« ថ្ងៃទី ១៩–២៥ ខែ កក្កដា ។ គោលលទ្ធិ និង សេចក្តីសញ្ញា ៨១-៨៣ ៖ ‹ ត្រូវបានប្រទានឲ្យច្រើន នោះក៏មានតម្រូវការជាច្រើនវិញដែរ › » ចូរមកតាមខ្ញុំ—សម្រាប់សាលាថ្ងៃអាទិត្យ ៖ គោលលទ្ធិ និង សេចក្តីសញ្ញា ២០២១ ( ឆ្នាំ ២០២០ )
« ថ្ងៃទី ១៩–២៥ ខែ កក្កដា ។ គោលលទ្ធិ និង សេចក្តីសញ្ញា ៨១-៨៣ »ចូរមកតាមខ្ញុំ—សម្រាប់សាលាថ្ងៃអាទិត្យ ៖ ឆ្នាំ ២០២១
ព្រះគ្រីស្ទ និងកម្លោះអ្នកមាន, ដោយហែនរិច ហូហ្វម៉ាន់
ថ្ងៃទី ១៩–២៥ ខែ កក្កដា
គោលលទ្ធិ និង សេចក្តីសញ្ញា ៨១-៨៣
ត្បិតទីណា « ត្រូវបានប្រទានឲ្យច្រើន នោះក៏មានតម្រូវការជាច្រើនវិញដែរ »។
សូមចងចាំថា សិស្សរបស់អ្នកគឺកំពុងមានបទពិសោធន៍ខាងវិញ្ញាណ នៅពេលពួកគេសិក្សាព្រះគម្ពីរនៅឯផ្ទះ ។ សូមពិចារណាដោយការអធិស្ឋានពីរបៀបដែលអ្នកអាចលើកទឹកចិត្តពួកគេឲ្យចែកចាយបទពិសោធន៍របស់ពួកគេដើម្បីលើកតម្កើងគ្នាទៅវិញទៅមក ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមអញ្ជើញសិស្សឲ្យរើសយកឃ្លាមួយចេញពីកណ្ឌទាំងឡាយខាងក្រោមដែលនឹងធ្វើជាចំណងជើងល្អសម្រាប់កណ្ឌនេះ ៖ គោលលទ្ធិ និង សេចក្ដីសញ្ញា ៨១, ៨២និង ៨៣ ។ ហេតុអ្វីពួកគេជ្រើសរើសចំណងជើងទាំងនេះ ?
បង្រៀនគោលលទ្ធិ
គោលលទ្ធិ និង សេចក្ដីសញ្ញា ៨១:៥, ៨២:១៨–១៩
យើងម្នាក់ៗគួរតែស្វែងរក« ចំណូលចិត្តនៃអ្នកជិតខាង[ របស់យើង ] » ។
-
គម្រោងមេរៀនប្រចាំសប្ដាហ៍នេះនៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ណែនាំពីសំណួរដើម្បីពិចារណាអំពី គោលលទ្ធិ និង សេចក្តីសញ្ញា ៨១:៥ ។ ការណ៍ទាំងនេះក៏អាចធ្វើឲ្យមានសំណួរការពិភាក្សាល្អសម្រាប់ថ្នាក់របស់អ្នកផងដែរ ។ សូមពិចារណាចែកចាយបទពិសោធន៍ផ្ទាល់ខ្លួន នៅពេលអ្នកមានអារម្មណ៍ « ទន់ខ្សោយ » តាមវិធីណាមួយ ហើយតាមរយៈការបម្រើរបស់នរណាម្នាក់បានលើកទឹកចិត្ត ឬ បានពង្រឹងអ្នក ។ សិស្សអាចមានបទពិសោធន៍របស់ពួកគេផ្ទាល់ស្រដៀងគ្នានេះដើម្បីចែកចាយ ។ អ្នកក៏អាចមើលវីដេអូ « Works of God » ( ChurchofJesusChrist.org ) ដើម្បីបំផុសគំនិតសិស្សឲ្យបម្រើគ្នាទៅវិញទៅមក ។ អ្នកក៏អាចចែកចាយសេចក្តីថ្លែងការណ៍របស់ប្រធាន អិម រ័សុល បាឡឺដ នៅក្នុង « ធនធានបន្ថែមទាំងឡាយ » ផងដែរ ។
-
សូមពិចារណាឲ្យសិស្សសិក្សា គោលលទ្ធិ និងសេចក្ដីសញ្ញា ៨២:១៨-១៩ ដោយស្វែងរកគោលការណ៍ ទាំងឡាយដែលជួយពួកគេយល់ពីគោលបំណង និងពរជ័យទាំងឡាយនៃការបម្រើគ្នាទៅវិញទៅមក ។ បន្ទាប់មក សូមចែកចាយអ្វីដែលពួកគេបានរៀន ។ អ្នកក៏អាចបង្ហាញវីដេអូ « Teachings of Thomas S. Monson: Rescuing Those in Need » ( ChurchofJesusChrist.org ) ផងដែរ ។ តើសមាជិកវួដរបស់ប៊ីស្សព ម៉នសុន លើកឧទាហរណ៍អ្វីខ្លះពីខទី ១៨–១៩មកបង្រៀន ?
គោលលទ្ធិ និង សេចក្ដីសញ្ញា ៨២:៨-១០
« យើងជាព្រះអម្ចាស់ ជាប់សន្យា កាលណាអ្នករាល់គ្នាប្រព្រឹត្តតាមអ្វីដែលយើងមានព្រះបន្ទូល » ។
-
ដើម្បីជួយសិស្សយល់ពីចំណងទាក់ទងរបស់យើងរវាងការគោរពប្រតិបត្តិរបស់យើងដោយស្ម័គ្រចិត្ត និងសេចក្តីសន្យារបស់ព្រះនូវពរជ័យទាំងឡាយ នោះអ្នកអាចអានគោលលទ្ធិ និង សេចក្តីសញ្ញា ១:៣៧–៣៨, ៨២:១០, ១៣០:២០–២១ ជាមួយគ្នា ឬជាក្រុមតូចៗ ។ តើខគម្ពីរទាំងនេះបង្រៀនយើងអ្វីខ្លះអំពីព្រះអម្ចាស់ ? ប្រហែលជាសិស្សអាចរៀបរាប់ពាក្យដែលពិពណ៌នាពីបុគ្គលិកលក្ខណៈរបស់ទ្រង់ យោងតាមខគម្ពីរទាំងនេះ ។
-
បន្ទាប់ពីអានខ ទី១០សិស្សអាចនិយាយអំពីអ្វីដែលព្រះអម្ចាស់បានសន្យាយើង ហើយពីរបៀបដែលព្រះអម្ចាស់បានរក្សាសេចក្តីសន្យារបស់ទ្រង់ ។ សាច់រឿងដោយស៊ីស្ទើរ វឺជីណៃ អេច ភៀស ដែលមាននៅក្នុង « ធនធានបន្ថែមទាំងឡាយ » អាចជួយសិស្សមើលឃើញថា ព្រះអម្ចាស់ ប្រទានពរជ័យដល់យើងយោងតាមព្រះប្រាជ្ញាញ្ញាណរបស់របស់ទ្រង់ផ្ទាល់ មិនមែនតាមតែចិត្តយើងចង់បាន ឬ រំពឹងទុកនោះទេ ។
-
តើយើងរៀនអ្វីខ្លះមកពី គោលលទ្ធិ និង សេចក្ដីសញ្ញា ៨២:៨–១០អំពីមូលហតុដែលព្រះវរបិតាសួគ៌ប្រទានព្រះបញ្ញត្តិដល់យើង ? ប្រហែលជាសិស្សអាចស្វែងរកគំនិតខាងវិញ្ញាណនៅក្នុងខគម្ពីរទាំងនេះដើម្បីប្រើទៅជួយដល់មិត្តភក្តិម្នាក់ ឬក្មេងម្នាក់ដែលគិតថា ព្រះបញ្ញត្តិគឺតឹងតែងពេក (សូមមើលវីដេអូផងដែរ « Blessed and Happy Are Those Who Keep the Commandments of God »ChurchofJesusChrist.org ) ។ ឬពួកគេអាចចែកចាយបទពិសោធន៍ដែលបានបង្រៀនពួកគេឲ្យមើលឃើញព្រះបញ្ញត្តិគឺជាពរជ័យ ។
ធនធានបន្ថែមទាំងឡាយ
សាសនាដែលបរិសុទ្ធ
ប្រធាន អិម រ័សុល បាឡឺដ បានបង្រៀនថា ៖
« នៅក្នុងភាពជាសិស្សរបស់យើង យើងមានតម្រូវការ កង្វល់ និងការចាត់តាំងជាច្រើន ។ ប៉ុន្តែសកម្មភាពខ្លះត្រូវតែជាមូលដ្ឋានគ្រឹះជានិច្ចនៃសមាជិកភាពរបស់យើងក្នុងសាសនាចក្រ ។ ព្រះអម្ចាស់បានបង្គាប់ថា ‹ ហេតុដូច្នោះហើយ ចូរមានចិត្តស្មោះត្រង់ចុះ ចូរឈរនៅក្នុងតំណែងដែលយើងបានតែងតាំងដល់អ្នក ចូរជួយ អ្នកទន់ខ្សោយ ចូរលើកដៃដែលរោយ ហើយចូរចម្រើនកម្លាំង ដល់ក្បាលជង្គង់ដែលញ័រផង ›[ គោលលទ្ធិ និង សេចក្តីសញ្ញា ៨១:៥ បានបន្ថែមអក្សរទ្រេត] ។
« នេះគឺជាសកម្មភាពរបស់សាសនាចក្រ ! នេះគឺជាសាសនាដែលបរិសុទ្ធ ! នេះគឺជាដំណឹងល្អនៅក្នុងអត្ថន័យពិតរបស់វា នៅពេលយើងជួយលើក ហើយចម្រើនកម្លាំងដល់អ្នកដែលមានសេចក្ដីត្រូវការខាងវិញ្ញាណ និងខាងសាច់ឈាម ! ការធ្វើដូច្នោះតម្រូវឲ្យយើងទៅសួរសុខទុក្ខពួកគេ ហើយជួយពួកគេ [ សូមមើល យ៉ាកុប ១:២៧ ] ថាទីបន្ទាល់របស់ពួកគេពីសេចក្តីជំនឿលើព្រះវរបិតាសួគ៌ និងព្រះយេស៊ូវ គ្រីស្ទ និងដង្វាយធួនរបស់ទ្រង់នឹងបោះយុថ្កានៅក្នុងចិត្តពួកគេ » ( « Precious Gifts from God » Ensign ឬ Liahona ខែ ឧសភា ឆ្នាំ ២០១៨ ទំព័រ ១១ ) ។
ព្រះអម្ចាស់ប្រទានពរជ័យដល់យើងតាមវិធីដ៏អស្ចារ្យរបស់ទ្រង់ ។
ស៊ីស្ទើរ វឺជីណៃ អេច ភៀស ជាអតីតសមាជិកនៃគណៈប្រធានយុវនារីទូទៅ បានប្រាប់ពីស្រ្តីម្នាក់ដែលបានព្រួយបារម្ភអំពីកូនដ៏មានះរបស់គាត់ ។ គាត់បានដាក់គោលដៅដ៏ធំមួយពីការចូលរួមព្រះវិហារបរិសុទ្ធឲ្យបានកាន់តែច្រើន ហើយមានអារម្មណ៍ជឿជាក់ថា ព្រះអម្ចាស់នឹងឲ្យតម្លៃលើពលិកម្មដ៏សំខាន់នេះ តាមរយៈការផ្លាស់ប្តូរដួងចិត្តកូនៗរបស់គាត់ ។ ស្ត្រីរូបនេះបានថ្លែងថា ៖
« បន្ទាប់ពីការចូលរួមនៅក្នុងព្រះវិហារបរិសុទ្ធអស់ដប់ឆ្នាំ ហើយការអធិស្ឋានជាប្រចាំ ខ្ញុំសោកស្តាយដែលនិយាយថា ការជ្រើសរើសរបស់កូនខ្ញុំមិនបានផ្លាស់ប្តូរទេ ។…
« ប៉ុន្តែខ្ញុំជាអ្នកផ្លាស់ប្តូរ ។ ខ្ញុំជាស្រ្តីថ្មីម្នាក់ ។… ខ្ញុំបានពលិកម្មពេលវេលាខ្ញុំគ្មានដែនកំណត់ ហើយខ្ញុំអាចរង់ចាំព្រះអម្ចាស់ ។… ការរំពឹងទុករបស់ខ្ញុំបានផ្លាស់ប្តូរ ។ ជំនួសឲ្យការរំពឹងថាកូនៗរបស់ខ្ញុំផ្លាស់ប្តូរ ខ្ញុំរំពឹងថាមានសេចក្តីមេត្តាកុរណាដ៏ទន់ភ្លន់ទាំងនេះជាញឹកញាប់ ហើយខ្ញុំមានអំណរគុណសម្រាប់សេចក្តីមេត្តាករុណាទាំងនេះ ។… ព្រះអម្ចាស់ធ្វើការតាមវិធីដ៏អស្ចារ្យ ហើយខ្ញុំពិតជាពោរពេញដោយសន្តិភាពដែលជួយផ្តល់ចំណេះដឹងដល់ខ្ញុំ » ( នៅក្នុង « Prayer: A Small and Simple Thing » At the Pulpit [ ឆ្នាំ ២០១៧ ] ទំព័រ ២៨៨–៨៩ ) ។
ការអភិវឌ្ឍន៍ការបង្រៀនរបស់យើង
សូមអញ្ជើញយុវវ័យធ្វើជាផ្នែកមួយនៃមេរៀនរបស់អ្នក ។ ផ្ដល់ឱកាសដល់យុវវ័យឲ្យបង្រៀនគ្នាទៅវិញទៅមក ។ ការស្តាប់ឮទីបន្ទាល់ពីគ្នាទៅវិញទៅមក ឬបទពិសោធន៍ដែលអាចមានឥទ្ធិពលខ្លាំង ។ តាមតម្រូវការ សូមជួយយុវវ័យរៀបចំដើម្បីបង្រៀន ហើយបង្ហាញពួកគេនូវអ្វីដែលវាមានអត្ថន័យតាមរបៀបរបស់ព្រះអង្គសង្រ្គោះ ( សូមមើល ការបង្រៀនតាមរបៀបរបស់ព្រះអង្គសង្រ្គោះ ទំព័រ ២៧–២៨ ) ។