Pumarito Ka, Sumunod Ka sa Akin

2 Nephi 1–2

Bakit Kinakailangan ang Pagsalungat sa Plano ng Diyos?

punong may malaking bunga

Sa 2 Nephi 2, nagturo si Lehi tungkol sa kalayaang pumili at sa pagkakataon nating piliin ang kagalakan at buhay na walang hanggan. Pero hindi natin magagawa ang pagpiling iyon kung walang pagsalungat. Ipinaliwanag ni Lehi na kung walang pagsalungat, “ang kabutihan ay hindi mangyayari” (talata 11).

Tingnan ang 2 Nephi 2:11–13 upang mapunan ang sumusunod na chart:

Kung wala tayong …	Wala rin tayong …
Kamatayan
Kasalanan
Katiwalian
Kasamaan
Kaparusahan
Kalungkutan

“Lahat tayo ay dumaranas ng iba’t ibang uri ng pagsalungat o oposisyon na susubok sa atin. Ilan sa mga pagsubok na ito ay ang mga tuksong magkasala. Ang ilan ay mga hamon sa buhay na walang kinalaman ang sariling kasalanan. May napakalalaki. May maliliit. Ang ilan ay tuluy-tuloy, at may ilang pansamantala lamang. Lahat tayo ay dumaranas nito. Ang pagsalungat ay nagtutulot sa atin na umunlad tungo sa nais ng ating Ama sa Langit na kahinatnan natin.”

Pangulong Dallin H. Oaks, Unang Tagapayo sa Unang Panguluhan, “Pagsalungat sa Lahat ng Bagay,” Liahona, Mayo 2016, 115–16.

Talakayan

Ang pagsalungat ay nangangahulugan na mahaharap tayo sa mga hamon, pero nangangahulugan din ito na makahahanap tayo ng kabutihan sa ating mga pagsubok. Anong kabutihan ang makikita mo sa kabiguan, kawalan, problema sa pera, o iba pang mga hamon?