“E Faapefea ona Fesoasoani le Lotofaafetai ia i Tatou e Onosai Lelei ai?,” Liahona, Fep. 2024.
Sau, Mulimuli Mai ia te A’u
E Faapefea ona Fesoasoani le Loto Faafetai ia i Tatou ia Onosai Lelei Ai?
E oo mai tofotofoga i tagata uma e tusa pe amiotonu pe lē amiotonu. O le auala tatou te filifili ai e tali atu i tofotofoga ma le mea tatou te tata’i i ai la tatou taulaiga o le a faia ai le eseesega atoa.
Taula’i Atu i le Lotofaafetai
Ina ua maliu Isamaeli, sa faanoanoa ona afafine i lona maliu, ae sa latou faanoanoa foi “ona o o latou puapuaga i le vao” (1 Nifae 16:35). O nei tamaitai sa onosaia faigata tetele, ae o le tumau o lo latou taulai atu i o latou tofotofoga na mafua ai ona latou muimui faasaga i le perofeta (Liae) ma lē iloa atu ai o latou faamanuiaga (tagai i le 1 Nifae 16:36).
Sa ola Nifae i faigata lava e tasi ae sa lei muimui, e tusa lava pe na gau lana aufana ma sa le mafai e le aiga ona maua ni meaai mo se taimi (tagai i le 1 Nifae 16:18–22). Sa ia tali atu ma le onosai ma le faatuatua.
Ana le aoaiina lava e le Alii afafine o Isamaeli ma a latou tane faatoa o latou salamo ma“liliu ese lo latou ita” (tagai i le 1 Nifae 16:39). Ma, na tusa lava pe na latou aai i aano mata o manufasi i le vao, sa tuuina atu e afafine o Isamaeli le tausiga sili ona lelei mo a latou fanau ma “sa malolosi, ioe, e pei lava o tane, ma sa amata ona latou faia pea a latou malaga e aunoa ma le muimui” (1 Nifae 17:2).
E ui ina sa faaauau pea e le vaega ona “asa atu i puapuaga e tele i le vao” (1 Nifae 17:1), ae sa ta’ua e Nifae e faapea, “sa tele lava faamanuiaga a le Alii i luga o i [latou]” (1 Nifae 17:2).
O le lotofaafetai e fesoasoani tatou te iloa ai faamanuiaga a le Alii e tusa lava po o a o tatou tofotofoga.