Disyembre 21

Si Elisabet Nagsabak ni Juan, ug si Zacarias Nagpamatuod

“Mag-una siya sa … espiritu ug gahom… andamon niya ang katawhan alang sa Ginoo” (Lucas 1:17).

Si Elisabet ug ang iyang bana, si Zacarias, “nagkinabuhi nga matarong ug dalaygon sa atubangan sa Dios, ug nagtuman gayod sa tanang sugo ug balaod sa Ginoo” (Lucas 1:6). Apan, bisan pa sa ilang pagkamatarong, wala sila makabaton og mga anak. Unsaon nimo pagpakita og hugot nga pagtuo sa mga saad sa Dios bisan og wala nimo masinati ang mga panalangin nga imong gilaoman?

Mga Kasulatan ug mga Pangutana

• Lucas 1:5–25, 67–80

  Itandi ang mga pulong ni Zacarias sa wala pa siya makasulti ug human niya mabalik ang iyang pagsulti. Unsay nakat-onan ni Zacarias? Unsa ang imong makat-onan gikan sa kasinatian ni Zacarias?

• Lucas 1:39–66

  Human si Maria nasayod nga siya mahimo nga inahan sa Anak Sa Dios, mibisita siya sa iyang ig-agaw nga si Elisabet, kinsa nakasinati usab og milagroso nga pagmabdos. Giunsa ni Maria ug Elisabet sa pagsuportahay sa usag-usa? Hunahunaa kon sa unsang paagi nga ikaw, imong mga higala, o imong pamilya nagsuportahay sa usag usa.

“Si Maria ug Si Elisabet Parehong Nagmaya”

Irekord ang imong mga impresyon.

Awit

“Kalipay sa Kalibotan,” Mga Himno, nu. 120.

Kalihokan alang sa mga Bata

Diha nga si Elisabet ug si Maria naghulat nga matawo si Juan Bautista ug si Jesus, nagtinabangay sila sa usag usa. Mobarog nga mag-alirong. Pag-itsa-itsa og bola o kinumot nga pirasong papel ngadto sa usa ka tawo diha sa sirkulo. Kon ang tawo makakuha sa bola, sila mosinggit sa usa ka kalidad sa usa ka maayong higala (sama sa buotan, makalingaw, o mahunahunaon).

Mga Ideya sa Pagserbisyo

• Sultihi ang usa ka gihigugma nga mahinungdanon sila diha kanimo.

• Bisitaha ang usa ka tigulang na nga silingan.

• Dapita ang uban sa pagsaulog sa Pasko.