Mahitungod sa Plano sa Pagtuon atol sa Pasko

“Kay alang kaninyo natawo karon sa lungsod ni David ang Manluluwas, nga mao ang Kristo nga Ginoo” (Lucas 2:11).

Kini nga plano sa pagtuon naglakip sa inadlaw nga mga debosyonal nga motabang nimo nga masinati ang gugma, hingpit nga kalipay, ug kalinaw nga gidala sa kalibotan sa pagkatawo ni Jesus. Naglakip kini sa mga kasulatan ug mga pangutana, mga awit, mga kalihokan alang sa mga bata, ug mga ideya sa pagserbisyo.

Kini nga plano makadugang sa imong regular nga pagtuon sa Dali, Sunod Kanako o laing mga kapanguhaan sa Pasko nga lagmit imong gamiton. Mahimo nimong gamiton kini nga plano sa pagtuon aron sa pagkat-on mahitungod sa kabalaan ni Jesukristo, pagpakigbahin o pagrekord sa imong mga impresyon, pagkonektar sa uban, pagtabang sa imong komunidad, ug pagsugod og bag-ong mga tradisyon sa Pasko.

Aron makadiskobre og dugang nga mga ideya aron makatabang nimo, sa imong pamilya, ug sa imong mga higala nga malingaw sa panahon sa Pasko, bisitaha ang Christmas.ChurchofJesusChrist.org.