Aoaoga laiti 8: Auala e Valaaulia ai Isi e Faatino i le Faatuatua Pe a Latou Tauivi ma Fesili Faigata po o Masalosaloga
“Aoaoga laiti 8: Auala e Valaaulia ai Isi e Faatino i le Faatuatua Pe a Latou Tauivi ma Fesili Faigata po o Masalosaloga,” Taliina o A‘u Fesili o le Talalelei Anomea a le Faiaoga (2022)
“Auala e Valaaulia ai Isi e Faatino i le Faatuatua Pe a Latou Tauivi ma Fesili Faigata po o Masalosaloga,” Taliina o A‘u Fesili o le Talalelei Anomea a le Faiaoga
Aoaoga laiti 8
Auala e Valaaulia ai Isi e Faatino i le Faatuatua Pe a Latou Tauivi ma Fesili Faigata po o Masalosaloga
Faamatalatala
Fesoasoani i tagata aoga ia iloa pe mafai faapefea ona latou fesoasoani i isi ia maua tali i a latou fesili o le talalelei. Faaali atu ma faitau le saunoaga lenei a Peresitene Dieter F. Uchtdorf na ia faasoa mai a o auauna ai i le Au Peresitene Sili:
Ata
Peresitene Dieter F. Uchtdorf
O se mea masani le i ai o fesili—o sina fatu itiiti o le fesili faamaoni ua tele lava ina tupu ae ma avea ma se laau mafalā o le malamalama. O loo i ai ni nai tagata o le Ekalesia o e, po o le a lava le taimi, e lei tauivi lava ma ni fesili matuia pe maaleale. O se tasi o faamoemoega o le Ekalesia o le faafailele lea ma atiae le fatu o le faatuatua—e oo lava i nisi o taimi i eleele matutu o le masalosalo ma le le mautonu. (Dieter F. Uchtdorf, “Sau, Auai Faatasi ma i Matou,” Ensign po o le Liahona, Nov. 2013, 23)
Saunia le pepa tufa atu lenei mo tagata aoga.
Auala e Fesoasoani ai i Isi i a Latou Fesili o le Talalelei
Taliina o A‘u Fesili o le Talalelei—Aoaoga laiti 8: Auala e Valaaulia ai Isi e Faatino i le Faatuatua Pe a Latou Tauivi ma Fesili Faigata po o Masalosaloga
Faalogo ma se loto malamalama, ma agaalofa.
Valaaulia tagata aoga e galulue i le faatuatua e ala i le sailia o le fesoasoani mai le Tama Faalelagi e ala i le tatalo ma le usiusitai i poloaiga.
Valaaulia isi e suesue i tusitusiga paia, fautuaga faaperofeta, ma isi punaoa faagaeetia, e aofia ai tusiga i Autu i luga o le ChurchofJesusChrist.org.
Uunaia isi e manatua aafiaga na latou oo i ai ina ua latou lagonaina le Agaga Paia ma ia pipii mau i le upumoni na latou lagonaina ma aoaoina seia oo mai ni malamalamaaga faaopoopo.
Faaali atu le faataitaiga o le vitio lenei o se tasi sa i ai se fesili ma sa valaaulia e aoao atili: “Mauaina o le Malamalama Faaleagaga: Tala a Madison” (8:35). Fai i le vasega e vaavaai mo auala na valaaulia ai Madison e faatino i le faatuatua ma vaavaai mo taunuuga. A uma ona faaali le vitio, valaaulia tagata aoga e faasoa atu mea sa latou matauina.
Faaaoga
Valaaulia tagata aoga e galulue ma se paga mo lenei gaoioiga. Fai atu ia i latou e faaaoga mataupu faavae o loo i le pepa e tufa atu “Auala e Fesoasoani ai i Isi ia Latou Fesili o le Talalelei” e faatino pe faapefea ona latou fesoasoani ia Sini i le ata faataitai o loo mulimuli mai. (Faamanatu i tagata aoga e taulai atu i le faataitaia o le auala e fesoasoani ai i isi ina ia mafai ona latou maua tali i a latou lava fesili nai lo le tuuina atu o tali atoatoa mo i latou.)
Sa auai Sini i le Ekalesia i le tasi le tausaga talu ai. Sa tonu ia te ia e papatiso aua sa ia lagonaina se molimau malosi e moni le Tusi a Mamona. Talu ai nei lava, sa maluelue ai lona faatuatua ona o ana fesili e uiga i le mafuaaga e le faauuina ai tamaitai i tofi o le perisitua i le Ekalesia. Ua ia lagona ua faailoga tagata le Ekalesia i tamaitai.
A uma lenei gaoioiga, tuu atu i tagata aoga se avanoa e faasoa mai ai mea sa latou aoaoina a o latou faataitaia.
