« ថ្ងៃទី ១៥–២១ ខែ មករា ៖ ‹ មកទទួលទានផ្លែឈើនោះផង › ។ នីហ្វៃទី ១ ៦–១០ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរមរមន ឆ្នាំ ២០២៤ ( ឆ្នាំ ២០២៣ )
« ថ្ងៃទី ១៥–២១ ខែ មករា ។ នីហ្វៃទី ១ ៦–១០ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៤ ( ឆ្នាំ ២០២៣ )
Lehi’s Dream [ សុបិនរបស់លីហៃ ] ដោយ ស្ទីវិន ឡយដ៏ នៀល
ថ្ងៃទី ១៥–២១ ខែ មករា ៖ « មកទទួលទានផ្លែឈើនោះផង »
នីហ្វៃទី ១ ៦–១០
សុបិនរបស់លីហៃ—មានដំបងដែក អ័ព្ទនៃសេចក្ដីងងឹត អគារធំទូលាយ និងដើមឈើ ដែលមានផ្លែ « ផ្អែមបំផុត »—គឺជាការអញ្ជើញដ៏បំផុសគំនិតឲ្យមកទទួលពរជ័យនៃសេចក្ដីស្រឡាញ់ និងពលិកម្មដ៏ធួនរបស់ព្រះអង្គសង្គ្រោះ ។ ទោះជាយ៉ាងណាក៏ដោយសម្រាប់លីហៃ ការនិមិត្តនេះក៏បានថ្លែងអំពីគ្រួសាររបស់លោកផងដែរ ៖ « ដោយសារការណ៍ដែលឪពុកបានឃើញ គឺជាហេតុដែលនាំឲ្យឪពុកមានសេចក្ដីត្រេកអររីករាយក្នុងព្រះអម្ចាស់ពីព្រោះតែនីហ្វៃ ហើយព្រមទាំងសាំផងដែរ ។… ប៉ុន្តែមើលចុះ លេមិន និងលេមយួល ឪពុកភ័យខ្លាចជាខ្លាំង ពីព្រោះតែកូន » ( នីហ្វៃទី ១ ៨:៣–៤ ) ។ នៅពេលលីហៃបញ្ចប់ការពិពណ៌នាអំពីការនិមិត្តរបស់លោក លោកបានសូមអង្វរឲ្យលេមិន និងលេមយួល « ប្រុងស្ដាប់តាមពាក្យទាំងឡាយរបស់លោក ក្រែងព្រះអម្ចាស់ទ្រង់នឹងមេត្តាករុណាដល់ពួកគេ » ( នីហ្វៃទី ១ ៨:៣៧ ) ។ ទោះជាបងប្អូនបានសិក្សាការនិមិត្តរបស់លីហៃជាច្រើនដងហើយក្ដី ក៏នៅពេលនេះ សូមគិតអំពីការនិមិត្តនេះតាមរបៀបដែលលីហៃបានគិត—គឺគិតអំពីមនុស្សម្នាក់ដែលបងប្អូនស្រឡាញ់ ។ នៅពេលបងប្អូនធ្វើដូច្នោះ សុវត្ថិភាពរបស់ដំបងដែក ភាពគ្រោះថ្នាក់នៃអគារដ៏ធំទូលាយ និងភាពផ្អែមរបស់ផ្លែឈើនោះ នឹងមានអត្ថន័យថ្មី ។ ហើយបងប្អូននឹងយល់បានកាន់តែស៊ីជម្រៅអំពី « អស់ទាំងអារម្មណ៍របស់មេបា [ ដ៏ ] ទន់ភ្លន់ » ដែលបានទទួលការនិមិត្តដ៏អស្ចារ្យនេះ ។
គំនិតសម្រាប់ការរៀនសូត្រនៅឯគេហដ្ឋាន និងសាសនាចក្រ
ខ្ញុំអាចអត់ទោសឲ្យមនុស្សដទៃបាន ។
តើអ្វីដែលធ្វើឲ្យបងប្អូនចាប់អារម្មណ៍ចំពោះគំរូរបស់នីហ្វៃ នៅក្នុង នីហ្វៃទី ១ ៧:៦–២១ ? តើយើងមានពរយ៉ាងណា នៅពេលយើង « បានអភ័យទោសដោយស្មោះអស់ពីចិត្ត » ដល់គ្នាទៅវិញទៅមក ? វីដេអូ « The Lord Delivers Nephi from His Rebellious Brothers »( បណ្ណាល័យដំណឹងល្អ ) អាចមានប្រយោជន៍ដល់ការសិក្សារបស់បងប្អូន ។
ការប្រកាន់ខ្ជាប់ទៅនឹងព្រះបន្ទូលនៃព្រះដឹកនាំខ្ញុំទៅរកព្រះអង្គសង្គ្រោះ ហើយជួយខ្ញុំឲ្យទទួលបានអារម្មណ៍នៃសេចក្ដីស្រឡាញ់របស់ទ្រង់ ។
ការនិមិត្តរបស់លីហៃផ្ដល់នូវការអញ្ជើញមួយដើម្បីឲ្យគិតពិចារណាអំពីចំណុចរបស់បងប្អូននៅក្នុងដំណើរផ្ទាល់ខ្លួនរបស់បងប្អូន ដើម្បីប្រែក្លាយដូចជាព្រះគ្រីស្ទ ។ ប្រធាន ប៊យដ៍ ឃេ ផាកកឺ បានមានប្រសាសន៍ថា « បងប្អូននៅក្នុងការធ្វើដំណើរនេះ យើងទាំងអស់គ្នានៅក្នុងការធ្វើដំណើរនេះ ។ សុបិនរបស់លីហៃ ឬការនិមិត្តរបស់លីហៃអំពីដំបងដែក មាននូវអ្វីគ្រប់យ៉ាង … ដែលពួកបរិសុទ្ធថ្ងៃចុងក្រោយ ចាំបាច់ត្រូវយល់ដឹងអំពីការសាកល្បងនៃជីវិត » ( « Lehi’s Dream and You » New Era ខែ មករា ឆ្នាំ ២០១៥ ទំព័រ ២ ) ។
នៅពេលបងប្អូនសិក្សា សូមពិចារណាបំពេញតារាងមួយដូចតារាងមួយនេះ ។
|
និមិត្តរូបមកពីការនិមិត្តរបស់លីហៃ |
អត្ថន័យ |
សំណួរត្រិះរិះ |
|---|---|---|
និមិត្តរូបមកពីការនិមិត្តរបស់លីហៃ ដើមឈើ និងផ្លែរបស់វា ( នីហ្វៃទី ១ ៨:១០–១២ ) | អត្ថន័យ | សំណួរត្រិះរិះ តើខ្ញុំកំពុងធ្វើអ្វីខ្លះដើម្បីអញ្ជើញអ្នកដទៃឲ្យទទួលបាននូវសេចក្ដីស្រឡាញ់របស់ព្រះ ? |
និមិត្តរូបមកពីការនិមិត្តរបស់លីហៃ ទន្លេ ( នីហ្វៃទី ១ ៨:១៣ ) | អត្ថន័យ | សំណួរត្រិះរិះ |
និមិត្តរូបមកពីការនិមិត្តរបស់លីហៃ ដំបងដែក ( នីហ្វៃទី ១ ៨:១៩–២០,៣០ ) | អត្ថន័យ | សំណួរត្រិះរិះ |
និមិត្តរូបមកពីការនិមិត្តរបស់លីហៃ អ័ព្ទនៃសេចក្ដីងងឹត ( នីហ្វៃទី ១ ៨:២៣ ) | អត្ថន័យ | សំណួរត្រិះរិះ |
និមិត្តរូបមកពីការនិមិត្តរបស់លីហៃ អគារដ៏ធំ ហើយទូលាយ ( នីហ្វៃទី ១ ៨:២៦–២៧,៣៣ ) | អត្ថន័យ | សំណួរត្រិះរិះ |
បងប្អូនក៏អាចស្វែងរកខគម្ពីរខាងក្រោមនេះបានផងដែរ ដើម្បីសិក្សាអំពីមនុស្សបួនក្រុមដែលលីហៃបានឃើញ ៖ នីហ្វៃទី ១ ៨:២១–២៣, ២៤–២៨, ៣០ និង ៣១–៣៣ ។ តើបងប្អូនមានសម្គាល់ឃើញពីភាពខុសគ្នាអ្វីខ្លះរវាងក្រុមទាំងនេះដែរឬទេ ? ហេតុអ្វីបានជាមនុស្សខ្លះបានចាកចេញទៅវិញ បន្ទាប់ពីទៅដល់ដើមឈើនោះ ហើយភ្លក់រសជាតិផ្លែឈើនោះ ( សូមមើល ខទី ២៤–២៨ ) ? តើបងប្អូនរៀនអ្វីខ្លះមកពីបទពិសោធន៍នេះ ?
សូមមើលផងដែរ ខេវីន ដបុលយូ ភៀរសិន « Stay by the Tree » Liahona ខែ ឧសភា ឆ្នាំ ២០១៥ ទំព័រ ១១៤–១៦; « លីហៃឃើញការនិមិត្តអំពីដើមឈើនៃជីវិត ( វីដេអូ ) បណ្ណាល័យដំណឹងល្អ ។
សម្រាប់បទពិសោធន៍អន្តរកម្មដើម្បីជួយអ្នកឲ្យរៀនអំពីការនិមិត្តរបស់លីហៃ សូមចុចទីនេះ ។
សូមអនុញ្ញាតឲ្យអ្នកសិក្សាចែកចាយការរកឃើញនានារបស់ពួកគេផ្ទាល់ ។ សូមពិចារណាអញ្ជើញសិស្សឲ្យរៀនស្វែងយល់អំពីព្រះគម្ពីរដោយខ្លួនពួកគេផ្ទាល់សម្រាប់សេចក្ដីពិតដែលពួកគេរកឃើញ ។ ជាឧទាហរណ៍ បងប្អូនអាចអញ្ជើញពួកគេឲ្យស្វែងរកឯកសារយោងបទគម្ពីរនៅក្នុងតារាងខាងលើដោយខ្លួនឯង ឬជាក្រុមតូចៗ ។ ពួកគេនឹងចងចាំ ហើយស្រឡាញ់សេចក្តីពិតដែលពួកគេរកឃើញ ។
Common Thread [ ចរិតលក្ខណៈទូទៅ ] ដោយ ខេលស៊ី និង ចេស៊ី បារិត
ពួកព្យាការីពីបុរាណបានដឹងអំពីបេសកកម្មរបស់ព្រះយេស៊ូវគ្រីស្ទ ហើយបានថ្លែងទីបន្ទាល់អំពីទ្រង់ ។
ហេតុអ្វីបងប្អូនគិតថា ព្រះអម្ចាស់ចង់ឲ្យគ្រួសាររបស់លីហៃ—និងយើងទាំងអស់គ្នា—ស្គាល់សេចក្តីពិតដែលមាននៅក្នុង នីហ្វៃទី ១ ១០:២–១៦ ? សូមពិចារណាអំពីរបៀបដែលបងប្អូនអាចជួយមនុស្សជាទីស្រឡាញ់របស់បងប្អូនឲ្យយាងអញ្ជើញព្រះអង្គសង្គ្រោះមកក្នុងជីវិតរបស់ពួកគេ ។
![]()
រូបភាពរូបតំណាងថ្នាក់សិក្ខាសាលា
តើបងប្អូនឆ្លើយតបដោយរបៀបណា នៅពេលបងប្អូនត្រូវបានសុំឲ្យរស់នៅតាមគោលការណ៍នៃដំណឹងល្អដែលបងប្អូនមិនយល់នោះ ? នៅក្នុងខគម្ពីរខាងក្រោម សូមសម្គាល់ពីភាពខុសគ្នារវាងការឆ្លើយតបរបស់នីហ្វៃចំពោះការនិមិត្តរបស់លីហៃ ( សូមមើល នីហ្វៃទី ១ ១០:១៧–១៩; ១១:១ ) និងការឆ្លើយតបរបស់លេមិន និងលេមយួល ( សូមមើល នីហ្វៃទី ១ ១៥:១–១០ ) ។ តើនីហ្វៃយល់អំពីសេចក្តីពិតអ្វីខ្លះ ដែលបានដឹកនាំលោកឲ្យឆ្លើយតបដូចដែលលោកបានធ្វើនេះ ?
ដោយមានគំរូរបស់នីហ្វៃនៅក្នុងចិត្ត សូមធ្វើបញ្ជីមួយអំពីគោលការណ៍នៃដំណឹងល្អដែលបងប្អូនចង់យល់ឲ្យកាន់តែច្បាស់ថែមទៀត ។ តើបងប្អូនអាចធ្វើអ្វីខ្លះដើម្បីស្វែងរកចម្លើយសម្រាប់ខ្លួនឯងផ្ទាល់ ? ( សូមមើលផងដែរ « សេចក្តីពិតនឹងធ្វើឲ្យអ្នកមានសេរីភាព » នៅក្នុង ដើម្បីកម្លាំងនៃយុវជន ៖ សេចក្តីណែនាំសម្រាប់ធ្វើការជ្រើសរើស ទំព័រ ៣០–៣៣ ) ។
ដូចដែលនីហ្វៃបានដឹងដោយខ្លួនរបស់លោកផ្ទាល់ថា ពាក្យសម្តីរបស់ឪពុកលោកគឺពិត យើងក៏អាចធ្វើដូចគ្នានេះផងដែរ ពេលយើងឮពាក្យសម្តីរបស់ពួកព្យាការី និងពួកសាវកសម័យទំនើបនេះ ។ តើពួកព្យាការី និងពួកសាវកបង្រៀនយើងអ្វីខ្លះនៅក្នុងសន្និសីទទូទៅថ្មីៗបំផុតនេះ ? តើបងប្អូនបានទទួលសាក្សីផ្ទាល់ខ្លួនអំពីអ្វីដែលពួកលោកបានបង្រៀនដោយរបៀបណា ?
សូមមើលផងដែរ នីហ្វៃទី ១ ២:១១–១៩; គោលលទ្ធិ និងសេចក្តីសញ្ញា ៨:១–៣; « ស្វែងរក គិត អធិស្ឋាន » សៀវភៅចម្រៀងកុមារ ទំព័រ ៦៦, Gospel Topics « Revelation » បណ្ណាល័យដំណឹងល្អ ។
សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
ការប្រកាន់ខ្ជាប់ទៅនឹងព្រះបន្ទូលនៃព្រះដឹកនាំខ្ញុំទៅរកទ្រង់ ហើយជួយខ្ញុំឲ្យទទួលបានអារម្មណ៍នៃសេចក្ដីស្រឡាញ់របស់ទ្រង់ ។
-
កូនៗរបស់បងប្អូនអាចនឹងចូលចិត្តគូររូបអំពីការនិមិត្តរបស់លីហៃ នៅពេលបងប្អូនអាន នីហ្វៃទី ១ ៨ ជាមួយគ្នា ។ សូមឲ្យពួកគេចែកចាយរូបភាពរបស់ពួកគេ ហើយជួយពួកគេឲ្យស្វែងរកអ្វីដែលនិមិត្តរូបនៅក្នុងសុបិននោះតំណាងឲ្យ ( សូមមើល នីហ្វៃទី ១ ១១:២១–២២; ១២:១៦–១៨; ១៥:២៣–៣៣, ៣៦ និង ទំព័រសកម្មភាពសប្តាហ៍នេះ ) ។ សូមឲ្យពួកគេចែកចាយចម្លើយឲ្យបានច្រើនតាមដែលពួកគេអាចធ្វើបានចំពោះសំណួរនេះ ៖ តើយើងរៀនអ្វីខ្លះអំពីការនិមិត្តរបស់លីហៃ ?
-
តើបងប្អូនមានអ្វីមួយដែលអាចតំណាងឲ្យដំបងដែកនៅក្នុងការនិមិត្តរបស់លីហៃ ដូចជាបំពង់ ឬដំបងដែរឬទេ ? សូមឲ្យកូនៗរបស់បងប្អូនកាន់វា នៅពេលបងប្អូននាំពួកគេដើរជុំវិញបន្ទប់ទៅកាន់រូបភាពរបស់ព្រះអង្គសង្គ្រោះ ។ ហេតុអ្វីបានជាដំបងដែកមានសារៈសំខាន់នៅក្នុងការនិមិត្តរបស់លីហៃ ? ( សូមមើល នីហ្វៃទី ១ ៨:២០, ២៤, ៣០ ) ។ តើដំបងដែកប្រៀបដូចជាព្រះបន្ទូលនៃព្រះដោយរបៀបណា ?
-
សូមអញ្ជើញកូនៗរបស់បងប្អូនមួយចំនួនឲ្យអាន នីហ្វៃទី ១ ៨:១០–១២ ហើយពិពណ៌នាអំពីអ្វីដែលលីហៃបានឃើញ ។ សូមឲ្យកូនៗដទៃទៀតអាន នីហ្វៃទី ១ ១១:២០–២៣ ហើយពិពណ៌នាអំពីអ្វីដែលនីហ្វៃបានឃើញ ។ តើហេតុអ្វីបានជាទេវតាបង្ហាញព្រះឱរសយេស៊ូវទៅកាន់នីហ្វៃ ដើម្បីបង្រៀនលោកអំពីសេចក្តីស្រឡាញ់របស់ព្រះទៅវិញ ? សូមនិយាយជាមួយកូនៗរបស់បងប្អូនអំពីរបៀបដែលពួកគេមានអារម្មណ៍នៃសេចក្តីស្រឡាញ់របស់ព្រះនៅក្នុងជីវិតរបស់ពួកគេ ។ បទចម្រៀងដូចជា « ខ្ញុំស្គាល់ក្ដីស្នេហ៍ព្រះសង្គ្រោះ » ( សៀវភៅចម្រៀងកុមារ ទំព័រ ៤២–៤៣ ) អាចជួយពួកគេឲ្យគិតអំពីគំរូនានាបាន ។
ព្រះនឹងបើកសម្ដែងសេចក្ដីពិតដល់ខ្ញុំដោយព្រះចេស្ដានៃព្រះវិញ្ញាណបរិសុទ្ធ ។
-
តើបងប្អូនអាចជួយកូនៗរបស់បងប្អូនឲ្យយល់អំពីអ្វីដែលនីហ្វៃបានបង្រៀននៅក្នុង នីហ្វៃទី ១ ១០:១៩ ដោយរបៀបណា ? ប្រហែលជាបងប្អូនអាចបត់រូបភាពរបស់ព្រះអង្គសង្គ្រោះ ឬវត្ថុពិសេសមួយទៀតនៅក្នុងភួយ ហើយអញ្ជើញកូនៗរបស់បងប្អូនឲ្យលាភួយនោះ ។ កាលបងប្អូនអាន នីហ្វៃទី ១ ១០:១៩ ពួកគេអាចលើកដៃពួកគេឡើង នៅពេលពួកគេឮពាក្យ « បើកបង្ហាញ » និង « ព្រះវិញ្ញាណបរិសុទ្ធ » ។ បន្ទាប់មក បងប្អូនអាចចែកចាយបទពិសោធន៍មួយ នៅពេលដែលព្រះវិញ្ញាណបរិសុទ្ធបានជួយបងប្អូនឲ្យរកឃើញសេចក្តីពិត ។
-
សូមស្នើសុំឲ្យកូនៗរបស់បងប្អូននិយាយអំពីអ្វីដែលពួកគេធ្វើដើម្បីស្វែងរកចម្លើយចំពោះសំណួរមួយ ។ តើនីហ្វៃអាចនិយាយអ្វីខ្លះ ប្រសិនបើនរណាម្នាក់សួរលោកអំពីរបៀបស្វែងរកចម្លើយចំពោះសំណួរអំពីដំណឹងល្អ ? សូមលើកទឹកចិត្តកូនៗឲ្យស្វែងយល់ដោយការអាន នីហ្វៃទី ១ ១០:១៧–១៩; ១១:១ ។
-
តើកូនៗរបស់បងប្អូនធ្លាប់មានអារម្មណ៍ថា ព្រះវិញ្ញាណបរិសុទ្ធបានជួយពួកគេឲ្យដឹងថាមានអ្វីមួយពិតដែរឬទេ ? សូមឲ្យពួកគេចែកចាយបទពិសោធន៍របស់ពួកគេ ។ តើយើងនឹងនិយាយអ្វីទៅកាន់មិត្តភក្តិដែលគិតថា ពួកគេមិនអាចទទួលបានចម្លើយតាមរយៈព្រះវិញ្ញាណបរិសុទ្ធនោះ ? តើយើងរកឃើញអ្វីនៅក្នុង នីហ្វៃទី ១ ១០:១៧–១៩ និង ១១:១ ដែលអាចជួយដល់មិត្តភក្តិរូបនេះបាន ?
ដើម្បីទទួលបានគំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។
The Tree of Life [ ដើមជីវិត ] ដោយ អាវ៉ុន អូកឃឺសុន