“O le a Se Mea e Mafai Ona Aoao Mai e le Fuafuaga a le Atua ia i Tatou e uiga ia te Ia?,” Liahona, Fep. 2024.
Sau, Mulimuli Mai ia te A’u
O le a Se Mea e Mafai Ona Aoao Mai e le Fuafuaga a le Atua ia i Tatou e uiga ia te Ia?
A o aoao atu e Iakopo lona nuu e uiga i le ata o le faaolataga, ua olioli o ia i mea ua faia e le Atua mo i tatou, aemaise lava i le faatoilaloina o le oti faaletino ma le faaleagaga. O viiviiga ma aoaoga a Iakopo e mafai ona fesoasoani ia i tatou e iloa ai nisi o uiga auaumama paia o le Atua. A tatou iloa le ala e faaaoga ai e le Atua nei uiga auaumama e faamanuia ai o tatou olaga, e mafai ona tatou atiina a’e se sootaga vavalalata, ma sili atu ona tapuai faatasi ma Ia.
Uiga Auaumama Paia
A o e suesueina le 2 Nifae 9, mafaufau e vaavaai mo uiga auaumama faaleatua ua viia e Iakopo.
E mafai faapefea e nei mea taitasi ona aumaia ia i tatou le fiafia?
-
Poto (fuaiupu 8)
-
Alofa Mutimutivale ((fuaiupu 8, 19, 53)
-
Alofa Tunoa (fuaiupu 8, 53)
-
Lelei (fuaiupu 10)
-
Maoae (fuaiupu 17, 40)
-
Faamasinoga Tonu (fuaiupu 17)
-
Paia (fuaiupu 20)
-
Amiotonu (fuaiupu 41)
Mulimuli i le mamanu a Iakopo ma faatumu le avanoa i uiga auaumama ua e vaai i ai ua faaalia e le Atua: “E, le silisiliese na’ua o le _______ o lo tatou Atua.”
Matau pe faapefea ona fesootai na uiga auaumama i le mea na faia e le Atua. O a ni mea maoa’e ua Ia faia ona o le tagata ua i ai o Ia?