Pepa e tufa atu 7: Savali i Faiaoga Faalelotu o le Ofisa o Aoga a le Ekalesia
“Pepa e Tufa Atu 7: Savali i Faiaoga Faalelotu o le Ofisa o Aoga a le Ekalesia,” Taliina o A‘u Fesili o le Talalelei Anomea a le Faiaoga (2022)
“Savali i Faiaoga Faalelotu o le Ofisa o Aoga a le Ekalesia,” Taliina o A‘u Fesili o le Talalelei Anomea a le Faiaoga
Pepa e tufa atu 7
Savali i Faiaoga Faalelotu o le Ofisa o Aoga a le Ekalesia
Pepa e tufa atu 7: Savali i Faiaoga Faalelotu o le Ofisa o Aoga a le Ekalesia
Taliina o A‘u Fesili o le Talalelei—Pepa e Tufa Atu
Na faasoa mai Peresitene M. Russell Ballard o le Korama a Aposetolo e Toasefululua:
Ata
Peresitene M. Russell Ballard
I se fonotaga faaleaoaoga a le Au Pulega Aoao, sa saunoa mai Peresitene Gordon B. Hinckley (1910–2008) e faatatau i le aoao atu o le mataupu faavae o le Ekalesia: “E le mafai ona tatou soona faaeteete. E tatau ona tatou matauina tatou te le o o ese mai [le ala]“ [fonotaga faaleaoaoga a le Au Pulega Aoao, Aai o Sate Leki, Sete. 29, 1992]. …
Ao agai atu i luma ia aoaoga a le Ekalesia i le seneturi lona 21, ua tatau ia tatou faiaoga ona mafaufau i soo se suiga e manaomia ona faia i le ala latou te saunia ai e aoao atu, le ala o latou aoao atu ai, ma mea o latou aoao atu pe afai o le a latou fausia se faatuatua le maluelue i olaga o a tatou talavou faapelepele.
Ua mou atu na aso lea pe a fai mai ai e se tamaitiiti aoga se fesili faamaoni ae tali atu se faiaoga, “Aua le popole i ai!” … Ua uma na aso sa puipuia ai tagata aoga mai tagata sa osofaia le Ekalesia.
O le mea e lelei ai, ua tuuina mai e le Alii lenei fautuaga taua ma le faatapulaaina i faiaoga “Ma talu ai ona ua le maua e tagata uma le faatuatua, ia outou saili ma le filiga ma aoao i le tasi upu o le poto; ioe, ia outou saili mai totonu o tusi sili ona lelei upu o le poto; saili i le aoaoina, e ala lava lea i le suesue ma le faatuatua foi” [Mataupu Faavae ma Feagaiga 88:118].
E matuai faatatau lava lenei mea i lenei vaitaimi aua e le o a tatou tagata aoga uma ua maua le faatuatua lea e manaomia e fetaiai ai ma luitau o i luma atu ma ona o le toatele o i latou ua leva ona aafia e ala i le initoneti i malosiaga leaga o se lalolagi ua faateleina tulaga faalelalolagi lea e tetee atu ai i le faatuatua, aiga, ma tulaga faatonuina o le talalelei. Ua faateleina le oo atu o le initoneti i le salafa o le lalolagi i le toeitiiti lava i totonu o aiga uma ma i lima ma mafaufau o a tatou tagata aoga. …
Na matauina e Peresitene Harold B. Lee (1899–1973):
“Matou te faamanatu ia te outou o le mauaina o le malamalama e ala i le faatuatua e le o se auala faigofie i le aoaoina. E manaomia ai se taumafaiga malosi ma se taumafaiga faifai pea e ala i le faatuatua” [Harold B. Lee, i le Clyde J. Williams, ed., The Teachings of Harold B. Lee (1996), 331]. …
O le malamalama e ala i le faatuatua o le a fatuina ai se molimau mama, ma ua i ai i se molimau mama le mana e suia ai olaga. (“By Study and by Faith,” Ensign, Tes. 2016, 22–23)
Fesili mo Talanoaga
Aisea e taua tele ai ona tumau le ogatusa o a tatou talanoaga ma aoaoga faavae autu ma mataupu faavae o le Ekalesia?
E mafai faapefea ona faavaivaia le faatuatua pe a tatou aloese pe tuu i autafa ni fesili faigata e fesili mai ai isi ia i tatou?