Aoaoga laiti 2

Auala e Avea ai ma se Tagata Aoao Ola Tutoatasi

Faamatalatala

Faaali atu le saunoaga lenei a Elder David A. Bednar o le Korama a Aposetolo e Toasefululua.

Elder David A. Bednar

I le avea ai o i tatou ma ni tagata aoao, e tatau ia te oe ma a’u ona galulue e faatino ma avea ma e anaana i le upu ae le na ona faalogologo ma seiloga e tau faatonu. (David A. Bednar, “Seek Learning by Faith,” Liahona, Sete. 2007, 64)

Ituaiga

Filifili se tasi o fuaitau nei e faitau, pe matamata le vitio “A Teacher,” o loo faaalia ai Peresitene Howard W. Hunter. Ona talanoa lea pe faapefea e le fuaitau po o le vitio ona faapupula mai ai le mataupu faavae o le avea ma se tagata aoao ola tutoatasi.

• Eteru 2:22–25; 3:1, 4–6 (Ua ole atu le uso o Iareto i le Alii mo se auala e faamalamalama ai vaa.)

• Mataupu Faavae ma Feagaiga 9:7–9 (Ua iloa e Oliva Kaotui le mafuaaga na le mafai ai ona ia faaliliuina le Tusi a Mamona.)

• “A Teacher” (2:56) (Ua faasoa mai e Peresitene Hunter se tala e faapupula mai ai le mana o le avea ma se tagata aoao ola tutoatasi.)

Faaaoga

Ina ia fesoasoani i tagata aoga e faaaoga le uiga o le avea ma se tagata aoao ola tutoatasi, aemaise lava pe a feagai ma se faafitauli faigata, faasoa atu le ata faataitai lenei:

Sa iloa e Sara i luga o ala o faasalalauga faaleagafesootai se mea le mautonu e uiga i le talafaasolopito o le Ekalesia. Sa ia fesili atu i nisi o ana uo e uiga i ai. Ina ua uma ona faalogo i a latou tali, ua atili ai ona le mautonu o ia.

Fai atu i tagata aoga e galulue ma se paga po o ni vaega toalaiti ma talanoaina mea e mafai ona fai e Sara e avea ai ma se tagata aoao e sili atu le ola tutoatasi.

Faaiu i le fai atu i se tagata aoga se toatasi pe toalua e faasoa mai mea sa latou aoaoina mai lenei gaoioiga o le faaaogaina.