Ngondu Muisatu 31–Ngondu Muinayi 6: Yezu Kilisto Neasangisha Bantu Benda

Dilongesha ne Bipungidi 29

Nansha muvua Ekelezia wa Yezu Kilisto mulongolodibua mu 1830, malelela a bungi ka’avua mikala mabuluibua, ne bidimba bia bungi bia bangabanga bivua ne nkonku. Bivua bibala mambi a Mukanda wa Molomo pa disangisha dia Isalele ne dibaka dia Siona (tangila 3 Nefi 21). Mushindu kayi uvuatshi mua kuenzeka? Mabuluila avua Hiram Page udiamba ne mupeta avua endakana pa bualu abu, tshiotshi kubandisha amu dijinga dia kumanya kudi bidimba (tangila Dilongesha ne Bipungidi 28). Bakuabu bantu bavua badiebeja pa Dipona dia Adama ne Eva ne lufu lua nyuma. Mukalenga wakakidila nkonku eyi mu 1830, ne udi wakidila yetu nkonku lelu. Uvua wambila bansantu ne tshionsu tshinualomba ne ditabuija, bikala mu bobumua mu disambila bilondeshila mukenji wanyi nenutshipeta (Dilongesha ne Bipungidi 29:6). Nanku, bu dibuluila dibanjibua ne dilongesha didi mu Dilongesha ne Bipungidi 29 dileja, Mukalenga udi wandamuna misangu mikuabu ku nkonku yetu ku ditupesha bulelela ne dimanya kupita bitudi tumulomba.

Ngenyi bua Kulonga ku Nzubu ne ku Ekelezia

Dilongesha ne Bipungidi 29

Tatu wa mu Diûlu udi ne dilongolola bua lupandu lua bana benda.

Dilongesha ne Bipungidi 29 didi dilongesha malelela a bungi pa dilongolola dia Nzambi bueba. Pawudi ubala, keba malelela audi ulonga pa tshitupa tshionsu tshia dilongolola dienda:

• Moyo kumpala kua kuledibua (tangila tunungu 36–37)

• Bufuki (tangila tunungu 31–33)

• Dipona dia Adama ne Eva (tangila tunungu 40–41)

• Moyo wa lufu (tangila tunungu 39, 42–45)

• Bupikudi bua Yezu Kilisto (tangila tunungu 1, 42–43, 46–50)

• Dibika ku Lufu (tangila tunungu 13, 26)

• Dilumbuluisha dia Ndekelu (tangila kanungu 12–13, 27–30)

Muenenu kayi iwudi mupeta? Padibi bikuambuluisha, udi mua kubifunda mu mpunga idi mifila ne bimfuanyi ku ndekelu kua tshifundu etshi. Mushindu kayi udi malelela â ne bukoki mu moyo weba?

Tangila kabidi Topics and Questions [Biena Bualu ne Nkonku], “Plan of Salvation [Dilongolola dia Lupandu],” Tshisanga tshia Lumu Luimpa.

Diumvuija ku Come Unto Me [Luayi Kundi], kudi Jenedy Paige

Dilongesha ne Bipungidi 29:1–28

Yezu Kilisto udi umbikila bua muambuluisha bua kusangisha bantu benda kumpala kua Dilua Dibidi dienda.

Yezu Kilisto udi wakula bua disangisha bantu benda “bu mudi nzolu usangisha bana benda mu mapuapua enda” (Dilongesha ne Bipungidi 29:2). Tshinyi tshidi difuanyikija edi dinulongesha pa Yezu Kilisto? Ngenyi kayi ya nsakidilu anyi ngumvuilu idi inuluila pa nudi nulonga tshimfuanyi tshia nzolu ne bana mu tshifundu? Ela meji pa mushindu uwudi mumvua Yezu Kilisto ukusanga ne ukukuba.

Pawudi ubala Dilongesha ne Bipungidi 29:1–11, keba ngenyi pa:

• Nganyi wikala mua kusangishibua.

• “Kudisanga” kudi Kilisto, kudi kumvuija tshinyi.

• Buatshinyi tudi tudisanga kudiyi.

Nana meji bua kabingila kaudi musua bua bantu bakuabu badisanga kudi Kilisto. Ntshinyi tshiudi umvua musakibua bua kuenza bua kuambuluisha?

Udi mua kudikonka nkonku ya momumua pa udi umona video wa “A Witness of God” (Gospel Library) anyi ubala anyi uteleja musambu pa disangisha, bu mudi “Israel, Israel, God Is Calling” (Hymns, no. 7). Udi umvua ne Mukalenga udi uteta bua kukulongesha tshinyi pa mudimu wenda wa disangisha?

A Witness of God

Mulombodi Mukulu Russell M. Nelson wakamba ne: “Mpindieu disangisha ndibanga mu bisamba bionsu. Mukalenga muela mukenji bua dishikika dia Siona mu muaba onsu udiye mupeshila Bansantu diledibua ne bisamba biabu” (“The Gathering of Scattered Israel,” Liahona, Ngondu wa Dikumi ne Umua 2006, 81). Mushindu kayi udi disangisha edi dituambuluisha bua kuikala badilongolola mu bintu bionsu bua Dilua Dibidi dia Mukalenga? (kanungu 8; tangila kabidi tunungu 14–28).

Tangila kabidi Russell M. Nelson ne Wendy W. Nelson, “Hope of Israel” (worldwide youth devotional, Ngondu Muisambombu 3, 2018), Gospel Library; D. Todd Christofferson, “The Doctrine of Belonging,” Liahona, Ngondu wa Dikumi ne Umua 2022, 53–56; Topics and Questions, “Gathering of Israel, Gospel Library.

Dilongesha ne Bipungidi 29:31–35

Bintu bionsu kundi bidi bia nyuma.

Pawudi ulonga Dilongesha ne Bipungidi 29:31–35, dikonka ne, “Mu mushindu kayi udi mikenji yonsu mikala ya nyuma?” Udi mua kuenza mulongu wa mikenji ndambu ne kuela meji malelela a nyuma adi apetangana ne yonsu wa kuyoyi. Ditangilula dia For the Strength of Youth: A Guide for Making Choices didi mua kuambuluisha—didi dilongesha amua a ku malelela a tshiendelela adi panyima pa mikenji ya bungi ya Nzambi.

Mushindu kayi udi dimanya dia ne bintu bionsu bidi bia nyuma dilenga mushindu weba wa kuela meji pa mikenji ya Nzambi? Ela meji bua kukeba ngumvuilu wa nyuma anyi kipatshila mu bipidi bikuabu bia moyo weba.

Tangila kabidi 2 Nefi 09:39.

Kushindamena pa Yezu Kilisto. “Tshiena bualu tshionsu tshia lumu luimpa [tshidi] mushindu mutupesha bua kulongesha ne kulonga pa Yezu Kilisto” (Teaching in the Savior’s Way, 6). Tshinyi tshiudi ulonga pa bikadilu bienda, midimu yenda, ne pa bilejilu bienda pa udi ubala Dilongesha ne Bipungidi 29?

Dilongesha ne Bipungidi 29:36–50

Yezu Kilisto udi utusungila ku Dipona.

Mushindu kayi uwudi mua kuenzela Dilongesha ne Bipungidi 29:36–50 bua kumvuija kabingila katudi tujingila disungila kupitshila kudi Yezu Kilisto?

Dipona dia Adama ne Eva diakatuala lufu ne bubi kudi ba pa buloba, kadi kuvua kabidi kulongolodibua njila wa disungila ne wa disanka kupitshila kudi Yezu Kilisto. Pawudi wela meji awu, bala tunungu 39–43 ne funda miaku ne biambilu bidi bikupesha disanka. Tshinyi tshidi tshinukemesha pa Adam ne Eve bamba pa Dipona mu Mose 5:10–12?

Tangila kabidi “Why We Need a Savior” (video), Tshisangi tshia Lumu Luimpa.

Why We Need a Savior

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 29

Tatu wa mu Diûlu udi ne dilongolola bua lupandu lua bana benda.

• Bua kubanga muyuki pa dilongolola dia Tatu wa mu Diûlu buetu, wewa ne bana beba nudi mua kuakula pa diba dinuvua benza dilongolola, bu mudi bua luendu anyi dikumbaja mudimu. Nudi kabidi mua kuabanyangana bilejilu bia dilongolola, bu mudi kabala matuku ne bibilu bifundapu anyi maludiki bua kuenza tshintu kampanda. Buatshinyi malongolola adi ne mushinga? Pashisha udi mua kuakula pa tshidi Tatu wa mu Diûlu musua bua tukumbaja ne mushindu kayi udi dilongolola dienda dituambuluisha bua kutshikumbaja.

• Udi mua kuenzela bimfuanyi bidi ku ndekelu kua tshifundu etshi bua kuambuluisha bana beba bua kupeta tunungu mu Dilongesha ne Bipungidi 29 tudi tulongesha pa bitupa bishilangana bia dilongolola dia Tatu wa mu Diûlu. Udi mua kukosolola bimfuanyi ne kulomba bana beba bua babipingaja mu bulongama. Buatshinyi tudi ne disakidila bua kumanya ne Tatu wa mu Diûlu udi ne dilongolola buetu. Mushindu kayi udi dimanya adi dilenga nsombelu yetu ya matuku onsu?

Dilongesha ne Bipungidi 29:1–2, 7–8

Yezu Kilisto udi usangisha bantu benda kumpala kua yeya kulua kabidi.

• Tshimfuanyi tshidi kuinshi tshia nzolu usangisha bana benda anyi video “Chicks and Hens” (ChurchofJesusChrist.org) tshidi mua kuambuluisha bana beba bamona difuanangana mu Dilongesha ne Bipungidi 29:1–2. Pashisha nudi mua kubala tunungu etu pamua ne kuakulangana pa mushindu udi nzolu ukuba bana benda ne mushindu kayi uditshi tshifuanangana ne tshidi Mukalenga mua kuenza buetu.

  Chicks and Hens

  

  Ne Nnusangisha, kudi Liz Lemon Swindle

• Tshinyi tshidi tshipesha bana beba meji bua basua bua kuambuluisha Mupandishi bua kusangisha bantu benda? Pamuapa badi mua kusua bua kumvua dimanya dia muntu kampanda udi “mudisangisha” kudiye pa kubuela mu Ekelezia wenda. Tshilejilu, nganyi udi mubueja dîku dienu mu Ekelezia? Mushindu kayi utudi babeneshibua mu ditaba dia dibikila dia Mupandishi bua kudisangisha kudiye? Mushindu kayi utudi mua kuambuluisha bakuabu bua kudisangisha kudiye? (Tangila “A Message for Children from President Russell M. Nelson” [video], ChurchofJesusChrist.org.)

  Video: A Message for Children from President Russell M. Nelson

Dilongesha ne Bipungidi 29:11

Yezu Kilisto nealua kabidi.

• Tshimfuanyi tshia Dilua Dibidi dia Mupandishi (such as Gospel Art Book, no. 66) anyi musambu pa diodi (such as “When He Comes Again,” Children’s Songbook, 82–83) bidi mua kuambuluisha bana beba bua kuyukilangana Dilongesha ne Bipungidi 29:11. Ambuluisha bana beba bua bafunda biambilu mu mufundu bidi bipetangana ne tshintu kampanda mu tshimfuanyi anyi mu musambu. Abanyangana ne umua ne mukuabu mushindu unudi numvua pa dilua dia kabidi dia Yezu Kilisto pa buloba.

Bua ngenyi ya bungi, tangila bualu bua ngondu ewu bua makazina a Mulunda.