Ngondu Muisatu 17–23: Keba Bintu bia Buloba Bulenga

Dilongesha ne Bipungidi 23–26

Bua bantu ba bungi, kutambushibua tshidi dimanya dia kanemu ne ditalala. Ditambula dia Emma Smith ne dia bakuabu, nansha, muvuadi dinyanga kudi musumba wa bantu uvua ubaseka, ubakanyina, ne ubenzeja bua kunyema. Pashisha, pavua Joseph pabuipi ne kujadika bidimba bipia-bipia, wakakuatshibua bua dinyungusha dia musoku ne diyisha dienda. Mu ditontolola dionsu edi, mushindu kayi uvua Emma mua kutuishibua ne uvua wenza tshintu tshiakana? Muaba wa momumua utudi mua kudisangana—kupitshila ku dibuluila dia kudi Mukalenga. Wakakula kudi Emma pa bintu bia buloba bulenga—Bukalenga buenda—ne muaba wenda momu. Wakamuambila ne katshinyi, bua kubandulula mutshima wenda ne kusanka, ne bua kulamata ku bipungidi biuvuaye muenza. Ne miaku eyi ya dikolesha ne dibela ivua dîyi dienda kudi bantu bonsu (Dilongesha ne Bipungidi 25:9–10, 13, 16).

Tangila kabidi Saints, 1:89–90, 94–97.

Ngenyi bua Kulonga ku Nzubu ne ku Ekelezia

Dilongesha ne Bipungidi 24

Mupandishi udi mua kunjula mu ntatu yanyi.

Dibuluila dia mu Dilongesha ne Bipungidi 24 divua difila bua kukankamika, kukolesha, ne kulongesha Joseph Smith ne Oliver Cowdery mu diba dia matêta (Tshifulu tshia tshitupa; tangila kabidi Saints, 1:94–96). Keba miaku mu Dilongesha ne Bipungidi 24 iwudi umvua ne idi ikukankamika ne ikukolesha.

Mifundu eyi idi ikupesha ngenyi kayi pa mushindu udi Mukalenga ukuambuluisha mu makenga eba?

Dilongesha ne Bipungidi 24:1–3

Dilongesha ne Bipungidi 24:8

Dilongesha ne Bipungidi 121:7–8

Yeshaya 40:28–31

Mosiya 24:14–15

Diumvuija ku Wakondupa ba Bungi ba Masama mashilangana, kudi J. Kirk Richards

Dilongesha ne Bipungidi 25

Ndi ne mudimu wa mushinga wa kuenza mu bukalenga bua Nzambi.

Bu muvua Emma Smith utangila Dipinguluja dijunguluka kudi bayenda, Joseph Smith, uvua udikonka tshivua mua kuikala mudimu wenda. Keba mandamuna adi Nzambi mufila mu Dilongesha ne Bipungidi 25. Udi mupeta tshintu kampanda mu tshitupa etshi tshiudi umvua ne tshidi dîyi dienda kuwudi? (kanungu 16).

Tangila kabidi “An Elect Lady” (video), Gospel Library; “Thou Art an Elect Lady,” in Revelations in Context, 33–39; Joy D. Jones, “An Especially Noble Calling,” Liahona, May 2020, 15–18.

"An Elect Lady"

Dilongesha ne Bipungidi 25:5, 14

Tungunuka mu nyuma wa ditudija.

Tshinyi tshidi tshiambilu etshi: nyuma wa ditudija, tshiumvuija kuwudi? Ela meji bua kukeba tshitupa 25 miaku ne biambilu bidi bikuambuluisha bua kumvua tshidi tshiumvuija kuikala ne ditudija. Mukenji wa Mukulu David A. Bednar “Meek and Lowly of Heart” udi mua kuambuluisha kabidi (Liahona, Ngondu Muitanu 2018, 30–33). Mushindu kayi udi Yezu Kilisto muikala tshilejilu tshia ditudija kuwudi? (tangila Matayo 11:28–30). Ela meji pa bintu bia mu moyo weba biudi mua kuenza mu nyuma wa ditudija.

Dilongesha ne Bipungidi 25:10, 13

Teka ku luseka bintu bia pa buloba ebu, ne keba bintu bia buloba bulenga.

Pawudi wela meji pa mubelu wa Mukalenga mu Dilongesha ne Bipungidi 25:10, udi mua kukuambuluisha bua kuenza mulongu wa bintu bia pa buloba ebu bidiyi musua bua uteka ku luseka. Pashisha udi mua kuenza mulongu wa bintu bia buloba bulenga bidiyi musua bua ukeba. Udi mua kusungula tshintu tshimua tshia ku mulongu wa kumpala tshiwateka ku luseka ne tshintu tshia ku mulongu muibidi tshiwakeba.

Mulombodi Mukulu Russell M. Nelson wakafila mubelu ne milayi pa “[diteka] ku luseka bintu bia bungi bia pa buloba ebu.” Keba ku dibeji dia 77 dia mukenji wenda “Spiritual Treasures” (Liahona, Ngondu wa Dikumi ne Umua 2019). Mushindu kayi uwudi mua kulonda mubelu wenda?

Pawudi ubala kanungu 13, ela meji pa bipungidi biudi muenza ne Tatu wa mu Diûlu ne Yezu Kilisto. Tshinyi tshidi tshiumvuija kulamata ku bipungidi ebi? Mushindu kayi udi bipungidi bieba bikuambuluisha bua kuteka ku luseka bintu bia pa buloba ebu, ne kukeba bintu bia buloba bulenga?

Eyi idi mifundu mikuabu idi mua kukuambuluisha bua kujingulula pankatshi pa “bintu bia pa buloba ebu” ne “bintu bia buloba bulenga”: Matayo 6:19, 21, 25–34; Luka 10:39–42; 2 Nefi 9:51.

Tangila kabidi Topics and Questions[Biena Bualu ne Nkonku], “Sacrifice[Mulambu],” Tshisangi tshia Lumu Luimpa.

Babikila bua diabanyangana. Pawudi ulongesha bakuabu pa mushindu wa kuteka ku luseka bintu bia pa buloba, ela meji pa mishindu ya kubambila bua kuabanyangana tshidibu benza bua kulonda mubelu wenda. Tudi mua kusuna makankamana ne makima ku diteleja dia ngenyi ne mamanya a muntu yonsu.

Dilongesha ne Bipungidi 25:11–12

Mukalenga udi usanka mu “musambu wa mutshima wanyi”.

Misambu kayi mikuabu ya mutshima weba—misambu idi yamba biudi umvua pa Tatu wa mu Diûlu ne pa Yezu Kilisto? Ela meji bua kuimba anyi kuteleja imua ya kuyoyi. Tshinyi tshidi tshienza bua misambu eyi ikala ya pa buayi kuwudi?

Udi mua kunana kabidi meji pa mushindu udi misambu eyi ifuanangana ne disambila. Tshinyi tshia momumua tshidi natshi musambu wa tshijila ne disambila? Mushindu kayi udi misambu yeba ya tshijila miandamuna ne dibenesha?

Tangila kabidi “Oh, What Songs of the Heart,” Hymns, no. 286.

Dilongesha ne Bipungidi 26:2

Malu onsu adi na bua kuenjibua mu diumvuangana dimua mu ekelezia.

Tshiambilu “diumvuangana dimua” mu kanungu aka tshidi tshituma ku tshienzedi tshia kujula bianza bietu mulu bua kuleja ne tudi tutua mpanda ne tuambuluisha muntu udi mupeta dibikila anyi dijidila dia buakuidi. Mushindu kayi uwudi mua kumvuija muntu muenyi mu tshisangilu tshia Ekelezia tshinyi tshidi tshiumvuija pa tudi tutua muntu mpanda? Mandamuna kayi audi mupeta mu mukenji wa Mulombodi Mukulu Henry B. Eyring “The Power of Sustaining Faith”? (Liahona, Ngondu Muitanu 2019, 58–60).

Bua ngenyi ya bungi, tangila bualu bua ngondu ewu bua Liahona ne Bua Dikankamika dia Bansonga makazina.

Ngenyi bua Kulongesha Bana

Dilongesha ne Bipungidi 24:1, 8

Mupandishi udi mua kunjula mu ntatu yanyi.

• Bua kulonga pa ntatu ne makenga makuabu bia Joseph Smith ne bia Bansantu ba bangabanga, udi mua kutangilula “Shapita 11: More People Join the Church,” mu Miyuki ya mu Dilongesha ne Bipungidi, 46–47, anyi video udi upetangana mu Tshisanga tshia Lumu Luimpa. Pashisha wewa ne bana beba nudi mua kujandula tshidi Mukalenga wambila Joseph bua ntatu yenda mu Dilongesha ne Bipungidi 24:1, 8. Nudi kabidi mua kuabanyangana mushindu udi Mukalenga unuambuluisha diba dia lutatu.

  Chapter 11: More People Join the Church: April–June 1830

• Bua kulonga tshidi tshiumvuija kuikala batudiji mu ntatu yetu, wewa ne bana beba nudi mua kuenzulula dimanya mu video wa “Continue in Patience” (Tshisangi tshia Lumu Luimpa). Tshinyi tshidi Dilongesha ne Bipungidi 24:8 utulongesha pa ditudija? Mushindu kayi udi Mukalenga utumanyisha ne udi netu mu ntatu yetu?

  Continue in Patience

Dilongesha ne Bipungidi 25:11–12

Yezu mmunanga musambu wa mutshima.

• Panyima pa dibala Dilongesha ne Bipungidi 25:12, nudi mua kuakulangana pa musambu munanga anyi musambu wa Ekelezia—musambu weba wa mutshima—ne diyimba pamua. Abanyanganayi buatshinyi nudi bananga misambu eyi. Buatshinyi Mukalenga udi ne disanka patudi tuimba misambu eyi? Mushindu kayi udi ngimbilu wetu mufuanangana ne disambila kudiye?

Dilongesha ne Bipungidi 25:13, 15

Bipungidi bianyi ne Tatu wa mu Diûlu bidi bintuadila disanka.

• Bua kumvua tshidi tshiumvuija kulamata ku bipungidi (Dilongesha ne Bipungidi 25:13), bana beba badi mua kukuata ku tshintu kampanda bikola. Pashisha wewa ne bana beba nudi mua kuakula pa mushindu unudi “balamata” anyi bakuata ku bipungidi bienu. Padibi bijingibua, nutangilula ne bana beba bipungidi bitudi benza (tangila Mosiya 18:8–10; Dilongesha ne Bipungidi 20:37; ne dibeji dia bibilu bia lumingu elu).

• Bua kupesha bana beba ngumvuilu bua Dilongesha ne Bipungidi 25:13, udi mua kuleja ne esthi tshidi tshintu tshidi Mukalenga muambila Emma Smith katataka panyima pa ditambula dienda. Buatshinyi tshidi tshia mushinga bua muntu yonsu udi ufuma ku ditambula?

Bua ngenyi ya bungi, tangila bualu bua ngondu ewu bua makazina a Mulunda.

Misambu ya Emma, kudi Liz Lemon Swindle