Itok, Ļoor Eō

2 Kiin̄ Ro 21–23

Jeje ko Rekwojarjar rej Ukōt Būruwōd n̄an Anij

Būreejtōn Spencer W. Kimball ekar ba bwebwenato in Kiin̄ Josiah, eo emaron̄ loe ilo 2 Kiin̄ Ro 21–23, “ej juon iaan bwebwenato ko rem̧m̧antata ilo aolepen jeje ko rekwojarjar” (in Itok, Ļoor Eō—N̄an Kajjojo im Baamle Ko: Kallim̧ur M̧okta, 129).

Elmen an kar Kiin̄ Josiah Loe Jeje ko Rekwojarjar

Kiin̄ Josiah ej karōk armej ro bwe ren lelaļtak ekjab ko

Kiin̄ Josiah ej Karreo Ane in Ekjab ko, © Lale im Ekkatak / Bridgeman Images

Josiah ekar erom̧ kiin̄ in Judah ke ekar ruwalitōk wōt an iiō. Ekar bōk ioon aelon in armej ro eļap aer tōmak ilo anij ko reriab, ak ekōnaan kar loore Irooj. Ilo iiō in karuwalitōk an ped ilo jea eo, ekar wōtar bwe aolep lokatok im ekjab ko kōn riab in anij ko ren kakuri ilo aolepen Judah.

armej rej riiti jeje ko rekwojarjar

Josiah, Kiin̄ in Juda, ej Karooltok Kabun̄jar n̄an Anij ilo Aelōn̄ eo An, jān unknown artist, pija jān Stefano Bianchetti / Bridgeman Images

Jonoul iio tokālik, ekar kajjitōk ippān armej ro an n̄an karooltok tampeļ eo an ilo Jerusalem, ijo pris eo uteij Hilkiah ekar loe jeje ko rekwojarjar. Ke Kiin̄ Josiah ekar riiti bok eo, ekar im̧we e n̄an loore katak ko. Innām ekar kobaiktok armej ro an im riiti bok eo n̄an er.

Ilo juon iien aitok, armej ro rekar kijn̄en̄e būrueer n̄an Anij. Bōtaab jeje ko rekwojarjar ekar jipan̄ ukōt buruwōn armej n̄an bar Irooj. Kiin̄ Josiah ekar kallim̧ur armej ro enaaj etetal ilo ial eo an Irooj im pokake aolep kien ko.

Ekōnono

Ta eo ko ilo jeje ko rekwojarjar rejelete mour eo am? Ta eoon ko komaron̄ riiti rainin n̄an im̧we eok?

Kallim̧ur M̧okta Jeje ko Rekwojarjar n̄an Iien ko Rejenoļo̧k

Ne kwoj:

• Ajimakeke

  2 Kiin̄ Ro 6:16

• Aikuj Kajoor:

  Aiseia 40:31

• En̄jake jab iakwe:

  Sam Ko 130; Aiseia 54:10

• En̄jake mijak:

  Sam Ko 27:1; Aiseia 41:10

• Meļo̧kļo̧k wōn kwe:

  Jenesis 1:26–27

• Kōnaan epaakeļo̧k Rilo̧mo̧o̧r:

  Aiseia 53:3–5

Wāween ko n̄an Ekkatak Jeje ko Rekwojarjar

• Kobaik jar āinwōt ilo riiti jeje ko rekwojarjar. Kajjitōk ippān Jemedwōj Ilan̄ n̄an kōjeraman kwe kōn Jetōb Kwojarjar n̄an en̄jake aenōm̧m̧an im ikideelel.

• Riit ilo kōtōpar n̄an kōkajoor tōmak eo am ilo Jisōs Kraist.

• Riit ilo kōtōpar n̄an būki jeje ko rekwojarjar ilo mour eo am make. Kajjitōk ippem make, ta eo Irooj ej kajeon katakin iō ilo jeje kein rekwojarjar?

• Kōm̧m̧an iien n̄an kōlmenļo̧kjen Kajjieon̄ in jab ekairir ilo iien riit.

• Kajjitōk kōn jipan̄. Riit ippen eo ippem, mōttam, ak juon eo koj jokwe ippān emaron̄ tōl n̄an ekōnono ko rem̧m̧an im jipan̄ eok kemeemej n̄aj riit kajjojo raan.

Komaron̄ alwoje pija in mour eo an Kiin̄ Josiah ilo kein alwoj ko an Kabun̄ in, “Josiah and the Book of the Law,” ilo ChurchofJesusChrist.org.