бурхандаа үйлчилж байгаа … буюу.”

Мозая 2:41: “Бурханы зарлигуудыг дагадаг тэд бүх зүйлд … адислагдсан болой.”

Алма 41:10: “Ёс бус явдал хэзээ ч аз жаргал байгаагүй.”

Моронай 7:45, 47–48: “Энэрэл бол Христийн цэвэр хайр.”

Сургаал ба Гэрээ 18:15–16: “Хэрэв та нар олон бодгалийг надад авчрах юм бол та нарын баяр хөөр хичнээн агуу байх билээ!”

Сургаал ба Гэрээ 64:9–11: “Бүх хүмүүнийг уучлах нь та нараас шаардагдана.”

Сургаал ба Гэрээ 89:18–21: Мэргэн ухааны үгийн адислалууд