Aoaoga laiti 3: Auala e Iloilo ai le Faatuatuaina o Punavai
“Aoaoga laiti 3: Auala e Iloilo ai le Faatuatuaina o Punavai,” Taliina o A‘u Fesili o le Talalelei Anomea a le Faiaoga (2022)
“Auala e Iloilo ai le Faatuatuaina o Punavai,” Taliina o A‘u Fesili o le Talalelei Anomea a le Faiaoga
Aoaoga laiti 3
Auala e Iloilo ai le Faatuatuaina o Punavai
Faamatalatala
Faaali atu le saunoaga lenei mai ia Peresitene Dallin H. Oaks o le Au Peresitene Sili:
Ata
Peresitene Dallin H. Oaks
O loo tatou ola i se taimi o faamatalaga o fesootaiga ua matua faateteleina. Ae e le o faamatalaga uma nei e moni. E tatau ona tatou faaeteete a o tatou sailia le upumoni ma filifili ni punavai mo lena sailiga. (Dallin H. Oaks, “Upumoni ma le Fuafuaga,” Ensign po o le Liahona, Nov. 2018, 25)
Ituaiga
Tuu atu i tagata aoga le pepa e tufa atu lenei, ma talanoa pe mafai faapefea e nei fesili ona fesoasoani ia i tatou e faailoa ai punavai faatuatuaina.
Fesili mo le Iloiloga o Punavai
Taliina o A‘u Fesili o le Talalelei—Aoaoga laiti 3: Auala e Iloilo ai le Faatuatuaina o Punavai
O a agavaa, faamoemoega, ma ni faapitoau o ono i ai o le tusitala?
Na aoao mai Peresitene Dallin H. Oaks o le Au Peresitene Sili e tatau ona tatou “faaeteete e uiga i uunaiga a le tagata o loo aumaia le faamatalaga. … O a tatou faaiuga faaletagata lava ia e tatau ona fua i faamatalaga mai punavai ua agavaa i le mataupu ma saoloto mai mea sese e mafai ona tupu mai uunaiga faaloloto” (Dallin H. Oaks, “Upumoni ma le Fuafuaga,” Ensign po o le Liahona, Nov. 2018, 25).
O Ie a le vavalalata o le tusitala i mea na tutupu o loo faamatalaina?
A faamatala e se punavai se mea mai le talafaasolopito o le Ekalesia, ia fesili ifo ia te oe lava, o le a le mamao o le aluese mai o le punavai mai le mea na tupu o loo talanoaina. O tala e faavae i faamatalaga a tagata na faalogo i faamatalaga a isi tagata e masani lava ona tau le faatuatuaina.
Pe o ‘alo ma le loto i ai le tusitala i faamaoniga o loo i ai ina ia taufaasese ai?
O ni isi o tusitala latou te aveesea ma le loto i ai ia mea moni taua ma le amanaia faamaoniga taua e lagolago ai o latou manatu faaalia faapitoa.
Pe o tuuina mai aoaoga ma mea na tutupu o loo tautalagia i lenei punavai i le anotusi talafeagai o o latou taimi, nofoaga, ma tulaga?
O ni isi o aoaoga ma mea na tutupu o le talafaasolopito e mafai ona fenumia’i pe a aveesea mai i le anotusi o o latou taimi ma nofoaga. O anotusi faaletalafaasolopito e aofia ai foi isi mea na tutupu na tupu i lena taimi (e pei o taua, faafitauli o le tamaoaiga, ma faiga faaagafesootai ma faaleupufai), ma le aganuu ma faamatalaga faafuainumera o le faitauaofai o tagata i se taimi ma se nofoaga faapitoa.
Pe o lagolagoina aoaoga ma mea na tutupu e ni punavai faaopoopo faatuatuaina?
O le lagolago mai isi punavai faatuatuaina e fesoasoani e faatulaga ai le sa’o o aoaoga faavae ma mea na tutupu faaletalafaasolopito.
Valaaulia tagata aoga e o i le itulau o Links to Gospel Study Resources . Faitau faatasi o se vasega ia parakalafa muamua e lua. Ona valaaulia lea o se tagata aoga e faamatala mai le eseesega i le va o punaoa aloaia a le Ekalesia, punaoa e fesootai ma le Ekalesia, ma isi punaoa. Valaaulia tagata aoga e suesue nisi o punaoa eseese i nei vaega ma faasoa mai mea ua latou maua.