« ថ្ងៃទី ១–៧ ខែ មករា ៖ សក្ខីបទមួយទៀតអំពីព្រះយេស៊ូវគ្រីស្ទ។ ទំព័របុព្វកថានៃព្រះគម្ពីរមរមន » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរមរមន ឆ្នាំ ២០២៤ ( ឆ្នាំ ២០២៤ )
« ថ្ងៃទី ១–៧ ខែ មករា ។ ទំព័របុព្វកថានៃព្រះគម្ពីរមរមន » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៤ ( ឆ្នាំ ២០២៤ )
ថ្ងៃទី ១–៧ ខែ មករា ៖ សក្ខីបទមួយទៀតអំពីព្រះយេស៊ូវគ្រីស្ទ
ទំព័របុព្វកថានៃព្រះគម្ពីរមរមន
ពីមុនបងប្អូនទៅដល់ នីហ្វៃទី១ ជំពូកទី ១ បងប្អូននឹងសង្កេតឃើញថា ព្រះគម្ពីរមរមនមិនមែនជាព្រះគម្ពីរធម្មតានោះទេ ។ ទំព័របុព្វកថារបស់ព្រះគម្ពីរនេះពិពណ៌នាអំពីជីវប្រវត្តិមួយពុំដូចជាគម្ពីរផ្សេងៗទេ—រួមមានដូចជា ការយាងមកជួបមកពីពួកទេវតា កំណត់ត្រាបុរាណមួយដែលបានកប់លាក់ទុកអស់រាប់សតវត្សរ៍នៅជើងភ្នំមួយ និងអ្នកកំលោះម្នាក់ដែលបានបកប្រែកំណត់ត្រានេះដោយព្រះចេស្ដានៃព្រះ ។ ព្រះគម្ពីរមរមនមិនគ្រាន់តែជាប្រវត្តិសាស្ត្រនៃអរិយធម៌របស់ប្រជាជនអាមេរិកពីបុរាណប៉ុណ្ណោះទេ ។ ព្រះគម្ពីរមរមនខិតខំបញ្ចុះបញ្ចូលមនុស្សទាំងអស់ « ថាព្រះយេស៊ូវគឺជាព្រះគ្រីស្ទ » ( ទំព័រចំណងជើងនៃព្រះគម្ពីរមរមន ) ហើយព្រះទ្រង់ផ្ទាល់បានដឹកនាំពីរបៀបដែលព្រះគម្ពីរនេះបានសរសេរឡើង រក្សាទុក និងធ្វើឲ្យមានដល់យើង ។ នៅឆ្នាំនេះ ពេលបងប្អូនអានព្រះគម្ពីរមរមន សូមអធិស្ឋានអំពីវា ហើយអនុវត្តតាមការបង្រៀនរបស់វា នោះបងប្អូននឹងយាងអញ្ជើញព្រះចេស្ដារបស់ព្រះអង្គសង្គ្រោះឲ្យមកក្នុងជីវិតរបស់បងប្អូន ។ ហើយបងប្អូនប្រហែលជាមានអារម្មណ៍រំជើបរំជួលដើម្បីនិយាយ ដូចពួកសាក្សីបីនាក់បានធ្វើទីបន្ទាល់របស់ពួកលោកថា « គឺជារឿងដ៏ចម្លែកអស្ចារ្យដែលភ្នែក [ ខ្ញុំ ]បានឃើញ » ។
គំនិតសម្រាប់ការរៀនសូត្រនៅឯគេហដ្ឋាន និងសាសនាចក្រ
ទំព័រចំណងជើងនៃព្រះគម្ពីរមរមន
ការសិក្សាព្រះគម្ពីរមរមនអាចពង្រឹងសេចក្ដីជំនឿរបស់ខ្ញុំទៅលើព្រះយេស៊ូវគ្រីស្ទបាន ។
ទំព័រចំណងជើងនៃព្រះគម្ពីរមរមន មិនមែនគ្រាន់តែជាចំណងជើងប៉ុណ្ណោះទេ ។ នៅក្នុងចំណោមរឿងជាច្រើនទៀត វាមានគោលបំណងជាច្រើនអំពីកំណត់ត្រាដ៏ពិសិដ្ឋនេះ ។ សូមរកមើលគោលបំណងទាំងនេះនៅក្នុងទំព័រចំណងជើង ។ សំណួរដូចនេះអាចជួយបងប្អូនបាន នៅពេលបងប្អូនជញ្ជឹងគិត ៖ ហេតុអ្វីបានជាយើងមានព្រះគម្ពីរមរមន ? តើព្រះគម្ពីរមរមនខុសពីគម្ពីរផ្សេងទៀតយ៉ាងដូចម្តេច ?
ឥឡូវនេះអាចជាពេលវេលាដ៏ល្អមួយដើម្បីធ្វើផែនការផ្ទាល់ខ្លួន ឬគ្រួសារដើម្បីអានព្រះគម្ពីរមរមននៅឆ្នាំនេះ ។ តើបងប្អូននឹងអាននៅពេលណា និងនៅកន្លែងណា ? តើបងប្អូននឹងយាងអញ្ជើញព្រះវិញ្ញាណឲ្យគង់នៅក្នុងការសិក្សារបស់បងប្អូនដោយរបៀបណា ? តើមានអ្វីជាក់លាក់ដែលបងប្អូននឹងស្វែងរក នៅពេលបងប្អូនសិក្សាដែរឬទេ ? ឧទាហរណ៍ បងប្អូនអាចស្វែងរកវគ្គបទគម្ពីរដែលសម្រេចគោលបំណងដែលបងប្អូនបានរកឃើញនៅលើទំព័រចំណងជើង ។ បងប្អូនអាចនឹងរក្សាបញ្ជីខគម្ពីរដែលស្ថាបនាសេចក្តីជំនឿរបស់បងប្អូនទៅលើព្រះយេស៊ូវគ្រីស្ទ ។
សូមមើលផងដែរ នីហ្វៃទី២ ២៥:២៦; ម៉ូសាយ ៣:៥–៨; អាលម៉ា ៥:៤៨; ៧:១០–១៣; ហេលេមិន ៥:១២; នីហ្វៃទី៣ ៩:១៣–១៨; ១១:៦–១៤; មរ៉ូណៃ ១០:៣២–៣៣ ។
ការសន្យាដែលព្យាករ ។ ប្រធាន រ័សុល អិម ណិលសុន បានមានប្រសាសន៍ថា « ខ្ញុំសន្យាថា នៅពេលបងប្អូនពិចារណាអំពីអ្វីដែលបងប្អូនសិក្សា [ នៅក្នុងព្រះគម្ពីរមរមន ] នោះបង្អួចនៃស្ថានសួគ៌នឹងបើកឡើង ហើយបងប្អូននឹងទទួលបានចម្លើយចំពោះសំណួរផ្ទាល់ខ្លួនរបស់បងប្អូន និងការដឹកនាំសម្រាប់ជីវិតរបស់បងប្អូនផ្ទាល់ » ( « The Book of Mormon: What Would Your Life Be Like without It? » Liahona ខែ វិច្ឆិកា ឆ្នាំ ២០១៧ ទំព័រ ៦២–៦៣ ) ។
បុព្វកថានៃព្រះគម្ពីរមរមន; « ទីបន្ទាល់នៃពួកសាក្សីបីនាក់ »; « ទីបន្ទាល់នៃពួកសាក្សីប្រាំបីនាក់ »
![]()
រូបភាពរូបតំណាងថ្នាក់សិក្ខាសាលា
ព្រះវិញ្ញាណបរិសុទ្ធអាចថ្លែងទីបន្ទាល់ដល់បងប្អូនថា ព្រះគម្ពីរមរមនគឺពិត ទោះបីជាបងប្អូនពុំធ្លាប់បានឃើញផ្ទាំងចំណារមាស ដូចជាពួកសាក្សីបីនាក់ និងពួកសាក្សីប្រាំបីនាក់បានឃើញក្ដី ។ នៅពេលបងប្អូនអានពាក្យរបស់ពួកលោក សូមគិតអំពីរបៀបដែលទីបន្ទាល់របស់ពួកលោកពង្រឹងដល់ទីបន្ទាល់របស់បងប្អូន ។
តើអ្វីខ្លះដែលបំផុសគំនិតបងប្អូនអំពីរបៀបដែលសាក្សីទាំងនេះបានចែកចាយទីបន្ទាល់របស់ពួកលោកអំពីព្រះគម្ពីរមរមន ? សូមសញ្ជឹងគិតពីរបៀបដែលបងប្អូនអាចចែកចាយទីបន្ទាល់របស់បងប្អូនអំពីព្រះគម្ពីរមរមន—ជាពិសេសសាក្សីនៃព្រះគម្ពីរអំពីព្រះយេស៊ូវគ្រីស្ទ ។ ឧទាហរណ៍ សូមស្រមៃថាបងប្អូនកំពុងនិយាយជាមួយមិត្តម្នាក់ដែលមិនធ្លាប់បានឮអំពីព្រះគម្ពីរមរមនពីមុនមក ។ តើបងប្អូននឹងប្រាប់គាត់ ឬនាងអំពីអ្វីខ្លះ ? តើបងប្អូននឹងព្យាយាមបំផុសគំនិតមិត្តភក្តិរបស់បងប្អូនឲ្យអានព្រះគម្ពីរដោយរបៀបណា ? សូមពិចារណារំឭក បុព្វកថានៃព្រះគម្ពីរមរមន ឡើងវិញ ។ បងប្អូនអាចរកឃើញសេចក្តីលម្អិតនៅទីនោះ ដែលអាចនឹងមានប្រយោជន៍ក្នុងការចែកចាយជាមួយមិត្តភក្តិរបស់បងប្អូន ។ វីដេអូខាងក្រោមក៏អាចផ្តល់ឲ្យបងប្អូននូវគំនិតខ្លះៗផងដែរ ៖
សូមពិចារណាធ្វើបញ្ជីពីអ្វីដែលបងប្អូននឹងចែកចាយជាមួយមិត្តអំពីព្រះគម្ពីរមរមន ។ សូមសាកល្បងចែកចាយព្រះគម្ពីរមរមន ដោយប្រើកម្មវិធី ព្រះគម្ពីរមរមន ។
សូមមើលផងដែរ រ៉ូណល អេ រ៉ាសបាន « ថ្ងៃនេះ » លីអាហូណា ខែ វិច្ឆិកា ឆ្នាំ ២០២២ ទំព័រ ២៥–២៨; Gospel Topics « Book of Mormon » នៅលើបណ្ណាល័យដំណឹងល្អ, « ទេវតាមកពីស្ថានលើ » ទំនុកតម្កើង ល.រ. ៩ ។
ពួកសាក្សីបីនាក់បានថ្លែងទីបន្ទាល់អំពីព្រះគម្ពីរមរមន ។
« ទីបន្ទាល់នៃព្យាការីយ៉ូសែប ស្ម៊ីធ »
ការលេចចេញមកនៃព្រះគម្ពីរមរមនគឺជាអព្ភូតហេតុមួយ ។
បើមាននរណាម្នាក់សួរបងប្អូនថា តើព្រះគម្ពីរមរមនចេញមកពីណា តើបងប្អូននឹងនិយាយយ៉ាងណា ? តើបងប្អូននឹងពិពណ៌នាអំពីការចូលរួមរបស់ព្រះនៅក្នុងការប្រទានឲ្យយើងនូវព្រះគម្ពីរមរមនដោយរបៀបណា ? នៅពេលដែលបងប្អូនអានពីទីបន្ទាល់របស់ យ៉ូសែប ស្ម៊ីធ សូមយកចិត្តទុកដាក់ទៅលើរបៀបដែលលោកបានពិពណ៌នាអំពីព្រះគម្ពីរមរមន ។ ដោយផ្អែកលើអ្វីដែលបងប្អូនបានអាន តើបងប្អូនគិតថា ព្រះមានព្រះទ័យយ៉ាងណាអំពីសារៈសំខាន់នៃព្រះគម្ពីរមរមន ?
សូមមើល អូលីសេស សូរ៉េស « The Coming Forth of the Book of Mormon » Liahona ខែ ឧសភា ឆ្នាំ ២០២០ ទំព័រ ៣២–៣៥; ពួកបរិសុទ្ធ វ៉ុល ១ បទដ្ឋាននៃសេចក្តីពិត ទំព័រ ២១–៣០; Gospel Topics Essays « Book of Mormon Translation » នៅលើបណ្ណាល័យដំណឹងល្អ ។
ដើម្បីទទួលបានគំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
ទំព័រចំណងជើងនៃព្រះគម្ពីរមរមន
ការអានព្រះគម្ពីរមរមនជួយខ្ញុំឲ្យមានសេចក្តីជំនឿលើព្រះយេស៊ូវគ្រីស្ទ ។
-
សូមឲ្យកូនៗរបស់បងប្អូនមើល ហើយកាន់ព្រះគម្ពីរមរមន ។ សូមជួយពួកគេឲ្យចង្អុលទៅកាន់ចំណងជើងរង សក្ខីបទមួយទៀតអំពីព្រះយេស៊ូវគ្រីស្ទ ។ បងប្អូនក៏អាចជួយពួកគេឲ្យរកមើលនៅលើទំព័រចំណងជើងនូវឃ្លា « ព្រះយេស៊ូវគឺជាព្រះគ្រីស្ទ ជាព្រះដ៏នៅអស់កល្បជានិច្ច ដែលបានសម្ដែងរូបអង្គទ្រង់ដល់គ្រប់ទាំងសាសន៍ » បានផងដែរ ។ សូមជួយពួកគេឲ្យយល់ថា ឃ្លានេះមានន័យថា ព្រះគម្ពីរមរមនបង្រៀនយើងអំពីព្រះយេស៊ូវគ្រីស្ទ ។ សូមប្រាប់ពួកគេដោយសង្ខេបអំពីរបៀបដែលព្រះគម្ពីរមរមនបានពង្រឹងសេចក្ដីជំនឿរបស់បងប្អូនលើព្រះយេស៊ូវគ្រីស្ទ ។ បងប្អូនក៏អាចសួរពួកគេអំពីដំណើររឿងនៃព្រះគម្ពីរមរមនដែលពួកគេចូលចិត្តផងដែរ ។ ការច្រៀងបទ « រឿងនិទានក្នុងគម្ពីរមរមន » ( សៀវភៅចម្រៀងកុមារ ទំព័រ ៦២–៦៣ ) អាចរំឭកពួកគេពីដំណើររឿងទាំងនេះបាន ។
ព្រះគម្ពីរមរមនគឺជាមូលដ្ឋាននៃសាសនារបស់យើង ។
-
ទំព័រសកម្មភាពក្នុងសប្តាហ៍នេះ និងរូបភាពខាងក្រោមអាចជួយកូនៗរបស់បងប្អូនឲ្យយល់ពីពាក្យទាំងនេះរបស់ យ៉ូសែប ស្ម៊ីធ នៅក្នុង បុព្វកថានៃព្រះគម្ពីរមរមន បាន ៖ « ព្រះគម្ពីរមរនមន [ គឺជា ] …មូលដ្ឋាននៃសាសនារបស់យើង » ។ វាក៏អាចជាការសប្បាយផងដែរក្នុងការសង់ ឬគូររូបកំណោងមួយដែលមានសិលាគ្រឹះមូលដ្ឋាននៅផ្នែកខាងលើ ។ តើមានអ្វីនឹងកើតឡើង បើសិលាគ្រឹះមូលដ្ឋានត្រូវបានដកចេញនោះ ? តើនឹងមានរឿងអ្វីកើតឡើង បើយើងពុំមានព្រះគម្ពីរមរមនទេនោះ ? បងប្អូនអាចអានជាមួយគ្នានូវកថាខណ្ឌចុងក្រោយនៃបុព្វកថា ដើម្បីរកមើលអ្វីផ្សេងទៀតដែលយើងរៀន នៅពេលយើងទទួលយកសេចក្តីពិតនៃព្រះគម្ពីរមរមន ។ តើយើងអាចធ្វើឲ្យព្រះគម្ពីរមរមនជាមូលដ្ឋាននៃសេចក្ដីជំនឿរបស់យើងទៅលើព្រះយេស៊ូវគ្រីស្ទបានយ៉ាងដូចម្ដេច ?
ព្រះគម្ពីរមរមនគឺជាមូលដ្ឋាននៃសាសនារបស់យើង ។
« ទីបន្ទាល់នៃពួកសាក្សីបីនាក់ », « ទីបន្ទាល់នៃពួកសាក្សីប្រាំបីនាក់ »
ខ្ញុំអាចធ្វើជាសាក្សីម្នាក់នៃព្រះគម្ពីរមរមនបាន ។
-
ដើម្បីជួយកូនៗរបស់បងប្អូនឲ្យយល់ពីអត្ថន័យនៃការធ្វើជាសាក្សី នោះបងប្អូនអាចពណ៌នាឲ្យពួកគេនូវអ្វីដែលបងប្អូនបានឃើញ ដែលពួកគេមិនបានឃើញ ។ បន្ទាប់មក សូមអនុញ្ញាតឲ្យពួកគេធ្វើដូចគ្នាសម្រាប់បងប្អូន ។ ការណ៍នេះអាចនាំឲ្យមានការសន្ទនាអំពីមនុស្ស ១១ នាក់ ដែលបានឃើញផ្ទាំងមាសដែលបានបកប្រែជាព្រះគម្ពីរមរមន ។ នៅពេលបងប្អូនអានទីបន្ទាល់ជាមួយគ្នា បងប្អូនអាចនិយាយអំពីមូលហេតុដែលសាក្សីទាំងនេះចង់ឲ្យមនុស្សផ្សេងទៀតដឹងអំពីទីបន្ទាល់របស់ពួកលោក ។ តើយើងចង់ប្រាប់នរណាអំពីព្រះគម្ពីរមរមន ?
« ទីបន្ទាល់នៃព្យាការីយ៉ូសែប ស្ម៊ីធ »
ព្រះគម្ពីរមរមនត្រូវបានប្រទានឲ្យពួកយើងដោយព្រះចេស្ដានៃព្រះ ។
-
ដើម្បីជួយកូនៗរបស់បងប្អូនឲ្យរៀនពីរបៀបដែលព្រះបានប្រទានព្រះគម្ពីរមរមនដល់យើង នោះបងប្អូនអាចអានផ្នែកខ្លះៗនៃ « ទីបន្ទាល់នៃព្យាការីយ៉ូសែប ស្ម៊ីធ » ឲ្យពួកគេស្ដាប់ ។ បងប្អូនក៏អាចប្រើ « ជំពូកទី ១ ៖ របៀបយើងទទួលបានព្រះគម្ពីរមរមន » ( នៅក្នុង ដំណើររឿងព្រះគម្ពីរមរមន ទំព័រ ២–៤ ) ។ កូនៗរបស់បងប្អូនក៏អាចរីករាយនឹងការសម្ដែងរឿងពីរបីដងផងដែរ ។
ដើម្បីទទួលបានគំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។
មរ៉ូណៃប្រគល់ផ្ទាំងចំណារមាស ដោយ ហ្គែរី អិល ខាប