“Usa ka Anghel Nagpakita ngadto ni Maria ug ni Jose,” Plano sa Pagtuon atol sa Pasko (2024)
“Usa ka Anghel Nagpakita ngadto ni Maria ug ni Jose,” Plano sa Pagtuon atol sa Pasko
Disyembre 20
Usa ka Anghel Nagpakita ngadto ni Maria ug ni Jose
“Tan-awa, ako ulipon sa Ginoo. Matuman unta kanako kanang imong giingon”(Lucas 1:38).
Si Maria mapainubsanon ug adunay dakong pagtuo sa pagdawat sa iyang tahas sa plano sa Dios sa kaluwasan isip inahan sa Anak sa Dios. Si Presidente Jeffrey R. Holland nakabantay nga, Ang “[iyang] kaisog ug tataw nga pagtuo sama ka dalaygon sa bisan unsa nga narekord sukad sa kasulatan.” Sa samang paagi, si Jose usa ka tawo nga may integridad ug mapaubsanon ug balaanong gitudlo sa pagsuporta ni Maria ug sa pagpadako sa Manluluwas sa kalibotan uban kaniya [ni Maria].
Mga Kasulatan ug mga Pangutana
-
Lucas 1:26–38
Unsa ang nakapadani nimo sa mga tubag ni Maria ngadto sa anghel? Unsa nga ebidensiya ang imong nakita sa iyang kaisog ug hugot nga pagtuo?
“Usa ka Anghel Nanagna sa Pagkatawo ni Kristo ngadto ni Maria”
-
Mateo 1:18–25
Samtang nagbasa ka bahin sa kasinatian ni Jose, hunahunaa ngano kaha nga gipili niya nga makigbulag sa hilom ni Maria kaysa diha sa atubangan sa mga tawo (“pagpakigbulag kaniya sa hilom” [Mateo 1:19]). Unsa ang gitudlo niini kanimo mahitungod sa kinaiya ni Jose? Unsa pay imong nakat-onan mahitungod kaniya gikan sa iyang tubag sa mensahe sa anghel?
Irekord ang imong mga impresyon.
Awit
“Pag-adto ni Jose sa Bethlehem,” Songbook sa mga Bata, 22
Kalihokan alang sa mga Bata
Ang anghel nga si Gabriel misulti kang Maria ug Jose nga si Maria manganak kang Jesukristo, ug ang anghel mihupay kanila. Mahimo kitang mga anghel alang sa uban pinaagi sa pagtabang kanila nga mobati sa gugma sa Dios! Paggunting og mga piraso sa papel. Sa matag piraso sa papel pagsulat og mensahe sa gugma, ug ipakigbahin kini sa usa ka higala o sakop sa pamilya.
Mga Ideya sa Pagserbisyo
-
Pag-text og usa ka tawo nga ikaw mapasalamaton.
-
Pagmabination sa imong kaugalingon. Ipraktis ang pag-atiman sa panginahanglan sa imong kaugalingon.
-
Tabangi ang usa ka tawo sa pagsiksik sa ilang family history.