Disyembre 22

Mga Anghel Nagpahibalo sa Pagkatawo ni Jesus ngadto sa mga Magbalantay sa Karnero

“Kay alang kaninyo natawo karon sa lungsod ni David ang Manluluwas nga mao ang Kristo nga Ginoo” (Lucas 2:11).

Ang pahibalo sa anghel ngadto sa mga magbalantay sa karnero maoy usa ka balaanong deklarasyon nga ang pagkatawo sa Manluluwas usa ka rason sa pagsaulog! Gipulihan niini ang kahadlok og hingpit nga kalipay, himaya, kalinaw, ug maayong kabubut-on. Ang anghel miingon niining maayong balita “sa tanang katawhan” (Lucas 2:10), mao nga ang mga magbalantay sa karnero “[kini] gisugilon nila” (bersikulo 17).

Si Elder Neil L. Andersen nakapaniid nga: “Unsa kaha ang kahupay ug kasegurohan nga gibati ni Jose ug ni Maria samtang sila nakaamgo nga adunay katuyoan sa kalisdanan nga naglibot nila. Ang mga anghel namahayag sa Iyang pag-anhi ug sa Iyang halangdon nga misyon.” Samtang ang mapainubsanon nga mga magbalantay sa karnero misimba sa pasongan, ilang gidugang ang ilang pagsaksi ngadto ni Maria ug ni Jose nga kini nga bata Anak sa Dios ug usa ka balaanong plano ang galihok.

Mga Kasulatan ug mga Pangutana

• Lucas 2:8–20

  Unsa nga mga pulong ug mga hugpong sa mga pulong ang mipatigbabaw samtang nagtuon ka sa mensahe sa mga anghel ngadto sa mga magbalantay sa karnero?

  Unsa ang maayong balita nga gihatag sa Dios kanimo nga gusto nimo nga ipakigbahin?

“Mga Magbalantay sa Karnero Nakahibalo sa Pagkatawo ni Kristo”

Irekord ang imong mga impresyon.

Awit

“Sa Layo nga Patag sa Judea,” Mga Himno, no. 127

Kalihokan alang sa mga Bata

Mga Ideya sa Pagserbisyo

• Tabangi ang usa ka gihigugma sa paglimpyo sa ilang panimalay.

• Pagbilin og usa ka gasa sa atubangan sa pultahan sa silingan.

• Paghimo og lista sa musika sa Pasko ug ipakigbahin kini ngadto sa usa ka higala.

Mubo nga mga Sulat

1. Neil L. Andersen, “Alang sa mga Matarong, ang Pasko Nagpasabot nga Mamaayo Ra ang Tanan” (Debosyonal sa Pasko sa Unang Kapangulohan, Dis. 4, 2022), Librarya sa Ebanghelyo.