Disyembre 24

Si Jesukristo Natawo ug Gipresentar sa Templo

“Iyang gianak ang iyang panganay nga usa ka lalaki, ug kini iyang giputos sa mga bakbak ug gipahigda sa pasongan” (Lucas 2:7).

Si Jesus natawo aron mahimong Manluluwas sa kalibotan. Si Maria ug si Jose nangadto sa Betlehem. Halayo sa naghuot nga balay abotanan, si Maria nanganak kang Jesus sa usa ka kuwadra. Ang mga anghel nagpakita sa mga magbalantay sa karnero, kinsa miadto aron sa pagtan-aw sa masuso nga si Jesus. Human mibiya ang mga magbalantay sa karnero aron isulti sa tanan ang ilang nakita ug nadungog, “gitipigan ni Maria kining tanan sa iyang kasingkasing ug namalandong siya pag-ayo” (Lucas 2:19).

“Ang Batang Kristo”

Si Simeon dugay na nga naghulat sa Mesiyas, ug sa kataposan nakadawat siya og personal nga pag-aghat nga ang adlaw miabot na. Gisunod ang pag-aghat ngadto sa templo, si Simeon napanalanginan og personal nga kasinatian sa Mesiyas nga dugay na niyang gipangita.

Si Ana migahin sa kadaghanan sa iyang panahon sa sulod sa templo. Usa niana ka adlaw, si Ana adunay talagsaon ug personal nga kasinatian kauban ang Manluluwas.

Mga Kasulatan ug mga Pangutana

• Lucas 2:1–38

  Unsay imong gibati o nakat-onan samtang ikaw nagbasa sa istorya sa Pasko?

  Unsa sa imong hunahuna ang gipakigbahin sa mga indibidwal kinsa nakakita sa masuso nga si Jesus (sama sa mga magbalantay sa karnero, si Simeon, ug si Ana) ngadto sa uban mahitungod sa ilang kaugalingong mga kasinatian? Unsay imong gibati nga nadasig sa pagsulti sa mga tawo mahitungod Kaniya?

Irekord ang imong mga impresyon.

Awit

“What Child Is This?,” Hymns—For Home and Church, no. 1203

Kalihokan alang sa mga Bata

Gamita ang mga ginunting sa talan-awon sa pagkatawo ni Jesus aron makahimo ka sa imong kaugalingon nga talan-awon sa pagkatawo ni Jesus. Mahimo usab nimong gamiton ang usa ka giandam nga tamdanan [script] sa dula aron isaysay ang istorya sa Pagkatawo o gamiton ang imong imahinasyon sa paghimo sa imong kaugalingon nga tamdanan.

Mga Ideya sa Pagserbisyo

• Pag-ampo alang sa tawo nga isulti gayod ang ngalan niya.

• Tawagi ang tawo nga imong gikamingawan.

• Gaksa ang usa ka higala.