« ទំព័រចំណងជើង ៖ គោលបំណងនៃព្រះគម្ពីរមរមន » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )
« ទំព័រចំណងជើង » ព្រះគម្ពីរមរមន សៀវភៅសិក្សាសម្រាប់គ្រូបង្រៀន
ទំព័របុព្វកថានៃព្រះគម្ពីរមរមន
ទំព័រចំណងជើង
គោលបំណងនៃព្រះគម្ពីរមរមន
ហេតុអ្វីបានជាយើងត្រូវការព្រះគម្ពីរមរមន ប្រសិនបើយើងមានព្រះបន្ទូលរបស់ព្រះនៅក្នុងព្រះគម្ពីរប៊ីបមួយរួចទៅហើយនោះ ? នៅលើ ទំព័រចំណងជើងនៃព្រះគម្ពីរមរមន ព្យាការីមរ៉ូណៃជួយយើងឲ្យយល់ពីមូលហេតុដែលព្រះគម្ពីរមរមនសំខាន់ខ្លាំង ។ មេរៀននេះមានគោលបំណងជួយអ្នកឲ្យយល់ និងពន្យល់ពីគោលបំណងនៃព្រះគម្ពីរមរមន ។
ការអនុវត្តពីគោលបំណងរបស់ថ្នាក់សិក្ខាសាលា និងថ្នាក់វិទ្យាស្ថានរបស់សាសនា។សូមចងចាំថា « គោលបំណងរបស់យើង គឺដើម្បីជួយយុវវ័យ និង មជ្ឈិមវ័យវ័យក្មេងឲ្យយល់ និង ពឹងផ្អែកលើការបង្រៀន និង ដង្វាយធួនរបស់ព្រះយេស៊ូវគ្រីស្ទ ឲ្យមានភាពសក្តិសមសម្រាប់ពរជ័យទាំងឡាយនៃព្រះវិហារបរិសុទ្ធ ហើយរៀបចំខ្លួនពួកគេ ក្រុមគ្រួសារពួកគេ និង អ្នកដទៃទៀត សម្រាប់ជីវិតដ៏នៅអស់កល្បជានិច្ច ជាមួយនឹងព្រះវរបិតារបស់ពួកគេដែលគង់នៅស្ថានសួគ៌ » ( ការបង្រៀន និង ការរៀនសូត្រដំណឹងល្អ ៖ ក្បួនខ្នាតសម្រាប់គ្រូបង្រៀន និង អ្នកដឹកនាំទាំងឡាយនៅក្នុងថ្នាក់សិក្ខាសាលា និង ថ្នាក់វិទ្យាស្ថានសាសនា [ ឆ្នាំ ២០១២ ] ទំព័រ x ) ។
ការរៀបចំសិស្ស ៖ សូមអញ្ជើញសិស្សឲ្យសញ្ជឹងគិតអំពីមូលហេតុដែលព្រះគម្ពីរមរមនត្រូវបានគូសបញ្ជាក់ ហើយបានប្រើប្រាស់ជាញឹកញាប់នៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ។
សកម្មភាពរៀនសូត្រដែលអាចមាន
សារៈសំខាន់នៃការដឹងពីគោលបំណងរបស់អ្វីមួយ
សូមពិចារណាបង្ហាញរូបភាពឧបករណ៍ដែលសិស្សមិនស្គាល់ ឬយកឧបករណ៍បែបនេះមកថ្នាក់រៀនដើម្បីឲ្យសិស្សមើល និងស្ទាប ។ ឧបករណ៍ខាងក្រោមគឺជាឧបករណ៍វាស់រយៈកម្ពស់ដែលប្រើក្នុងសម័យបុរាណសម្រាប់ការរុករក ។
តើអ្នកធ្លាប់ឃើញឧបករណ៍ដូចក្នុងរូបភាពខាងក្រោមដែរឬទេ ? សូមស្រមៃថាត្រូវពន្យល់ពីគោលបំណង និងតម្លៃនៃឧបករណ៍ដែលមិនធ្លាប់ស្គាល់ដល់នរណាម្នាក់ ។
-
ហេតុអ្វីវាជួយឲ្យដឹង និងយល់ពីគោលបំណង ឬតម្លៃនៃអ្វីមួយមុននឹងប្រើប្រាស់វា ឬចែកចាយវាជាមួយអ្នកដទៃ ?
រូបភាពរូបតំណាង ការណែនាំអំពីការបង្រៀនសូមពិចារណាពីការបង្ហាញច្បាប់ចម្លងនៃព្រះគម្ពីរមរមន មុនដល់សំណួរបន្ទាប់ ។
-
តើការណ៍នេះអាចទាក់ទងនឹងការយល់ពីគោលបំណង និងតម្លៃនៃព្រះគម្ពីរមរមនយ៉ាងដូចម្ដេច ?
សូមពិចារណាថាតើអ្នកនឹងមានអារម្មណ៍ជឿជាក់យ៉ាងណាក្នុងការពន្យល់ពីគោលបំណង និងតម្លៃនៃព្រះគម្ពីរមរមនដល់នរណាម្នាក់ដែលមិនមានចំណេះដឹងអំពីព្រះគម្ពីរនេះ ។ កាលអ្នកសិក្សាមេរៀននេះ សូមរកមើលអ្វីដែលជួយអ្នកឲ្យយល់ពីគោលបំណង និងតម្លៃនៃព្រះគម្ពីរមរមន និងរបៀបដែលអ្នកអាចចែកចាយការយល់ដឹងរបស់អ្នកជាមួយអ្នកដទៃ ។
ការយល់ដឹងអំពីគោលបំណង និងតម្លៃរបស់ព្រះគម្ពីរមរមន
សូមពិចារណាសរសេរប្រយោគមិនពេញលេញខាងក្រោមនៅលើក្ដារខៀន ហើយអញ្ជើញសិស្សឲ្យបំពេញប្រយោគជាមួយនឹងអ្វីដែលពួកគេរកឃើញ ។
ព្រះគម្ពីរមរមនត្រូវបានសរសេរសម្រាប់ …
ព្រះគម្ពីរមរមនត្រូវបានសរសេរសម្រាប់ …
ទំព័រចំណងជើងមានពាក្យចុងក្រោយដែលមរ៉ូណៃបានសរសេរនៅលើស្លឹកចុងក្រោយនៃផ្ទាំងចំណារមាស ។ អាន ទំព័រចំណងជើង និង កថាខណ្ឌបីដំបូង ក្នុងបុព្វកថានៃព្រះគម្ពីរមរមន ។ សូមរកមើលរបៀបដើម្បីបំពេញប្រយោគខាងលើ ។ សំណួរខាងក្រោមនេះអាចជួយអ្នកបាន កាលអ្នកធ្វើការណ៍នេះ ។
-
តើព្រះគម្ពីរមរមនបានសរសេរទៅនរណា ?
-
តើព្រះគម្ពីរមរមននិយាយអំពីនរណាខ្លះ ?
-
ហេតុអ្វីព្រះគម្ពីរមរមនត្រូវបានសរសេរឡើង ?
( សម្រាប់ព័ត៌មានបន្ថែម សូមមើល « ការអធិប្បាយដ៏ខ្លីអំពីព្រះគម្ពីរមរមន » នៅក្នុងទំព័រណែនាំ ) ។
អែលឌើរ អូលីសេស សូរ៉េស ក្នុងកូរ៉ុមនៃពួកសាវកដប់ពីរនាក់បាន ថ្លែងទីបន្ទាល់អំពីគោលបំណងនៃព្រះគម្ពីរមរមន ។
ខ្ញុំសូមថ្លែងទីបន្ទាល់ថា ព្រះគម្ពីរមរមនគឺជាឧបករណ៍របស់ព្រះដើម្បីនាំមកនូវការប្រមូលផ្ដុំនៃអ៊ីស្រាអែលនៅក្នុងជំនាន់របស់យើង ហើយជួយមនុស្សឲ្យមកស្គាល់ព្រះរាជបុត្រារបស់ទ្រង់គឺព្រះយេស៊ូវគ្រីស្ទ ។ ( អូលីសេស សូរ៉េស « The Coming Forth of the Book of Mormon » Ensign ឬ Liahona ខែ ឧសភា ឆ្នាំ ២០២០ ទំព័រ ៣៥ )
-
តើអ្នកបានរៀនអ្វីខ្លះពីការសិក្សាផ្ទាល់ខ្លួនរបស់អ្នក និងសេចក្តីថ្លែងការណ៍របស់អែលឌើរ សូរ៉េស អំពីគោលបំណងនៃព្រះគម្ពីរមរមន ?
សេចក្តីពិតមួយដែលអ្នកប្រហែលជាបានរកឃើញនោះគឺ ព្រះគម្ពីរមរមនត្រូវបានសរសេរដើម្បីជួយប្រមូលសាសន៍អ៊ីស្រាអែល ហើយបញ្ចុះបញ្ចូលមនុស្សទាំងអស់ថា ព្រះយេស៊ូវគឺជាព្រះគ្រីស្ទ ។
-
តើមានភស្តុតាងអ្វីខ្លះដែលអ្នកឃើញក្នុង កថាខណ្ឌទីពីរ នៃទំព័រចំណងជើងនេះ ?
សកម្មភាពទាំងពីរខាងក្រោមនេះអាចជួយសិស្សឲ្យយល់កាន់តែច្បាស់អំពីសេចក្តីពិតដ៏ក្លាហានខាងលើ ។ សកម្មភាពទាំងនេះអាចធ្វើតាមរបៀបផ្សេងៗគ្នា ។ អ្នកអាចបង្ហាញសកម្មភាពនីមួយៗដល់សិស្ស ឬផ្តល់ឲ្យពួកគេនូវច្បាប់ចម្លងម្នាក់មួយច្បាស់ ។ សិស្សអាចជ្រើសរើសធ្វើសកម្មភាពមួយក្នុងចំណោមសកម្មភាពទាំងពីរ ហើយបន្ទាប់មកបង្រៀនគ្នាទៅវិញទៅមកពីអ្វីដែលពួកគេបានរៀន ។ ពួកគេក៏អាចធ្វើការជាគូ ឬក្រុមតូចៗ ដើម្បីបំពេញសកម្មភាពទាំងពីរនេះ ។
សកម្មភាព ក ៖ ព្រះគម្ពីរមរមនមានគោលបំណងជួយប្រមូលផ្តុំសាសន៍អ៊ីស្រាអែល
ជាញឹកញាប់ព្រះគម្ពីរមរមនសំដៅទៅលើសេចក្ដីសញ្ញាដែលព្រះអម្ចាស់បានធ្វើដើម្បីប្រមូលសាសន៍អ៊ីស្រាអែល ។ សូមអានសេចក្តីថ្លែងការណ៍ដោយប្រធាន រ័សុល អិម ណិលសុន និងសេចក្តីយោងបទគម្ពីរពីរ ឬបីខាងក្រោម ។
[ នៅក្នុង ] ព្រះគម្ពីរមរមនអ្នកនឹងរៀនពីគោលលទ្ធិនៃការប្រមូលផ្ដុំ សេចក្ដីពិតអំពីព្រះយេស៊ូវគ្រីស្ទ ដង្វាយធួនរបស់ទ្រង់ និងភាពពេញលេញនៃដំណឹងល្អរបស់ទ្រង់ ដែលពុំមាននៅក្នុងព្រះគម្ពីរបរិសុទ្ធ ។ ព្រះគម្ពីរមរមនគឺជាចំណុចសំខាន់ដើម្បីប្រមូលផ្ដុំសាសន៍អ៊ីស្រាអែល ។ តាមពិត ប្រសិនបើគ្មានព្រះគម្ពីរមរមនទេ នោះការប្រមូលផ្ដុំសាសន៍អ៊ីស្រាអែលដែលបានសន្យាទុកក៏មិនកើតមានឡើងដែរ ។ ( រ័សុល អិម ណិលសុន និង វិនឌី ដបុលយូ ណិលសុន « Hope of Israel [ worldwide youth devotional ថ្ងៃទី ៣ ខែ មិថុនា ឆ្នាំ ២០១៨ ] » supplement to the New Era និង Ensign ទំព័រ ១៣ នៅលើគេហទំព័រ ChurchofJesusChrist.org )
-
តើអ្នកគិតថាព្រះគម្ពីរមរមនអាចជួយប្រមូលអ៊ីស្រាអែលដោយរបៀបណា ?
សូមសញ្ជឹងគិតពីរបៀបដែលព្រះគម្ពីរមរមនបានជួយអ្នក ឬអ្នកដទៃទៀតឲ្យប្រមូលផ្តុំទៅកាន់សាសនាចក្រពិតនៃព្រះយេស៊ូវគ្រីស្ទ ។ សូមពិចារណាកត់ត្រាពរជ័យដែលបានមកដោយសារការប្រមូលផ្តុំនេះ ។
-
តើជីវិតរបស់អ្នកនឹងទៅជាយ៉ាងណា ប្រសិនបើគ្មានព្រះគម្ពីរមរមនទេនោះ ?
-
តើអ្នកអាចចែកចាយព្រះគម្ពីរមរមនជាមួយនរណា ?
សកម្មភាព ខ ៖ ព្រះគម្ពីរមរមនមានគោលបំណងដើម្បីបញ្ចុះបញ្ចូលមនុស្សទាំងអស់ថា ព្រះយេស៊ូវគឺជាព្រះគ្រីស្ទ ។
សូមសញ្ជឹងគិតអំពីអ្វីដែលអ្នកដឹងអំពីព្រះយេស៊ូវគ្រីស្ទ និងរបៀបដែលព្រះគម្ពីរមរមនបានជះឥទ្ធិពលដល់ទំនាក់ទំនងរបស់អ្នកជាមួយទ្រង់ ។ បន្ទាប់មក សូមចំណាយពេលបន្តិចដើម្បីសរសេរបទគម្ពីរពីរ ឬបីពីព្រះគម្ពីរមរមន ដែលបង្រៀនអ្នកអំពីព្រះយេស៊ូវគ្រីស្ទ ។ ប្រសិនបើអ្នកត្រូវការជំនួយ សូមមើល « Jesus Christ » នៅក្នុងលិបិក្រមនៃបណ្តុំព្រះគម្ពីរ ឬនៅព្រះគម្ពីរមរមន ។
-
តើខគម្ពីរទាំងនេះជួយអ្នកយល់អ្វីខ្លះអំពីព្រះយេស៊ូវគ្រីស្ទ ?
សកម្មភាពខាងក្រោមអាចត្រូវបានកែសម្រួលសម្រាប់សិស្សដើម្បីសម្តែងជាគូៗ ឬជាក្រុមតូចៗ ។
សូមស្រមៃថាបាននិយាយជាមួយមិត្តភក្ដិដែលមិនស្គាល់ព្រះគម្ពីរមរមន ឬមិនមានអារម្មណ៍ថាវាមានប្រយោជន៍ណាស់ណាទេ ។ តើអ្នកអាចចែកចាយអ្វីខ្លះជាមួយបុគ្គលនេះអំពីព្រះគម្ពីរមរមន និងគោលបំណងរបស់វា ? សូមពិចារណាបញ្ជូលបទពិសោធន៍ផ្ទាល់ខ្លួន ឃ្លាពីទំព័រចំណងជើង និងបុព្វកថា ឬឯកសារយោងណាមួយមកពីព្រះគម្ពីរមរមន ដែលអ្នកមានអារម្មណ៍ថាអាចមានប្រយោជន៍ ។
សូមពិចារណាបញ្ចប់ដោយទីបន្ទាល់ផ្ទាល់ខ្លួនអំពីគោលបំណង និងតម្លៃនៃព្រះគម្ពីរមរមន ។ សិស្សក៏អាចចែកចាយទីបន្ទាល់ ឬអារម្មណ៍របស់ពួកគេអំពីការសិក្សាពីអតីតកាល និងអនាគតរបស់ពួកគេអំពីកំណត់ត្រាដ៏ពិសិដ្ឋនេះផងដែរ ។