« ទំព័របុព្វកថានៃព្រះគម្ពីរមរមន ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ទំព័របុព្វកថានៃព្រះគម្ពីរមរមន ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ទំព័របុព្វកថានៃព្រះគម្ពីរមរមន
ទិដ្ឋភាពទូទៅ
យ៉ូសែប ស្ម៊ីធ បានហៅព្រះគម្ពីរមរមនថាជាមូលដ្ឋាននៃសាសនារបស់យើង ។ ព្រះគម្ពីរនេះបានចេញមក « ដោយអំណោយទាន និងអំណាចនៃព្រះ » ( គោលលទ្ធិ និង សេចក្តីសញ្ញា ១៣៥:៣ ) និងសាក្សីជាច្រើនបានបញ្ជាក់ពីប្រភពដើមនៃអព្ភូតហេតុរបស់ព្រះគម្ពីរនេះ ។ មេរៀនទាំងនេះអាចជួយអ្នកឲ្យយល់ និងពន្យល់ពីគោលបំណងនៃព្រះគម្ពីរមរមន បង្កើនបំណងប្រាថ្នារបស់អ្នកក្នុងការសិក្សាព្រះគម្ពីរនេះជារៀងរាល់ថ្ងៃ ហើយគិតពិចារណាពីសាក្សីរបស់អ្នកផ្ទាល់អំពីភាពពិតរបស់ព្រះគម្ពីរនេះ ។
រៀបចំខ្លួនដើម្បី បង្រៀន
ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។
ទំព័រចំណងជើង
គោលបំណងនៃមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យយល់ និងពន្យល់ពីគោលបំណងនៃព្រះគម្ពីរមរមន ។
-
ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតអំពីមូលហេតុដែលព្រះគម្ពីរមរមនត្រូវបានគូសបញ្ជាក់ ហើយបានប្រើប្រាស់ជាញឹកញាប់នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
-
មាតិកាដែលត្រូវបង្ហាញ ៖ ឧបករណ៍ ឬរូបភាពនៃឧបករណ៍ដែលសិស្សអាចមិនស្គាល់
-
យោបល់សម្រាប់បង្រៀនតាមសន្និសីទវីដេអូ ៖ សូមពិចារណាពីបំបែកសិស្សដោយប្រើមុខងារបំបែកក្រុម ដើម្បីពិភាក្សាអំពីគោលបំណងនៃព្រះគម្ពីរមរមន ។ សិស្សអាចមានភាពងាយស្រួលក្នុងការចែកចាយជាគូ ឬជាក្រុមតូចៗ ។
បុព្វកថានៃព្រះគម្ពីរមរមន
គោលបំណងនៃមេរៀន ៖ គោលបំណងនៃមេរៀននេះគឺដើម្បីជួយសិស្សឲ្យបង្កើនបំណងប្រាថ្នារបស់ពួកគេក្នុងការសិក្សាព្រះគម្ពីរមរមនជារៀងរាល់ថ្ងៃ ដើម្បីពង្រឹងទីបន្ទាល់របស់ពួកគេអំពីភាពពិតរបស់ព្រះគម្ពីរនេះ ។
-
ការរៀបចំសិស្ស ៖ សូមអញ្ជើញសិស្សឲ្យអាន ឬស្តាប់សុន្ទរកថារបស់អែលឌើរ ហ្គារី អ៊ី ស្ទីវិនសុន « Look to the Book, Look to the Lord » ពីសន្និសីទទូទៅខែ តុលា ឆ្នាំ ២០១៦ ។
-
វីដេអូ ៖ « Book of Mormon Experiment Honolulu » ( ២:៣៥ ) « The Coming Forth of the Book of Mormon » ( ១៧:១២ សូមមើលចាប់ពីនាទីទី ១២:០៣ ដល់ ១៤:១២ )
-
សម្ភារដែលត្រូវរៀបចំ ៖ ទំព័រចម្លងពីព្រះគម្ពីរមរមនសម្រាប់សិស្សម្នាក់ៗ
-
យោបល់សម្រាប់ការបង្រៀនតាមសន្និសីទវីដេអូ ៖ សូមអញ្ជើញសិស្សដែលស្ម័គ្រចិត្តឲ្យចែកចាយពីរបៀបដែលពួកគេបានគូសចំណាំសេចក្ដីយោងទៅកាន់ព្រះអង្គសង្គ្រោះនៅលើទំព័រព្រះគម្ពីរមរមនរបស់ពួកគេ ។ ពួកគេអាចលើកខគម្ពីររបស់ពួកគេឡើង ឬចែកចាយរូបថតអេក្រង់ ប្រសិនបើប្រើព្រះគម្ពីរឌីជីថល ។ ពួកគេក៏អាចចែកចាយក្នុងឈែតអំពីព្រះនាមរបស់ព្រះអង្គសង្គ្រោះ ឬខគម្ពីរដែលពួកគេចាប់អារម្មណ៍ផងដែរ ។
ទីបន្ទាល់របស់យ៉ូសែប ស្ម៊ីធ អំពីព្រះគម្ពីរមរមន
គោលបំណងនៃមេរៀន ៖ មេរៀននេះអាចជួយសិស្សយល់កាន់តែច្បាស់ និងពន្យល់ពីរបៀបដែលព្រះគម្ពីរមរមនបានចេញមក « ដោយអំណោយទាន និងអំណាចនៃព្រះ » ( គោលលទ្ធិ និងសេចក្តីសញ្ញា ១៣៥:៣ ) ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយរៀបចំដើម្បីចែកចាយអ្វីដែលពួកគេដឹងអំពីការចេញមកនៃព្រះគម្ពីរមរមន និងសំណួរអ្វីខ្លះដែលពួកគេមានអំពីព្រះគម្ពីរមរមន ។
-
មាតិកាដែលត្រូវបង្ហាញ ៖ រូបភាពនៅដើមមេរៀន ( រូបភាពទាំងនេះអាចបង្ហាញនៅក្នុងថ្នាក់រៀន ឬអាចបោះពុម្ពច្បាប់ចម្លង និងចែកចាយដល់សិស្សដើម្បីរៀបចំតាមលំដាប់លំដោយ ) ។
-
វីដេអូ ៖ « Days of Harmony » ( ២៥:០១ សូមមើលពីនាទីទី ៥:៤៤ ដល់ ៩:២៤ )
-
យោបល់សម្រាប់ការបង្រៀនតាមសន្និសីទវីដេអូ ៖ មេរៀននេះផ្តល់ឱកាសជាច្រើនដើម្បីធ្វើសកម្មភាពតាមអនឡាញ ។ ឧទាហរណ៍ សូមពិចារណាបង្កើតកម្រងសំណួរតាមអនឡាញដោយប្រើរូបភាពពីមេរៀននេះ ហើយអញ្ជើញសិស្សឲ្យឆ្លើយសំណួរក្នុងថ្នាក់ ។ វាក៏អាចមានប្រយោជន៍ផងដែរក្នុងការប្រើការស្ទង់មតិលើអនាមិកតាមអនឡាញ ដើម្បីអនុញ្ញាតឲ្យសិស្សបញ្ជូនសំណួររបស់ពួកគេអំពីការបកប្រែព្រះគម្ពីរមរមន ។
ទីបន្ទាល់របស់ សាក្សីបីនាក់ និង សាក្សីប្រាំបីនាក់
គោលបំណងនៃមេរៀន៖ មេរៀននេះអាចជួយសិស្សឲ្យយល់ពីសារៈសំខាន់នៃសាក្សីជាច្រើននៃព្រះគម្ពីរមរមន ហើយសញ្ជឹងគិតអំពីសាក្សីផ្ទាល់ខ្លួនរបស់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យមករៀនដោយរៀបចំដើម្បីចែកចាយបទពិសោធន៍ដែលបានជួយពួកគេ ឬអ្នកដទៃឲ្យដឹងថាព្រះគម្ពីរមរមនគឺមកពីព្រះ ។
-
វីដេអូ ៖ « A Day for the Eternities » ( ២៣:០៩ សូមមើលពីនាទីទី ១៥:០០ ដល់ ១៨:៣៧ )
-
សំណៅចែក ៖ « ទីបន្ទាល់នៃពួកសាក្សីបីនាក់ និងសាក្សីប្រាំបីនាក់ »
-
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាអញ្ជើញសិស្សពីរបីនាក់ឲ្យនាំសមាជិកគ្រួសារ ឬមិត្តភក្តិមកចូលរួមថ្នាក់រៀនតាមអនឡាញ ដើម្បីចែកចាយសាក្សីរបស់ពួកគាត់អំពីព្រះយេស៊ូវគ្រីស្ទ និងព្រះគម្ពីរមរមន ។ បុគ្គលទាំងនេះអាចចែកចាយសាក្សីរបស់ពួកគាត់មុនពេលបញ្ចប់មេរៀន នៅពេលដែលសិស្សត្រូវបានអញ្ជើញឲ្យសរសេរសាក្សីផ្ទាល់របស់ពួកគេ ។
ការទទួលបានចំណេះដឹងខាងវិញ្ញាណ ភាគ ២
គោលបំណងនៃមេរៀន ៖ មេរៀននេះអាចជួយសិស្សពិនិត្យមើលគោលគំនិត និងសំណួរដោយទស្សនវិស័យដ៏អស់កល្បជានិច្ចមួយ ហើយគិតពីគោលគំនិត និងសំណួរទាំងនេះកាន់តែដូចព្រះអង្គសង្គ្រោះព្រះតម្រិះ ។
-
ការរៀបចំសិស្ស ៖ សូមអញ្ជើញសិស្សឲ្យថ្លែងអំណរគុណដល់ព្រះវរបិតាសួគ៌នៅក្នុងការអធិស្ឋានផ្ទាល់ខ្លួនរបស់ពួកគេសម្រាប់ចំណេះដឹងដែលពួកគេមានអំពីផែនការនៃសេចក្តីសង្គ្រោះ ។ សូមពិចារណាអញ្ជើញពួកគេឲ្យទូលសួរទ្រង់ផងដែរអំពីរបៀបដែលពួកគេអាចប្រើចំណេះដឹងនោះឲ្យបានល្អ ។
-
វីដេអូ ៖ « Examining Questions with an Eternal Perspective »( ២:៥៦ )
-
យោបល់សម្រាប់ការបង្រៀនតាមសន្និសីទវីដេអូ ៖ កាលសិស្សមើលវីដេអូ « Examining Questions with an Eternal Perspective » វាអាចមានប្រយោជន៍ក្នុងការផ្អាកនៅចំណុចជាក់លាក់ ដើម្បីអនុញ្ញាតឲ្យពួកគេអនុវត្តកែប្រែសំណួររបស់ អាឌ្រី ឡើងវិញ ។ ឧទាហរណ៍ នៅនាទីទី ១:១២ សូមពិចារណាសួរថា « តើអ្វីអាចជាការសន្មត ឬជំនឿផ្សេងទៀតដែលនាំឲ្យ អាឌ្រី សួរសំណួរនេះ ? » នៅនាទីទី ១:៥៧ សូមពិចារណាសួរថា « តើសេចក្ដីពិតអ្វីខ្លះដែលអ្នកដឹង ដែលអាចដោះស្រាយការសន្មត ឬជំនឿបង្កប់ក្នុងសំណួររបស់ អាឌ្រី ? »