BWEBWENATO KO AN IJO JOKWE IE
Tōmak eo an Juon Mama
Etan mama in Tatiafogaega Tausagafou Brown-Fuimaono.
Ke ekar dik, Tatia ekar jokwe ilo juon em̧ edik ippān baam̧le eo an ilo Matautu Lefaga, Samoa. Jemen, Palauni Brown, ekar membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata, akō ejanin bar kobatok n̄an Kabun̄ in ilo jejjo̧ iien. Tatia ej keememej ke jemen ekar rōjan̄ kōrā eo ippān im ajri ro lalem (ilo iien eo) n̄an etal im jar, men̄e ejjab.
Jinen Tatia ekar juon membōr eo ekajoor ilo Kabun̄ eo an Brotijen ilo Samoa (EFKS). Ke mijenede ro jān kabun̄ eo an ļeo ippān rej lolo̧k m̧weo im̧weer, ejjab kijon̄ kōnaan lukkuun jijjōt n̄an keroro ippāer, ak ekar bōke kajjitōk eo n̄an riiti Bok in Mormon. Bok in ekar kareel e, im ejjab to—mekarta ekab de jab kōnaan katak ippān mijenede ro—jinen Tatia ekar riit jān Bok in Mormon eo aolep raan.
Juon raan, jinen ekar ba n̄an Tatia bwe en kappok tok dekā kilep, ioon doon n̄an dapij laļlo̧k tōrerein ok in nam̧ eo. Tatia ekar pokake ilo an diwōjlo̧k n̄an imaan m̧weo im̧weer, ak m̧okta jān an kar kotak juon deka, ekar make okjak.
Jinen ekar ekairir ettōr n̄an namoj, innām lam̧ōj. Tatia ekar kaju mōļo̧ im mouj im ejjab emenono. Ļōmņak eo ekar itok n̄an kōlmenlo̧kjeņ eo an jinen ej n̄an kūr tok elder ro: mijenede ro jān kabun̄ eo an ļeo ippān.
Iien eo elder ro rej jade tok, Tatia ekar jab maron̄ uwaak ilo jejjo̧ minit ko. Ke mijenede ro kaju kōjeraam̧m̧an n̄an ājmour, im ilo an kar jino rūj tok, Tatia ekar keememej an ron̄ anikien juon Elder ej ba, “Mama, jab inepata. Enaaj em̧m̧an an pād. Jemedwōj Ilan̄ ewōr an jerbal n̄an an kōm̧m̧ane. Kwe im ajri ro nejim enaaj jeram̧m̧an kōn tōmak eo am.”
Jān raan eo maanlo̧k, jinen Tatia ej kijor kamool kōn iien in—kabwilōn̄lōn̄ in ājmour eo an ajri eo nejin—kapen jān mool eo an make kōn Bok in Mormon, Kabun̄ eo an Jisōs Kraist im Armej ro Rekwojarjar ilo Raan Ko Āliktata, im aaet, priesthood eo an Anij. Ekar peptaij ilo 1959 eo im ilo aolepān mour eo an kōmaat an maron̄ n̄an jerbal eo an Irooj, eļaptata aiintok an Israel ilo jait ko ruo ilo rōnoul eo.
Mokta jān an kar jako ilo 2019 eo,—ilo iiō ne 90,—jinen Tatia ekar maron̄ jeraam̧m̧an ilo an kar pād ilo kam̧oole kanaan eo an Elder eo ekar m̧ool. En kar ratimjoun nejin im ren kar aolep kajoor, membōr ro reniknik ilo Kabun̄ in, ippān jilijino ajri ro rej jerbal in mijen ippāer make. Rej barāinwōr karutotolo̧k ajri ro nejieer ilo Gospel eo an Jisōs Kraist, im bar juon epepen in Armej ro Rekwojarjar ilo Raan Ko Āliktata remaron̄ kam̧oolol jibwier kōn an kar lelo̧k an iien ilo Bok in Mormon.
Āinwōt leddik eo nejin Tatia ilo bwebwenato in, ij jutak ilo epepen in. Eta in Foketi, im ikar rūttolo̧k ippān bubu Foketi Masani Le Mamea-Brown, eo ekar jab leļo̧k menin letok eo kōn etan, ak bārāinwōt juon mour in iakwe im ekatak n̄an indeeo. Bubu—‘Ma’—ekar jerbal ilo kijejeto ilo m̧weo āinwōt an kar ilo kūr ko an Kabun̄ in, im ikar kam̧oole an tōmak eo an, tōmak ilo makūtkūt ko an aolep raan. Ekar katakin eō n̄an tūriam̧o, en̄taan, jerbal eļap, jerbal in jipan̄ ilo ejjeļo̧k watōk, im kōn kabwilōn̄lōn̄ ko rej itok jān etal n̄an tampeļ kajjojo raan.
Kōn Ma, ikar jeļā pokake, im m̧ool ilo kōļļā juon mōttan jon̄oul, n̄an pojak n̄an jabdewōt men, n̄an jar aolep iien, im iakwe ilo ejjelo̧k jemlo̧k. Bwe in aolep iien mour āinwōt naan in kam̧ool eo an bwebwenato in tōmak eo an lellap eo jibū.