Disyembre 19

Gipanagna sa mga Propeta ang Pagkatawo ni Jesus

“Natawo alang kanato ang usa ka bata, gihatag kanato ang usa ka anak nga lalaki” (Isaias 9:6).

Ang mga propeta nagpamatuod sa plano sa Dios sa kaluwasan aron sila makatabang sa pagtukod sa hugot nga pagtuo sa uban. Si Presidente Russell M. Nelson miingon, “[Ang pagkatawo ni Jesukristo] nakita nang daan sa mga propeta sukad sa mga adlaw nila ni Adan [ug Eva].” Pagtuon sa mga pagpamatuod sa mga propeta sa Dios kinsa nakakita ug gipanagna ang pagkatawo ni Jesukristo.

Mga Kasulatan ug mga Pangutana

• Isaias 9:6–7

  Gipanagna ni Isaias ang mahitungod sa pagkatawo ni Jesukristo atol sa dakong kasamok ug walay kasegurohan para sa katawhan sa Juda. Sa unsa kahang paagi ang mga pulong ni Isaias nakahatag og paglaom sa katawhan?

• 1 Nephi 11:13–23

  Si Nephi, usa sa mga unang propeta diha sa Basahon ni Mormon, gipakita sa pagkatawo sa Manluluwas pinaagi sa usa ka anghel. Sa imong hunahuna, unsa kaha ang gusto sa anghel nga masabtan ni Nephi mahitungod kang Jesukristo?

• Mosiah 3:5–10

  Si Hari Benjamin mao ang laing propeta sa Basahon ni Mormon kinsa nahibalo gikan sa usa ka anghel mahitungod sa pag-anhi sa Manluluwas. Timan-i ang mga ngalan, mga titulo, ug mga pulong nga gigamit sa anghel sa pagtudlo mahitungod ni Kristo ug sa Iyang misyon. Unsa nga mga pulong ang ingon ka mahinungdanon kanimo ug ngano?

• Helaman 14:1–13

  Si Samuel ang Lamanita, kinsa nabuhi sa wala pa ang pagkatawo ni Kristo, misulti sa talagsaong mga timailhan sa langit nga makita sa adlaw nga ang Anak sa Dios matawo. Pangitaa kini niini nga mga bersikulo ug palandonga kon unsa kaha ang gisimbolo niini nga mga timailhan. Unsa ang gitudlo niini kanimo mahitungod ni Jesukristo?

“Si Samuel ang Lamanita Nanagna bahin ni Jesukristo”

Irekord ang imong mga impresyon.

Awit

“Samuel Tells of the Baby Jesus,” Children’s Songbook, 36

Kalihokan alang sa mga Bata

Mga Ideya sa Pagserbisyo

• Dapita ang imong silingan ngadto sa tulumanon sa pagsimba.

• Pangutana og kauban sa trabaho kon unsaon nimo nga mapagaan ang ilang palas-anon.

• Panaygon kauban ang usa ka grupo.

Mubo nga mga Sulat

1. Russell M. Nelson, “Upat ka Gasa nga Gitanyag ni Jesukristo Kaninyo” (Debosyonal sa Pasko sa Unang Kapangulohan Dis. 2, 2018), Librarya sa Ebanghelyo.