“Mêyi a Dipinguluja: Disangila ku Ohio,” Luaku, Undonde—Bua mu Dîku ne mu Ekelezia: Dilongesha ne Bipungidi 2025 (2025)
“Disangila ku Ohio,” Luaku, Undonde—Bua mu Dîku ne mu Ekelezia: 2025
Mêyi a Dipinguluja
Disangila ku Ohio
Musoku wa Kirtland, kudi Al Rounds
Phebe Carter
Ku Bansantu ba bungi bavua badisangisha ku Ohio mu 1830 kuvua Phebe Carter. Wakabuela mu Ekelezia mu nodeesta wa Etats-Unis mu bidimu makumi abidi, nansha muvua baledi benda kabayi benza momumua. Wakafunda pashisha pa dipangadika dienda dia kuya ku Ohio bua kudisanga ne Bansantu.
“Balunda banyi bakakema bua dipangadika dianyi, nansha mema panyi, kadi tshintu kampanda tshivua tshinsaka bua kutungunuka. Dibungama dia mamu wanyi ku diumbuka dianyi ku nzubu divua dimpitshila, ne bu ntshiyi ne nyuma munda muanyi ntshivua mua kufika ku ndekelu. Mamu wanyi wakangambila ne uvua mua kumona banjika pa mutu pa mema kuya nkayanyi ku buloba budi kabuyi ne lusa.
Wakamba, ukema “‘[Phebe],’ ‘Newupingana kundi pawikala musangana ne ntendelelu wa Molomo mubi?’
“Ngakandamuna, ‘eyo, mamu; nengenza.’ … Diandamuna dianyi diakapolesha disumpakana dienda, kadi biakatupesha kanyinganyinga bua dishiyangana. Pakalua diba dia diya dianyi ntshivua mua kuteta bua kuamba ne netumonangana kua NZambi; ngakafunda malayangana kudi muntu yonsu, ne ngaka’ashiya pa mesa anyi, ngakapueka muinshi ne ngakatumpika mu mashinyi. Ki mungankashiya nzubu wanyi munanga wa ku buana buanyi bua kulamika moyo wanyi ku bansantu ba Nzambi.”
Mu mukenji mukuabu umua wa ku dilayangana, Phebe wakufunda ne:
“Baledi bananga—ndi pabuipi ne kushiya bua mutantshi muaba wa baledi banyi … ntshiena mumanya bula buawu—kadi tshiena mupanga ngumvuilu wa bimpa bindi mupeta kunudi katshia ku buana buanyi too ne mpindieu—kadi bulongolodi mbumueneka bulongolola mushindu mukuabu uvua kauyi koku. Tutekayi bintu bionsu ku disua dia Mulongolodi ne tuikala ne disakidila ne tuvua bangishibua bua kusomba pamua mutantshi mula mu mishindu ivuabi bikengela, mu ditabuija ne bintu bionsu nebienza bua bimpa bietu patuananga Nzambi kupita bionsu. Tumanye ne patudi tusambila Nzambi umua neumvua masambila a kalolu a bifukibua bienda bionsu ne neatupa bidiye nabi bimpa buetu. …
“Mamu, ndi ngitabuija ne tshidi disua dia Nzambi bua kuya ku weste ne mutuishibua kukadi mutantshi mula. Mpindiewu njila mmukanguka … ; ndi ngitabuija ne tshidi nyuma wa Mukalenga udi mutshienza ne udi ukumbana bua bintu bionsu. Kukemi bua muaneba to, Mukalenga neansamba. Ndi ngitabuija ne Mukalenga neankuba ne neampesha bidiye nabi bimpa. … Ndi ngiya bualu Mfumu wanyi udi umbikila—muleja mudimu wanyi patoka.”