“Ang Ginoo Naghimo sa usa ka Gabii nga Walay Kangitngit sa Amerika,” Plano sa Pagtuon atol sa Pasko (2024)
“Ang Ginoo Naghimo sa usa ka Gabii nga Walay Kangitngit sa Amerika,” Plano sa Pagtuon atol sa Pasko
Disyembre 23
Ang Ginoo Naghimo sa usa ka Gabii nga Walay Kangitngit sa Amerika
“Ihangad ang imong ulo ug pagmaya; kay tan-awa, ang panahon duol na, … ug pagkaugma moabot ako diha sa kalibotan” (3 Nephi 1:13).
“Ang istorya sa kasulatan mahitungod ni Jesukristo,” si Presidente Russell M. Nelson mitudlo, “sa pagkatinuod usa ka istorya nga nahitabo sa duha ka mga lugar. Samtang sila si Maria ug Jose diha sa Silangan nga nangandam alang sa pagkatawo sa balaan nga bata didto sa Betlehem, si Nephi sa didto sa Kasadpan gitudloan sa wala pa matawo nga Mesiyas. Ngadto kang Nephi ang Ginoo miingon, ‘Pagmaya; … pagkaugma moabot ako diha sa kalibotan, aron ipakita sa kalibotan nga ako motuman sa tanan nga akong gisugo nga ipamulong pinaagi sa ba-ba sa akong balaan nga mga propeta.’ [3 Nephi 1:13].”
Sa imong pagpamalandong sa pagkatawo ni Kristo, hunahunaa ang panagtapok sa langitnong mga ilhanan ug yutan-ong mga saksi nga nagpamatuod nga si Jesus natawo aron sa pagluwas.
Mga Kasulatan ug mga Pangutana
-
Kini nga mga bersikulo naghulagway unsay nahitabo sa Amerika sa bisperas sa pagkatawo ni Jesukristo sa Betlehem. Samtang imong basahon kini, hunahunaa ang imong kaugalingon nga kauban sa mga tumutuo nianang sagrado nga gabii. Unsa kaha ang imong gibati o gihunahuna o nahimo?
-
Unsa ang gidugang niini nga panghitabo sa Basahon ni Mormon sa imong pagsabot ni Jesukristo ug sa Iyang misyon?
“Nephi Prays and Signs of Christ’s Birth Appear”
Irekord ang imong mga impresyon.
Awit
“Star Bright,” Hymns—For Home and Church, no. 1204
Kalihokan alang sa mga Bata
Mga Ideya sa Pagserbisyo
-
Maglakaw uban sa usa ka higala.
-
Pagboluntaryo diha sa inyong lokal nga librarya.
-
Limpyohi ang mga sagbot sa inyong komunidad.