Ngondu Muisatu 24–30: “Malu Onsu Adi Ne Tshia Kuenjibua mu Bulongama”

Dilongesha ne Bipungidi 27–28

Dibuluila ditshivua dikala lungenyi lupialupia bua Bansantu pavua Dipinguluja ditungunuka bua kujinguluka. Bidimba bia Ekelezia bia bangabanga bivua bimanya ne Muambi Joseph Smith uvua mua kupeta dibuluila bua Ekelezia. Kadi bakuabu badi mua kupeta anyi? Nkonku ya nunku yakalua tshijanu pavua Hiram Page, umua wa ku Bajadiki Muanda Mukulu ba bitata bia ngolo, witabuija ne mmupeta dibuluila bua Ekelezia. Bansantu ba lulamatu ba bungi bakitaba ne mabuluila â avua afuma kudi Nzambi. Mukalenga wakandamuna ku kulongesha ne mu Ekelezia wenda malu onsu adi ne tshia kuenjibua mu bulongama (Dilongesha ne Bipungidi 28:13). Tshidi tshiumvuija ne kuikala amu muntu umua mmufunkuna bua kupeta mikenji ne mabuluila bua Ekelezia mujima (Dilongesha ne Bipungidi 28:2). Nansha nanku, bakuabu badi mua kupeta dibuluila diabu nkayabu bua tshitupa tshiabu mu mudimu wa Mukalenga. Bushuwa, miaku ya Mukalenga kudi Oliver Cowdery idi ivuluija yonsu wa ku tudi: neupeshibua tshiwikala mua kuenza (Dilongesha ne Bipungidi 28:15).

Tangila kabidi “All Things Must Be Done in Order,” in Revelations in Context, 50–53.

Ngenyi bua Dilonga ku Nzubu ne ku Ekelezia

Dilongesha ne Bipungidi 27:1–4

Ndi ngangata biakudia bia tshijila mu divuluka dia Yezu Kilisto.

Sally Knight ne Emma Smith bavua batambuishibua mu Ngondu Muisambombu 1830, kadi majadiki abu avua matompakaja kudi musumba. Ngondu ibidi mipita, Sally ne bayenda, Newel, bakakumbula Emma ne Joseph, ne bivua bipangadika ne mpindiewu bavua mua kujadikibua ne tshisumbu tshidi mua kuangata biakudia bia tshijila pamua. Pavua Joseph ukakeba mvinyo bua biakudia bia tshijila, muanjelu wakamuimanyika.

Bala Dilongesha ne Bipungidi 27:1–4 bua kujandula tshidi muanjelu mumulongesha pa biakudia bia tshijila. Meji kayi adi tunungu etu tufila pa mushindu udi Mupandishi musua bua nusemena ku biakudia bia tshijila? Udi wela meji ne disu ditangila amu ku butumbi buenda, tshidi tshiumvuija tshinyi? Nana meji ku tshiotshi—ne keba ngenyi mikuabu pa biakudia bia tshijila—pawudi ubala Luka 22:19–20 ne 3 Nefi 18:1–11. (Tangila kabidi bindidimbi “The Last Supper,” “Jesus Christ Blesses Bread in Remembrance of Him,” and “Jesus Christ Blesses Wine in Remembrance of Him,” Tshisangi tshia Lumu Luimpa).

The Last Supper

Jesus Christ Blesses Bread in Remembrance of Him | 3 Nephi 18:1-7

Jesus Christ Blesses Wine in Remembrance of Him | 3 Nephi 18:8-11

Bua kulonga pa kuenza biakudia bia tshijila bualu bua dikukuila, longa mukenji wa Elder D. Todd Christofferson “The Living Bread Which Came Down from Heaven” (Liahona, Ngondu wa Dikumi ne Umua 2017, 36–39). Tshinyi tshidi Mukulu Christofferson mulongesha tshidi mua kukuambuluisha bua umvua dipetangana dinena kudi Mupandishi kupitshila ku biakudia bia tshijila? Nana meji pa tshiudi mua kuenza bua kudilongolola bua kuangata bimanyinu bia Bupikudi bua Mupandishi ne kubienza ne kanemu anyi kipatshila kanena.

Ela meji bua kuimba, kuteleja, anyi kubala musambu wa biakudia bia tshijila, bu mudi “As Now We Take the Sacrament” (Hymns, no. 169), ne funda ngumvuilu yeba bitangila dibuela mu mululu wa tshijila ewu.

Enzela musambu. Musambu wa tshijila udi ubikila Nyuma bua kujadika bua malelela a lumu luimpa. Tshidi mua kukuambuluisha bua kuteleja ne kumvua malelela â mu mushindu wa tshivulukilu. Musambu udi wambuluisha kabidi bua kuenza malaya abungi.

Tangila kabidi Dilongesha ne Bipungidi 20:77, 79; 59:9–13; Biena bualu ne Nkonku, “Sacrament [Biakudia bia Tshijila],” Tshisangi tshia Lumu Luimpa; “Obtaining and Retaining a Remission of Sins through Ordinances,” mu David A. Bednar, “Always Retain a Remission of Your Sins,” Liahona, Ngondu Muitanu 2016, 60–62.

Always Retain a Remission of Your Sins

Dilongesha ne Bipungidi 27:5–14

Mukalenga udi upesha bena mudimu benda nsapi ya buakuidi bua kuludika mudimu wenda.

Tshinyi tshiudi mumanya pa bambi badi bafundibua mu tunungu etu? Udi mua kukeba mamanyisha pa bobu mu Buludiki bua mu Mifundu. Mabenesha kayi avua manukanguila kupitshila ku nsapi idi bambi bikala nayi?

Dilongesha ne Bipungidi 27:15–18

Biluilu bia Nzambi bidi mua kungambuluisha bua kukandamena bubi.

Mulombodi Mukulu M. Russell Ballard wakamba ne: “Kakuena tshintu tshinena ne tshipita tshitudi mua kuenza bua kuvuala biluilu bia nyuma. Bukola bua nyuma bulelela mbusombela mu bienzedi bikesa biluka mu tshilamba tshia dikolesha dia nyuma tshidi tshikuba ne bitujika ku bubi bonsu” (“Be Strong in the Lord,” Ensign, Ngondu wa Muanda Muteketa 2004, 8).

Pawudi ulonga pa biluilu bia Nzambi mu Dilongesha ne Bipungidi 27:15–18, udi mua kuenza dibaya dia kufundila bu mudi edi. Tshinyi tshiudi wenza bua kuvuala tshivualu tshionsu tshia biluilu bia Nzambi?

Tshivualu tshia biluilu	Tshitupa tshia mubidi tshikuba	Tshinyi tshidi tshitupa tshia mubidi etshi tshileja
Tshivualu tshia biluilu Tshibuikilu tshia pa tshiadi tshia buakana	Tshitupa tshia mubidi tshikuba Mutshima	Tshinyi tshidi tshitupa tshia mubidi etshi tshileja Majinga ne disua bianyi
Tshivualu tshia biluilu Tshifulu tshia lupandu	Tshitupa tshia mubidi tshikuba Mutu anyi meji	Tshinyi tshidi tshitupa tshia mubidi etshi tshileja
Tshivualu tshia biluilu	Tshitupa tshia mubidi tshikuba	Tshinyi tshidi tshitupa tshia mubidi etshi tshileja
Tshivualu tshia biluilu	Tshitupa tshia mubidi tshikuba	Tshinyi tshidi tshitupa tshia mubidi etshi tshileja

Tangila kabidi Efeso 6:11–18; Jorge F. Zeballos, “Building a Life Resistant to the Adversary,” Liahona, Ngondu wa Dikumi ne Umua 2022, 50–52.

Dilongesha ne Bipungidi 28

Yezu Kilisto udi uludika Ekelezia wenda kupitshila ku muambi wenda udi ne moyo.

Fuanyikija tshivua mua kuikala bu muntu yonsu muikala bua kupeta mikenji ne dibuluila bua Ekelezia mujima. Pavua Hiram Page mudiamba ne uvua mupeta dibuluila bu edi, bidimba bia bungi bia Ekelezia bivua mu tshibuelakaji. Mu Dilongesha ne Bipungidi 28, Mukalenga wakabuluila bulongama bua dibuluila mu Ekelezia wenda. Tshinyi tshiudi mulonga ku tshitupa etshi pa mudimu musunguluka wa Mulombodi Mukulu wa Ekelezia? Tshinyi tshiudi mulonga pa mushindu udi Nzambi mua kukuludika?

Tangila kabidi Dale G. Renlund, “A Framework for Personal Revelation,” Liahona, Ngondu wa Dikumi ne Umua 2022, 16–19.

Dilongesha ne Bipungidi 28:8–9

Buatshinyi bukenji bua kudi Bena Lamana buvua ne mushinga?

Kipatshila kamua ka Mukanda wa Molomo kadi ka ne Bena Lamana badi mua kufika ku dimanya batatuabu, ne kumanya malaya a Mukalenga (Dilongesha ne Bipungidi 3:20). Etshi tshivua tshia momumua ne malaya avua Mukalenga muenza kudi bambi ba bungi ba Mukanda wa Molomo (tangila, tshilejilu, 1 Nefi 13:34–41; Enosha 1:11–18; Helamana 15:12–13). Bidimba bia bangabanga bivua bitangila Bena ku Indi ba ku Amelika bu ndelanganyi ya bantu ba mu Mukanda wa Molomo. Muenenu mumanyika wa Ekelezia lelu udi ne Bena Lamana badi bikala munkatshi mua bankambua ba Bena ku Indi ba ku Amelika. [Tshibangilu tshia ku Mukanda wa Molomo].

Bua kubala bia bungi pa bukenji bua Oliver Cowdery kudi Bena ku Indi ba ku Amelika ba pabuipi, tangila, “A Mission to the Lamanites,” Revelations in Context, 45–49. Tshinyi tshidi bukenji ebu bukulongesha pa Mukalenga ne mudimu wenda?

Bua ngenyi ya bungi, tangila malu a ngondu ewu a Liahona ne makazina a Bua Dikankamika dia Bansonga.

Ngenyi bua Kulongesha Bana

Dilongesha ne Bipungidi 27:1–2

Biakudia bia tshijila bidi bingambuluisha bua kuvuluka Yezu Kilisto.

• Bana badi mua kudiebeja buatshinyi tudi tuenzela mâyi bua biakudia bia tshijila pavua Yezu muenzela mvinyo (tangila Luka 22:19–20; 3 Nefi 18:1–11). Nudi mua kubala Dilongesha ne Bipungidi 27:1–2 pamua ne kuyukilangana pa tshidi tshiumvuija kuangata biakudia bia tshijila “ne disu ditangila amu ku butumbi [bua Nzambi]” (kanungu 2). Tshinyi tshitudi mua kuenza mua kujalamina pa Mupandishi patudi tuangata biakudia bia tshijila?

• Pamuapa kuikala ne bimfuanyi, tunungu tua mifundu anyi mêyi a misambu pa Mupandishi bidi mua kuambuluisha bana beba bua kumuvuluka padibu bangata biakudia bia tshijila. Badi mua kusanka bua kuenza kakanda ne bimua bia ku bimfuanyi ebi, tunungu, ne mêyi. Badi mua kuzola biabu bimfuanyi anyi kupeta bimua bidi mu makazina a Mulunda.

Diumvuija ku The Last Supper [Biakudia bia Dilolu], kudi Simon Dewey

Dilongesha ne Bipungidi 27:15–18

Biluilu bia Nzambi bidi binkuba.

• Udi mua kuleja bana beba tshimfuanyi tshia biluilu bu mudi tshimua tshia bulongolodi ebu anyi pa dibeji dia tshibilu mu bulongolodi bua Bena Efeso mu Luaku, Undonde—Bua Tshilongelu tshia Mbedi: Dipungila Dipia-dipia 2023. Pa udi ubala Dilongesha ne Bipungidi 27:1–4, bambuluisha bua bapeta bivualu bia biluilu mu tshimfuanyi. Mushindu kayi udi biluilu bia Nzambi bituambuluisha bua kukandamana ku bubi bua lelu? (kanungu 15).

Dilongesha ne Bipungidi 28:2, 6–7

Muambi udi upeta dibuluila bua Ekelezia; ndi mua kupeta dibuluila bua moyo wanyi.

• Wewa ne bana ba bungi, udi mua kubabikila bua kunaya “londa mulombodi,” kadi lomba bana babidi anyi ba bungi bua bikala balombodi diba dimua. Tshinyi tshidi tshifika padiku kuikala balombodi bapita pa umua? Nudi mua kulonga pashisha pa Hiram Page (tangila “Chapter 14: The Prophet and Revelations for the Church,” mu Miyuki ya mu Dilongesha ne Bipungidi, 56–57, anyi video udi upetangana mu Tshisangi tshia Lumu Luimpa; anyi tshitupa tshia tshifulu tshia Dilongesha ne Bipungidi 28). Mushindu kayi udi Tatu wa mu Diûlu umbusha tshibuejakaji tshia bidimba bia bangabanga? Mushindu kayi udiye ulombola Ekelezia lelu? (tangila Dilongesha ne Bipungidi 28:2). Tangalaja bujadiki bueba ne muambi wa mpindiewu mmubikidibua kudi Mukalenga bua kulombola Ekelezia wenda mu tshikondu tshietu.

  Chapter 14: The Prophet and Revelations for the Church: September 1830

• Nansha mudi dibuluila bua Ekelezia difidibua misangu yonsu kupitshila kudi muambi, tudi mua kuikala bonsu tulombodibua kudi Nyuma wa Tshijila. Udi mua kuambuluisha bana beba bua bakeba imua ya ku mifundu idi ilonda ne kuenza mulongu wa mishindu idi Nyuma wa Tshijila mua kutulombola: Dilongesha ne Bipungidi 28:1, 4, 15; Yone 14:26; Moloni 8:26; 10:4–5. Abanyanganayi umua ne mukuabu mushindu kayi unuvua balombodibua ku Nyuma wa Tshijila.

Bua ngenyi ya bungi, tangila bualu bua ngondu ewu bua makazina a Mulunda.