“Tampeļ ko: Bōōr eo Eļap Wōnāān,” Liaona, Juļae/O̧kwoj. 2022.
Ruwainene n̄an Bok In
Tampeļ ko: Bōōr eo Eļap Wōnāān
Pija in Brigham City Utah Temple
Ej juon kōjeraam̧m̧an eaiboojoj ilo ad loe an tampeļ ko ekaaļ m̧ōkaj ilo aolepen laļin. Jej m̧ōņōņō ippān membōr ro an Kabun̄ in ilo an tampeļ rekāāl kar aje ilo eria ko ami.
Kōmij kōjatdikdik aolep armej renaaj kaorōk tampeļ eo im jab wōtļo̧k ilo juon bwōd kōmeļeļe jān Būreejtōn Boyd K. Packer (1924–2015), Būreejtōn an Doulul eo an Jon̄oulruo Rijilōk ro. Ilo bwebwenato ilo bōōr eo im bo̧o̧k eo, ej kwaļo̧k bwe rikōm̧m̧an eo ekar kōm̧m̧ane juon bo̧o̧k aiboojoj n̄an kareelel kake bōōr eo eļap wōnāān. N̄e armej ro rej itok n̄an lale bōōr eo, bōtaab, rekar lukkuun nebar bo̧o̧k eo. (Lale “The Cloven Tongues of Fire,” Liaona, Juļa 2000, 7.)
Aaet, bōōr eo eļap wōnāān ilo tampeļ eo ekoba kain̄i ko, bujen ko, im kallim̧ur in kōjeraam̧m̧an ko jemaron̄ būki ilo wōt tampeļ eo. Ilo an Elder David A. Bednar jān Doulul eo an Jon̄oulruo Rijilōk ro kwaļo̧k ilo ennaan in: “Aolep men ko ekkatak im aolep ta ko emōj ilo tampeļ ko ilo raan-kein āliktata ej kwaļo̧k karōk ilo m̧ōņōņō eo an Jemedwōj Ilan̄ eļap, ekwojarjar n̄an Jisōs Kraist, im jerbal eo An āinwōt ad Rilo̧m̧o̧o̧r. Bujen ko kar būki im kain̄i ko kar kōm̧m̧ani ilo tampeļ rej aorōk n̄an kakwojarjar būruwōd im n̄an mour indeeo an ļaddik ro im leddik ro nejin Anij” (peij 6).
Ilo am riiti ennaan eo an Elder Bednar, jej karuwainene eok n̄an kemeemej bujen ko kwar kōm̧m̧ani ilo tampeļ. N̄e eto jidik am jan̄in etaļ n̄an tampeļ, jej karuwainene kwe n̄an rooļļo̧k im bar juon alen en̄jake m̧ōņōņō im aeņōm̧m̧an loe ilo imōn Irooj. N̄e kwojan̄in pād ilo tampel, jej karuwainene kwe n̄an kōpooj kwe make n̄an “im̧wem̧we kōn kajoor jān ijo eutiej;” (Katak im Bujen Ko 38:32).
Elder Kevin R. Duncan
Jān Jiljilimjuonn̄oul eo
Executive Director of the Temple Department