Diumvuija ku Saints Move to Kirtland [Bansantu Bamuangala ku Kirtland], kudi Sam Lawlor

Ngondu Muinayi 21–27: Nuenu Kanuyi Bamua Kanuena Banyi To

Dilongesha ne Bipungidi 37–40

Bua Bansantu ba bangabanga, Ekelezia uvua muaba bua kuteleja diyisha mu Dialumingu. Mabuluila avua enzela miaku bu mudi bualu, bukalenga, Siona, ne, nangananga, mudimu. Tshidi mua kuikala tshitupa tshidi tshikoka bantu ku Ekelezia mupinguluja. Nansha bu bobu bananga dilongesha, ba bungi bavua basua kabidi tshintu kampanda tshia tshijila tshivuabu mua kujidila mioyo yabu. Nansha nanku, kutumikila ku mukenji wa mu 1830 bua kusangila mu Ohio katshivua tshiteketa to. Bua ba bungi, tshivua tshiumvuija kushiya nzubu yabu milenga bua kuya ku mikalu idi kayiyi mibidila (tangila “Mêyi a Dipinguluja: Disangila ku Ohio”). Lelu tudi mua kumona patoka tshivua Bansantu mua kumona amu ne disu dia ditabuija: Mukalenga uvua ne mabenesha manena avua mabindila mu Ohio.

Dijinga dia disangila ku Ohio dikadi dipita ntanta, kadi Bansantu badi batungunuka ne kudisanga ku bualu bua momumua: bua kushindamija Siona (Dilongesha ne Bipungidi 39:13). Bu Bansantu ba bangabanga aba, tudi babikidibua bua kulekela majiya a pa buloba (Dilongesha ne Bipungidi 40:2) ne kueyemena ku dilaya dia Mukalenga: Nenupeta dibenesha dinena bu dinudi kanuyi banji kumanya (Dilongesha ne Bipungidi 39:10).

Tangila kabidi Saints, 1:109–11.

Ngenyi bua Dilonga ku Nzubu ne ku Ekelezia

Dilongesha ne Bipungidi 37–38

Nzambi udi utusangisha bua kutubenesha.

Bidimba bia Ekelezia bia mu Fayette, New York, bivua bienza milambu mikola bua kuya ku Ohio (mu ntanta mupita 400 kilomete) mu hiver wa 1831. Pawudi ubala pa mukenji wa Mukalenga mu Dilongesha ne Bipungidi 37:3–4, udi mua kuela meji ku milambu idi Mukalenga mukulomba. Pashisha, pawudi ulonga Dilongesha ne Bipungidi 38:1–33, Keba malelela pa Mupandishi adi akupesha ditabuija dia kulonda mubelu wenda. Tshinyi tshiudi mulonga ku tunungu 11–33 pa mabenesha a disangila bu balondi ba Yezu Kilisto?

Dilongesha ne Bipungi 38:22

Umvua dîyi dianyi ne undonde.

Mushindu kayi unudi mua kuenza Yezu Kilisto mufidi wa mukenji wenu? Mushindu kayi udi dilonda dia mêyi enda dinuenza bantu badikadila?

Tangila Kabidi 2 Nefi 2:26–27.

Dilongesha ne Bipungidi 38:30

Mema mudilongolola, ntshiena mua kutshina to.

Tshikondu kayi tshinuvua bapeta dimanya dia nshindamenu uvua Mukalenga mubuluila mu Dilongesha ne Bipungidi 38:30: Wewa mudilongolola kua kutshina to? Pawudi ulonga tshitupa 38, funda mushindu udi Mukalenga ulongolola Bansantu bua kuluangana ne tshikondu tshialua ne dikima. Mushindu kayi udiye musua bua nudilongolola ku lutatu bua ne kanutshinyi to?

Tangila kabidi David A. Bednar, “We Will Prove Them Herewith,” Liahona, Ngondu wa Dikumi ne Umua 2020, 8–11.

Dilongesha ne Bipungidi 38:24–27

Nzambi mmusua bua tuetu tuikala bamua.

Bansantu bavua badisangisha mu Ohio bavua bafuma ku malu mashilangana. Bulelela bidi bia momumua bua bantu ba mu tshikongu tshienu. Kadi Mukalenga udi welela bantu benda mukenji bua “kuikala bamua” (kanungu 27). Mushindu kayi utudi mua kukumbaja bobumua bua nunku? Ngenyi kayi idi yinuluila mu meji pa nudi nubala Dilongesha ne Bipungidi 38:24– 27? Buatshinyi tudi ne bua kuikala bamua bua kuikala bantu ba Nzambi?

Dibala dia tunungu etu didi mua kukusaka bua kuela meji pa malanda enu—tshilejilu, ne bidimba bia dîku, bidimba bia tshikongu, ne bidimba bia mpuilu anyi bia tulasa. Tshinyi tshidi mua kukupangisha bua kuikala mu bobumua mu Kilisto? Mushindu kayi udi Mupandishi unuambuluisha bua “kuikala bamua”? Bindidimbi “A Friend to All [Mulunda wa Bonsu]” anyi “Love in Our Hearts [Dinanga mu Mioyi Yetu]” (Tshisangi tshia Lumu Luimpa) idi mua kunuambuluisha bua kuandamuna ku nkonku eyi. Nudi mua kupeta kabidi ngenyi mu mukenji wa Mukulu Dale G. Renlund “The Peace of Christ Abolishes Enmity,” Liahona, Ngondu wa Dikumi ne Umua 2021, 83–85.

A Friend to All

Love in Our Hearts

Mushindu kayi unudi mua kuambuluisha bisumbu ebi bua kuikala mu bobumua bua bungi? Tshilejilu, ela meji bua kutuma anyi kufunda kakanda kimpa kudi bidimba bia mpuilu wenu, bia kalasa, anyi bia dîku. Nganyi uwudi umvua bua koluela tshianza?

Tshinyi tshidi tshikupesha meji pa tshilejilu tshia Mupandishi mu Efeso 2:14, 18–22; 2 Nefi 26:24–28?

Tangila kabidi Quentin L. Cook, “Hearts Knit in Righteousness and Unity,” Liahona, Ngondu wa Dikumi ne Umua 2020, 18–21; “Love One Another,” Hymns, no. 308; Topics and Questions, “Belonging in the Church of Jesus Christ,” Gospel Library [Tshisangi tshia Lumu Luimpa].

Dilongesha ne Bipungidi 38:39; 39–40

Tatu wa mu Diûlu mmusua bua kumpesha mabanji a tshiendelela.

Mu muenenu weba, dishilangana kayi didi pankashi pa mabanji a pa buloba ne mabanji a tshiendelela? (Dilongesha ne Bipungidi 38:39). Mamanya kayi adi makulongesha bua kufila mushinga ku mabanji a tshiendelela?

Lama etshi mu meji pawudi ubala pa James Covel mu tshitupa 39–40 (biangata muyuki wa kala ku mutu wa tshitupa). Ela meji mushindu udi dimanya dienda mua kuenzeka kuwudi. Tshilejilu, ela meji diba divua moyo weba muikala mu bululama kumpala kua Nzambi (Dilongesha ne Bipungidi 40:1). Mushindu kayi uwuvua mubeneshibua bua lulamatu lueba? Ela meji kabidi pa majiya a pa buloba audi muluangana nawu. Mushindu kayi udiwu mua kukupangisha bua kupeta dîyi dia Nzambi ne disanka? (Dilongesha ne Bipungidi 39:9; 40:2). Tshiudi upeta ntshinyi mu bitupa ebi tshidi mua kukupesha meji bua kuikala ne ditumikila dia momumua dikola kudi Nzambi?

Tangila kabidi Matayo 13:3–23.

Teka mifundu eyi mu moyo weba. “Mushindu umua uwudi mua kuambuluisha nawu balongi bua kumvua bulenga bua [mifundu] udi ku dibela nkonku bu mudi ‘Mushindu kayi uditshi mua kukuambuluisha ku tshintu kampanda tshiudi mumanya mpindiwu?’ ‘Buatshinyi bidi ne mushinga bua kutshimanya?’ ‘Dishilangana kayi diditshi mua kuenza mu moyo weba?’” (Teaching in the Savior’s Way, 23). Nkonku ya mu tshibilu etshi pa Dilongesha ne Bipungidi 39–40 idi mikala bilejilu bikuabu bia nkonku idi mua kutuambuluisha bua kuteka mabuluila â mu mioyo wetu.

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 37; 38:31–33

Nzambi udi utusangisha bua kutubenesha.

• Kalata ne dibeji dia tshibilu ku ndekelu kua tshifundu etshi bidi mua kuambuluisha bana beba bua kumvua tshidi Nzambi muelela mukenji mu Dilongesha ne Bipungidi 37:3. Pamuapa udi mua kubambuluisha bua bapeta miaba idi mifunda mu mabuluila â. Udi mua kubambuluisha kabidi bua kupeta tshiambilu tshia ku Dilongesha ne Bipungidi 38:31–33 tshidi tshiumvuija buatshinyi Nzambi mmusua bantu bua kusangila pamua.

Dilongesha ne Bipungidi 38:24–27

Nzambi m,usua bua tuetu tuikala bamua.

• Pawudi ubala Dilongesha ne Bipungidi 38:24–25 ne bana beba, akulayi pa tshidi tshiumvuija enzela muanenu muluma anyi mukaji bu wewa (tangila kabidi Matayo 7:12). Bambuluisha bua kuambulula mufundu, mu dishintulula “mukueba” ne dîna dia ewu yonsu.

• Bua kulongesha bana beba tshidi tshiumvuija “kuikala bamua” (Dilongesha ne Bipungidi 38:27), udi mua kubambuluisha bua kuzola nomba munena 1 ne kumulengeja ne mena ne mazola anyi bimfuanyi bia muntu yonsu wa mu dîku dieba anyi mu kalasa. Ku luseka lua 1, nudi mua kufunda bintu bidi mua kuenza ne nuikala bamua menamena.

• Ela meji bua kuabanyangana dilongesha dia bintu bidi bileja mushindu udi bintu mua kusangibua anyi kusangishibua bua kulua tshimua, bu bitupa bia tshilamba tshidi tshienza mbulankete anyi tusunsukila tudi tuenza diampa. Tshinyi tshidi bilejilu ebi bitulongesha pa kulua bamua bu bantu ba Nzambi?

Dilongesha ne Bipungidi 38:30

Mema mudilongolola, ntshiena mua kutshina to.

• Panudi nubala pamua Dilongesha ne Bipungidi 38:30, wewa ne bana beba nudi mua kuakula pa mamanya a pabuipi avua malomba didilongolola. Pashisha konkesha bana beba pa bintu bidi Tatu wa mu Diûlu musua bua tudilongolola. Abanyanganayi ne bana beba dimanya mudi kudilongolola kunuambuluisha bua kanutshinyi to. Nudi mua kumona pamua video wa “Men’s Hearts Shall Fail Them [Mioyo ya Baluma Neyibapangisha]” (Tshisangi tshia Lumu Luimpa).

Men's Hearts Shall Fail Them

Dilongesha ne Bipungidi 39:6, 23

Ndi mpeta dipa dia Nyuma wa Tshijila pandi njadikibua.

• Ela meji bua kuleja tshimfuanyi tshia muntu kampanda muikala ujadikibua. Lomba bana beba bua bumvuija tshidi tshipitakana mu tshimfuanyi. Udi mua kubabikila bua kufunkuna tshimfuanyi musangu onsu udibu bumvua muaku Nyuma wa Tshijila mu Dilongesha ne Bipungidi 39:6, 23. (anyi musambu bu mudi “The Holy Ghost,” Children’s Songbook, 105). Abanyanganayi umua ne mukuabu mushindu kayi udi dipa dia Nyuma wa Tshijila dinubenesha.

Bua ngenyi ya bungi, tangila bualu bua ngondu ewu bua makazina a Mulunda.